غياهب الجهلِ والظلمِ

بارت الواحد_وثلاثون

     رواية ..غياهب..الجهل والظلم..
       ...بقلمي..نورس قاسم...
      --------------------------

:-لميت شعري بالقراصه وبلشت انط عالحبل والعب ...

بقيت دقايق العب بيه شويه وما حسيت غير روحي واكعه  بطني صارت على طارف السرير  وطارف السرير شويه حاد ...

تأذيت وانيت بوجع ..كوه كمت وكفت بدوخه حسيت شي حار نزل عليه باوعت رجليه مليانات دم ....

نزلن دموعي من شدة الالم وما اعرف هذا الدم شنو وليش نزل بهايه الاثناء دخل ادم ..

...شافني الوج وأأن من الالم عقج حاجبه و اجه تقرب مني كال بخوف ...

...شبيج حبيبتي ليش تبجين ...نزل نضره لرجليه كال بخفوت ... ميرا شنو هذا الدم ...

حجيت واني ابجي ... دا اقفز عالحبل ووكعت وبطني صارت على طارف السرير ...

هو انخبص وكال .. امشي اخذج للمستشفى نشوف شنو هذا الدم ... نزل يركض ثواني واجتني وسن مرت امين كالت بخوف ..

...ها ميوره شبيج شنو هالنزيف معقوله حامل وهم حيوكع الطفل ..؟

..حجيت ..ما ادري والله ما ادري بس الالم ببطني يموت ...

تقربت من الكنتور فتحته وطلعت ملابس اجت تقربت مني وكالت ... هاج بدلي علمود ناخذج للمستشفى لتخافين ان شاءالله ماكو شي ...

بدلت ملابسي وطلعتلي عبايه لبستها وطلعنه للمستشفى ...
واني الطريق كوله اون متوجعه ...

          -----------------------
اسيل :- ورى فتره ساهر الحقير من اخذو الشرطه اعترف على اخو هو الي مخابر بابا ...

..هو مو فتره الصراحه ادم اخذه ساعتين خلاه يعترف على اخو ومو بس اخو يكولك معترف عالعشيره كولها بس رايد يخلص من ادم ...

...صح هالادم اني اكرهه بس هو الصراحه طالع عليه قوي ويجرم بالاشخاص ...

طلعت من البيت بعد ما خبرت ماما وبابا بطلعتي ورحت لبيت صفاء واني كلي عزيمه لازم صفاء يدربني  ويعلمني الدفاع عن نفسي ..

وصلت الهم دكيت الباب فتحها الي صفاء كال ... هلااااا بأسووو اليوم منورتنه ...

...حجيت واني ادخل .. هلا بيك لتظل تصبغ هو دنيا العصر ونور الشمس بعده موجود ...

كال.. وروح العبادي وتعرفيني ما احلف بيه كذب كانت الدنيا ظلمه وهستوها نورت بجيتج طبعاً ...

ابتسمت وكتله .. عندي طلب يمك بس بالاول خلي اسلم عالبنات واكولك عليه ...

هز راسه وكال .. تمام ..

دخلت سلمت على شذر وعلى زينب باوعت لصفاء وحجيت ..

...صفاء علمني الدفاع عن نفسي اريد كون الي يضربني اضربه ضربه  اطيره شلون شاروخان من يطير الاعداء ...