رواية ... غياهب .. الجهل والظلم ...
...بقلمي ... Nawras
ميرا :- اجه عليه جر الدشداشه من ايدي وشمرها بالگاع ... جرني من كتفي ودفعني عالسرير
واجه فوگي ... ما حجيت ولا تعاركت استسلمت رغم اني اتخبل كلشي ولا يجبرني على هالشي بس من التعب حيلي رايح وما بيه حيل مشكله ...
كمل بعد عني گمت جريت الدشداشه من الگاع اخذتها ورحت للحمام علگت الدشداشه ...
فتحت الدوش ودخلت جواه .. گلبي نااار ومشتعل وما اعرف شلون اطفيه ما مرتاحه ابد واحس روحي مخنوگه من لاشيء ...
سبحت كملت .. سديت الدوش .. جريت المنشفه نشفت نفسي ولبست ملابسي وطلعت هوا مطروح عالسرير ...
رحت بوجهي للسرير نمت ...ومن التعب اخذني النوم بسرعه ماحسيت عالدنيا بعد ...
_____________________
اسيل ... ثاني يوم العصر طلعنه اني وفراس نتمشى عالطريق العام السياره مبنجره ويانه وبالتصليح ...
باوعت الفراس ... اگول فراس ليش منقط واحد ويوصلنه ...
..حك راسه باوع يسار يمين براسه وگال ...
... وين نلگه احد هسه ونقطه ..؟!
ابتسمت ... انته معليك اتركها عليه ...
ضلينه نمشي وصلنه لمسافه كولش بعيده عن البيت ...
مسافه قريبه ونوصل لحدائق النعمان باوعت لفراس ... فراس اني حأسوي نفسي مريضه واحنه مو منا وعالاساس فلوسك ضاعت وبهايه الحاله نقطلنه واحد ...
وافق واقتنع بفكرت فاراتي الجهنميه .. حطيت ايدي على بطني وگمت ابجي واسويله ...
...ياربي بطني حأموت من الالم ... واعيط ... دموع تماسيح ...
فراس حط ايده على ظهري ونزلني بنص الشارع نمشي وعالاساس اني ابجي ولازمه بطني وظهري سوا ...
وگف واحد فتح الجامه باوعلنه گال ...
:- خير خويه بيك شي ...؟
فراس گاله ...زوجتي مريضه جبتها تزور الكاظم( ع) وهسه تخربطت عليه واحنه مو منا من كربلاء والمصيبه فلوسنا ضاعت ...
هسه اني شعندي اجيت هنا شجابني اكو واحد. يصخم ويسوي مثلي ...
اسيل ... الرجال نزل من سيارته مد ايده لجيبه وگال ...
...اخويه احنا وقت الشدات لازم نوگف مع بعض هاك هايه 50 ومحلل عليهن اخذ زوجتك وزورها الله يشافيها ويخليها الك ...
اسيل ... فراس اخذ الفلوس ويگوله ...
... الله يوفقك ويكثر من امثالك انطيني رقمك حتى من اجي مرة الثانيه ارجعهن الك ...
الرجال .. انطه لفراس رقمه وگال بأبتسامه ...
... شوكت مترجعهن براحتك لتهتم ...
أنت تقرأ
غياهب الجهلِ والظلمِ
Tiểu Thuyết Chungقصة ثلاث أخوات ... إحداهما رقيقه كــ جنحٍ الفراشة تتعرض للتحرش من اقرب الناس ِ إليها لتهدم شخصيتها قبل أن تُبنى فَتقع ضَحية افعال اشخاص ٍ لها حقدٍ كــ حقد ابليسُ على آدم ،،، والاخرى كــ لبوة ٍ جُرحت لــ تتمرد على واقعها الاليم وتحاول اجتيازهُ بقوه...
