غياهب الجهلِ والظلمِ

بارت الخامس_والعشرون

     رواية..غياهب الجهل والظلمِ ...

         بقلمي...نورس_قاسم ...
            ☆--------------------☆

شذر:-سويت فوشار ورحت كعدت يم زينب دا نشاهد فلم ومطفين الضويات كولها

وبس ضوه الشاشه مبين ودنيا ليل عمو وصفاء طالعين مموجودين

فأحنا دانباوع عالشاشه وناكول ومنحس غير صار رمي علينه كولش قويه البيت كوله حسيته تفلش من الرمي ...

خوف ورعب وهلع صابنه كو طبيعي كمنه نصرخ اني وزينب. والرمي مستمار ...

ختلنه ورا القنفات واحنه دموعنه تطافر من عيونه ثواني وهدء الجو واختفى صوت الرمي ...

من الهبطه كعدت عالارض مكدرت اتحرك بعد دخل صفاء وولد عمامه يركضون وراه ...

اني كنت بطرك التراك وملابسه شال ..جر الشرشف مال التخم وشمره عليه ...

زينب نفس حالتي واكثر هم مصدومه ومرعوبه حيل جرنه ثنينه عليه وكال بخوف...

...خو ما تأذيتن كوللي صارلجن شي ..

هزينه راسنه بلا ودموعنه اتدير من الخوف منكدر ننطق بشي ..

كاله ابن عمه ...اكيد هذا المقاول ورا السالفه ماكو غيره ...

صفاء ..اكيد ليش منو غيره الي يسويها ماعدنه عداوه ويه احد غيره...؟؟

ابن عمه كاله..هسه امشو يمنه لتبقون هنا بين ما نتصرف ...

شذر..رحنه بدلنه ملابسنه وطلعنه لبيت عمه قريبين علينه بس كم بيت ووصلنه ...

اول مدخلنه تلكتنه مرت عمهم وبناتهم حلوات ومرحات سلمنه عليهم وكعدنه...

اجو الولد وكعدو يسولفون بلي صار شويه واجه عمو ابو صفاء واخوانه وياه ...

وبقو يهدون ويتحلفون اذا طلع المقاول ورا الي صار ميرحمو ...

اكو واحد من ولد عم صفاء اسمه سيف مرح وسبورتي يشاقه ويضحك اجه سلم عليه ...

..شلونج خويه ان شاء الله متأذيتو ..؟

..ابتسمت ..لا الحمدلله متأذينه بس نرعبنه والله ..

..حقجن مو شويه الصار بس ان شاءالله تنذكر ومتنعاد وخلي نعرف الفاعل واحنه اله ...

شذر...ابتسمت وحجيت... ان شاءالله..باوعت صفاء يباوع عليه وعلى الولد ويخزر بيه ...

..اني وصفاء رغم شكد كنه اصدقاء وعلاقتنه قويه بس من انقتل اخو كولش ابتعد عني وحتى من اتزوجنه حيل بارد ويايه ولا عبالك زوجته ...

ابتسمت من حسيته غيران من ابن عمه ..بقينه نسولف والعمام دايخيين يردون يعرفون الفاعل

..بعدين كامو دايرحون ينامون مرت عمهم راحت شويه واجت كالت ...