غياهب الجهلِ والظلمِ

بارت السادس_والعشرون

رواية ...غياهب الجهلِ والظلمِ

...بقلمي...نورس _قاسم ...
☆---------------------☆

ﻣﺎﺑــﻴﮫ ﺟﺮﺡ ﻳــﻨﺸﺎﻑ

ﺑـﺲ ﺍﻝ ﺁﺥ ..! ﺗﻮﺟـﻉـﻨـي
☆-----------------☆

امين :-ظليت بالسياره انتضره يجي اباوع ناس قليله وماكو احد دنيا الظهر والجو حار كولها ببيوتها ...

.. صفنت شويه باوعت للافته مال المحلات اسمه المقاول ..... ..

هذا مو نفسه المقاول الي اكل فلوس عمي ابو صفاء ...؟

طخت ابالي ضربت الاستيرن بقوه .. الله يلعن بليسك صفاء ماتفوتلك مشكله ابد تطرب عالمشاكل ...

..نزلت من السياره هستوني دا اروح وجان المحلات يوجن بالنار ...

...وكفت مرعوب من المنضر دا اتقدم اروح شفت
صفاء اجه ملثم وجهه اشرلي اركب ركبت فتح باب السياره كال ..

...يلا منقذ توكل ..

..تحجي صدك شنو اتوكل هاي شسويت انته..؟

باوعلي وكال .. شسويت اخذت حقي وحق ابوي شنو اجرمت ..؟

هزيت راسي وكلتله ... صفاء مايجوز هيج تتصرف اكو واحد ياخذ حقه بالهطريقه..؟

يمكن لا سامح الله اكو اشخاص بالمحلات شنو ذنبهم يرحون ضحية افعال همجي مثلك وبعدين منو يكول المقاول نفسه الي رمه يجوز شخص ثاني ...؟

هز راسه بعدم قبول وكال ... لا هو الملطلط تأكدت بنفسي هو الاطلق نار عالبيت وبعدين اني تتأكدت بهيج وقت يعزلون المحلات وماكو احد فالذالك حركتهن هسه الى مستحيل اقتل ناس ابرياء ومالهم ذنب ..

..حجيت بملل .. وشلون تأكدت هو الاطلق نار بلا رحت سألته وكلك اني رميت ..؟

ابتسم وكال .. دزيت واحد من جماعتي يحلفه بروح العبادي اذا هو الرمى اولا فهو حلف بروح العبادي وماطول حلف بروحه اذا كذاب وهو الي رمه ...

...صفنت بوجهه ثواني وحجيت بعصبيه .. صفاء شداتكول انته تحجي صدك ..؟

ضحك وكال ... هسه يا منقذ عرفت بطريقتي وخلص شنو سالفتك انته يلا نزلني هنا...

...هزيت راسي بأسف وصلته لبيتهم ورجعت للبيت لكيت اسيل يمنه باوعتله متغيره جذرياً ابتسمتلها كالت...

...شونك اموني ..

...هلا اسو الحمدلله انتي شلونج ..

...ابتسمت وكالت ..الحمدلله بخير

رديت.. الف الحمدلله ... رحت كعدت عالتخم نزل ادم فات من يم اسيل رفع ايده للسماء وكال ..

:-اللهم اكفينا شر الشياطين الانس والجن ولتخلي كلبي ينشلع اليوم باجر عندي دوام ...