غياهب الجهلِ والظلمِ

بارت السابع-والعشرون

رواية..غياهب الجهل والظلم ..
..بقلمي..نورس قاسم ..

☆----------------☆

شذر :-كعدت من النوم متكسره عبالك كنت احارب مو نايمه تمطيت بملل ...

...باوعت للساعه ١٠ونص بدلت ملابسي وطلعت رحت غسلت وجهي ونشفته ...

...رحت للمطبخ باوعت ماكو احد ضربت كصتي ...نسيت. اليوم زنوبه راحت يم ورده حماتي تغير جو ...

طلعت دجاجه وتمن وبلشت اطبخ الغده حمست الدجاج وغطيته شويه بين ميستوي ...

...سمعت موبايلي يتصل رحت سحبته من الشاحن باوعت المتصل ودق صديقتي بالجامعه ..

...ابتسمت بفرح الي هوايه مشايفتها وبيتها موجود بالكماليه وبعيده منروجلها ولاتجيني ...

فتحت خط ... الووو

...هلا حياتي شلونج..

شذر.. الحمدلله عمري لج مشتاقتلج شنو اخبارج ..

...احنه الاشوق بالذاته والله على الله اكول شذوره عالاساس اليوم اريد اجيج ...

شذر... صدك حبي ياريت تجين والله مشتاقتلج كولش ..

...اي والله واني هم بس شوفي منتظره سلام يجي واشوفه بلكي يوصلني ويقبل يجيبني اذا وافق اني اردلج خبر ...

شذر.. كولش فرحت لان حشوفها ظلينه نسولف اني وياها شويه وسدينه الخط ..

..رحت كملت الاكل وحضرته اجه عمو بس صفاء ما اجه ظل بالمطعم حطيت العمو اتغده وصبيتله الجاي ورحت لغرفتي ...

...رن موبايلي ودق تتصل فتحت خط ... هاحبي وافق يوصلج..؟

.. اي وافق نص ساعه واني يمج محتأخر عليج ...

...تمام حنتظرج ... بلشت اجهز نفسي اتصلت بصفاء انطيه خبر بس ماكو ميجاوب احتمال دا يتعارك هسه ...

طلعت لكيت عمو مبدل ودا يطلع كلت اله .. عمو صديقتي حتجيني ..

كال .. كل الهلا بيها عمو خلي تجي اني طالع لاخوي بفد موضوع بس قبل لا اروح راح اشتري ضيافه وادزها ويه علاوي ..

..تسلم عمو براحتك .. طلع عمو شويه واجه علاوي ابن عمهم زغير شايل عصير وكيك وجكليت ...

اخذتهن منه ورتبتهن بصينية الضيافه ورا شويه اندكت الباب حطيت الشال على راسي وطلعت حجيت .. منووو..؟

كالت .. اني ودق ..

ابتسمت رحت فتحتلها الباب حضنتها وبوستها وهي كذالك هم حضنتني كالت .. مشتاقتلج هوايه وربي ..