غياهب الجهلِ والظلمِ

البارت السابع_عشر

..رواية..غياهب..الجهلِ و الظلمِ ..

...بقلمي..نورس..قاسم ...

~~~~~~~~~~~~

‏لا تطلب قُرب أحد
ولا تنتظر عطفاً من أحد

ولا تعش لغيرك ، فنفسك أولى
ولا تربط سعادتك بأشخاص
أو بأشياء اصنع لنفسك وطناً
كي لا تغترب بفراق أحد

فلا يوجد هنالك شخص قادم من السماء لينير عتمتك
كُن أنت النور لنفسك أنت من يتقن إسعاد روحك

وترتيبها من جديد بعد شتات لذا كن لنفسك كل شي.✍

~~~~~~~~~~~

اسيل:- اباوع لملامحه بهتت وفعلاً كان كلامي بالنسبه اله اقوا قنبله .

كال بتلعثم وضحكه كذابيه ... ههه قابل دااضحك عليج يااسو بالعكس احبج والله واريدج الي بس كلت بعد خلي انكمل جامعتي وانتي دراستج وبعدين نتزوج لاحكين عالزواج...

اسيل...باوعتله واني احس الفارات يكمزن بعقلي صكيت اسناني وكلتله ...

.اني مكتلك اريد نتزوج هسه لتفسر الكلام بكيفك بس كل الي كلته تجي تكلم بابا

مثل ادم اخوك ميرا عمرها ١١سنه وكلم بابا وكاله ميرا الي مو الغيري وهو اليوم وفه بكلمته وصارت اله

فهسه احنه خلي نحط النقط عالحروف من هسه احسن من مااتعلق بيك

وبعدين تطلع واحد خاين وتضحك عليه وساعتها اوديك ورا الشمس مثل ماوديت رغد..؟

فتح عيونه على وسعهن وكال بدهشه...

اركان.. انتيي ورا اختفاااء رغددد!!!

اسيل..هزيت راسي واني ابتسم ... وحده نذله وباعت خوتنه وصداقتنه وخانتني

شنو تتوقع اعديها الها واسكتت..؟؟
مو اسيل التعدي وتسكت سمعتني اركان يعني اذا انته هم فكرت تخوني والله ساعتها اخليك تاكل اصابيعك ندم ..

...ابتسم وكال.. هاهي حب مثل ماتردين اكلم عمي بموضوعنه وتدللين

بس مو هسه راح اسافر ومن ارجع من سفري تتدللين ..

اسيل.. ضيقت عيوني وكلتله.. اشو هالأيام مكضيها كوله سفر وبعدين خير وين حتسافر..؟

اركان .. اي غير شغل يااسو لو ما الشغل فلا اسافر وان شاءالله ماتأخر منا لعرس ادم اني ارجع ..

اسيل .. هزيت راسي .. ماشي تروح وترجع بالسلامه ان شاءالله ...

ابتسملي بس اني قلبي لاعب ومااعرف شبيه للعصر رجعنه لبيتنه

بعد ما ادم اشتره حلويات الدنيا كولهه لميرا وهي مكيفه تموت عالحلويات

بس اني دا اشوفه يعلف بيها مثل الخروف من يعلفو يجهزو للذبح ميرا هم كذالك ادم دايعلف بيها ويجهزها للذبح ...