غياهب الجهلِ والظلمِ

بارت ال40

... رواية... غياهب.. الجهل والظلم ...
بقلمي_نورس_قاسم

مرحبا فراشات شلونكم ان شاءالله بخير ...

صيام مقبول وافطار شهي ان شاءالله ..

حبيت اقدم شكر لأفضل متابعه ومتفاعله للقصه  ...
user19004216
حبيبتي تسلمين يعمري عالتفاعل وعالتعاليق الحلوه مثلج ...
😍😍

مريم :- ثواني واجانه صوته فتح الباب باوعلنه ابتسم گال

فراس... اهلا وسهلا مريومه ..
هلا عمي شلونك ...

وراح سلم على ابوي تسالم وياه وگاله ...

فراس ... تفضل تفضل عمي .. صاح ... امييين امييين تعال ...

مريم .. انا نسيت انو اليوم عقد قرءانه على اسيل بس من شفته كاشخ وفرحان تذكرت ابتسمت الابتسامته ...

... بس سرعان ما اختفت من شفت اركان واميين اجو سوا حسيت روحي راح اموع من الفشله دنكت راسي همه اجو تسالمو ويه ابوي ...

امين گال ... يلا مريم ادخلي جهزي نفسج هم يلا راح يرحون للعقد ...

...مريم هزيت راسي وانا مدنكه ابوي واركان وفراس طبو للمضيف وانا طبيت للصاله وامين وراي ...

تلكتني خاله ام اركان گالت بعتب ... وين يمه وين جنتي غير تنتضرين العقد يخلص وترحين وغير تگوليلي شلون تخلين روحت مفاجئه الي انتي مو بالليل گاعده يمي اشو مگلتي دا اروح الاهلي ...

رحت بوستها جاي احجي گال امين ...

...يمه مو گتلكم ما جان نيتها تروح بس من گعدت وسألتني وين گتلها رايح للبصره حنت الاهلها من شفتها هيج گتلها امشي اخذج وياي وباجر ابوج يجيبج صارلها هواي ما رايحه هم خطيه ...

مريم ... تفاجئت من كلامه وسكتت مدهوشه يعني ما گاللهم انا جذبت جاا شلون اركان خابرني يتعارك ...؟

خاله گالت ... لا يمه اني شريد منها همه هم اهلها والهم حق عليها لازم يشوفوها واني معتبرتها مثل بنيتي فالذالك عاتبتها. لا اكثر ...

مريم .. ابتسمت وجريت نفس براحه ..گالت ...

يلا امشي بدلي عالسريع راح نتأخر ...

هزيت راسي ورحت لگيت وسن مرت امين دتغسل لابنها سلمت عليها ورحت لغرفتي ....

فتحت الكنتور وانا فرحانه واتنفس براحه خطيه امين الله يوفقه ماحاجي شي واله جان هسه فشلتي شكبرها ...

طلعت فستان اسود طويل وبيه فتحه من قدم الرجل للركبه. ومن فوگ الصدر ثابت وبلا تعاليك ويلبس فوگه وشاح هم اسود يغطي الصدر كله ..

رحت للحمام اخذ دوش طبيت نزعت ملابسي عاينت ايدي غاديه مبطبطه ومثل الجمره والله حتى نسيت وجعها عالصار بيه ...