غياهب الجهلِ والظلمِ

_البارت الخامس_

..رواية ..غياهب..الجهلِ والظلمِ ...

        _ بقلمي نورس_قاسم_

ميرا تكول ...💔
عــفت بــيه وجــع
شمــعه ...
اعلــه صينــيـة فــرح
بالعيــد ...
أوج بــروحــي بــس النــاس متونــســه ...

___________________💔

:-عندي مقوله دائماً استخدمها لنفسي وكولش احبها وامثلها...

...لكل فعل شنيع ...رد فعل اشنع ... مساوي له بالمقدار...

..هايه المقوله الي امشيه حياتي عليها...

...كعدت بليل الساعه اربعه الى ربع الفجر ...

..ضلمه وبس بياض الفجر يرد الروح وينعش القلب ...

..نزلت الدرج واني الف الشماغ على راسي ومطلعه منه بس عيوني...

..امشي بهدوء اخاف احد يكعد ويشوفني ...

..دخلت للمطبخ طلعت سكينه كبيره شكلها مثل الطبر هايه خالينها بس لتقطيع الحم ...

..رجعت فتحت المجر الثاني واخذت درنفيس هم احتاجه ...

..عدلت شماغي ولزمتهن عدل وطلعت للحديقه ..

..باوعتلها واكفه يم الشجره بصراحه بيني وبينكم كولش كسرت كلبي ومااردت اسويلها شي ...

...بس هو النذل لو منطينياها شويه ليش يخليها بنفسي ؟؟؟

...اذاً عقلي يكولي انتقمي منه وزوهري العافيه الصبح ...

..واني دائماً امشي ورى عقلي بحياتي ممشيت ورى قلبي لأن مااتوقع عندي قلب...

...رحت سحلتها بلكوه خليتها قريبه على باب الكراج ..

..حتى اذا كعد ولكاها مفلشه يكول حراميه هيج مسوين بيها...

...موصح بلا احسن من ماانكتل؟؟

اخذت سكينة تقطيع الحم وطحتلها ضرب ببطنها اااقصد بتايراتها اضرب واتخيلها مصطفى ومدايشفى غليلي ....

...شككت تايراتها كولش  ورجعت بالدرنفيس وكمت اضرب بيها ...

...وكسرتها تكسر يمكن سمعتها تأن وتدعي عليه يلا مومهم المهم شفيت غليلي...

اخر شي رحت بطاسه كبير مال عمال ولميت تراب من الحديقه واخذته يم الدراجه وكمت اشمر عليها ...

طبقت المثل الي يكول يقتل القتيل ويمشي بجنازته ...

..عاد اني سويت العكس قتلتها ودفنتها بس نص دفن موكامل ...

كملت جريمتي وخفيت اثار الجريمه ورايه كولشي رديته لمكانه...

...ورجعت صعدت لغرفتي وعلامة النصر مرسومه بشفافي ...