رواية...غياهب الجهل والظلم..
...بقلمي..نورس -قاسم
☆-----------------☆
ميرا :- فتحت عيوني بنعاس وكعدت على صوت المنبه وهو يرن رفعت الموبايل طفيت المنبه ...
...باوعت للساعه بال 6:30 صباحاً سديت الموبايل ورجعت نمت تذكرت من طبخت الغدا وسألت ادم اذا طيب اولا ...
...كمزت من مكاني مفزوعه كمت من السرير رحت طلعت تراك ولبسته نزلت للمطبخ اركض كلها نايمه ...
فتحت باب الثلاجه ووكفت اباوع بحيرا شنو اطبخلهم غدا . ؟
وراح ادبرها واطبخ اني ابد مطابخه يعني بس التكلاه مكليه بس مطابخه ...
...طلعت بيتنجان كلت حسويه مرك صفنت شويه كول مره عمه من تسويه شتحط وياه ...؟
تذكرت من اكول المرك اشوف بيه طماطه بس مايعه وبصل محروك وبنهاية عمره ....
طلعت الي احتاجه وحطيته عالكاونتر جريت الشال شديت بيه راسي ورفعت اتراكي من الاقدام ورفعت الكم مال رداني و بلشت اشتغل وكمت اجيب واخبط ناس على ناس ....
سمعت صوت ورايه وهو يكول ..
...ميرااا.؟
..درت وجهي شفته واكف بالبجامه والفانيلا الداخليه ابتسمت حجيت ..
...اي ميغا...
عقج حاجبه وكال ... اكلج اشو تاركه لهجتنه وكايمه تحجين مصلاوي ...؟
..ابتسمت.. اغشع حبيبي روح غير ملابسك بين ما اجهزلك الفطور ...
جرنفس وزفره هز ايده وطلع من المطبخ درت وجهي دا اكمل شغلي رجع وكال ...
...صدك نسيت شتسوين كاعده من الصبح وشنو هذا البيدج ..؟
ابتسمت ... اليوم قررت اني الي حسوي الغده ...
عقج حاجبه وكال ... ليش وانتي وين تعرفين تطبخين ...
...حجيت... العافيه درجات شويه شويه اتعلم بس المهم بلشت بالتعلوم ...
ابتسم وكال ... اخاف متدبريها يول خلي من تكعد امي وتطبخ تعلمج ..
..حجيت بنفي.. لالالا اني اتعلم شنو قحط مرك هسه بسرعه يصير ..
ضحك بصوت وهز راسه وطلع من المطبخ واني رجعت الواقعي اباوع للبيتنجانه بيضه ومطوفه بالماي وكأنها تستنجد اطلعها زين هاي شلون خالتي تسويها حمره ...؟
كملتها مدري شلون صارت وبلشت سويت ريوك لادم نزل مبدل ولابس زيه العسكري
ابتسمت وحضرتله الريوك كعدنه نتريك اني وياه كمل كام راح غسل واني شلت الماعين دا اغسلهن اجه باسني بخدي وكال ...
...حبيبي رايح للدوام محتاجه شي اجيبه الج ..؟
ابتسمت.. قبانو لحبيبي انا لا اشكغك ممحتاجه شي ..
أنت تقرأ
غياهب الجهلِ والظلمِ
Narrativa generaleقصة ثلاث أخوات ... إحداهما رقيقه كــ جنحٍ الفراشة تتعرض للتحرش من اقرب الناس ِ إليها لتهدم شخصيتها قبل أن تُبنى فَتقع ضَحية افعال اشخاص ٍ لها حقدٍ كــ حقد ابليسُ على آدم ،،، والاخرى كــ لبوة ٍ جُرحت لــ تتمرد على واقعها الاليم وتحاول اجتيازهُ بقوه...
