غياهب الجهلِ والظلمِ

البارت التاسع_عشر

  ..رواية..غياهب ..الجهل والظلمِ ..

       ...بقلمي..نورس _قاسم ...
         ~~~~~~~~~~~~~~

لقد هربتُ كثيراً ، تجاوزتُ الكثير مِن العقباتِ حتى فتحتُ عينيّ لأجد نفسي تائهة في المكانِ ذاتهِ،

التعاسة ذاتها، الفوضوية ذاتها ..
لكنني لا زلتُ أهرب مِن الصداقاتِ العميقة، والعلاقات القوية، لأنها ترهقني حقاً،

أصبحتُ هاربةً خوفاً من أن أجلب لنفسي خطراً آخر خوفاً من ان أجلب ندماً اخر ، أهرب من نفسي، عقلي، من بقايا أحلامي ورمادها ،

حتى من الاشياء التي أنتهى أوانها، لكنها لازالت مستمرة بداخلي!، هاربة من الدنيا وما فيها، لطالما كانت العزلة هي الملجأ الوحيد الذي بأمكان المرء ان يجد فيه الطمأنينة،

هارباً من الخسارات اليها مُحافظاً على ما تبقى منهُ، تاركاً الأيام تمضي كما تشاء، و لا يكترث لأي شيء يحصل معهُ، إنما فقط يحاول أن يعيش
كالرمادِ، مجازفاً بالعيش هكذا بـجسد بلا روح... ((لأحدى بطلات قصتي ))

        ~~~~•~~~~•~~~~

مريم:-الفقر مو عيب للأنسان انما ابتلاء لكن ماكو احد يريد هذا الابتلاء ...

..بغض النظر عن نظريت بعض الناس للفقر تعتبره شي مقزز

مثل اليوم انشوف بنت ملابسها قديمه ما نكول يمكن اهلها ناس على كد حالهم وفقره ماعدهم يشترولها ملابس

لاا راح يكولون مكديه ووسخه وحتى يستكنفون يتقربون منها واذا لمستهم بالغلط ياويلها يقومون قيامتها ميكعدوها ...

اكثر شي موجوده هايه النظريه بمجتمعنه المجتمع العراقي وطبعا مو الكل لا اكو ناس شينه وتقابلها ناس زينه ...

اتذكر جدي جان يحجيلنه ويسولفلنه عن اهل قبل يكول ابويه جان يسولفنه ويكول ..

..انروح للمدرسه حفات الاقدام والملابس قديمه ونبقى عليها يعني بنطلون نخلص بيه الدراسه كلها ..

..بس جنه عايشين براحه ونعمه ماكو تنمر ولااكو فلان هيج لابس وفلان هيج مسوي

لان الوادم كلها فقره وماعدها والفلس الي عدهم يصرفونه على طعام لا غير شي ...

واحنه اذا نشوف قبل على كولت جدي

ارجل خاليه وعقول عاليه. اما اليوم هه ارجل عاليه وعقول خاليه ...

التنمر الموجود لو يروح جان البشريه كولها بخير ..

أبتدأ يومي مثل باقي الايام  نظفت ولبست ملابسي وطلعت

رحت للمول وهناك بديت اشتغل ،،، صاحب المول انسان محترم ويتعامل ويايه باحترام وحتى ميستصغرني مثل البنات ،،، او يمكن لان الاسد موصيه عليه