حبيبه

حبيبه 🦋 81

#حبيبه 🦋
البارت_الواحد_والثمانون
يابو الغياب المر .. ( اتعبت ) صدري
ومن وين أبلقى من عني البعد منفی
لا تلومني بالشووووق .. والله بعذري
شفني عليك من ( الحنين ) أتشفى .. !!
تدري وش أصعب شي جربه عمري ؟
هو ( إنتظار) .. اللي بلا عذر قفي !!
قدرت أخفي اشتياقي في  صدري
إلا ( الحنين ) بداخلي .. ما تخفی
لا يشغلك برد الشتاء وأنت تدري
إن الحنين ( بداخلي ).. ما توفی
وإذا ذبحك البرد .. يفداك صبري
أحطب من ضلوع الخفوق وتدفی
ناصر الوبير
بابا كان قاعد عند قبر ايمان ودموعه على خده
جاها عمي صالح وحط يدا على كتفه وقال
ربي يصبرك ياخوي ويجبر كسرك
بابا ،، فيش اتدير هنا انت
عمي ،، عرفت انك قاعد ومامشيتش لطربلس
وعرفت ان هضا مكانك لك اقريب اسبوع وانت طول الوقت هنا
ادعيلها واطلب من ربي يرحمها
خلي بنتك اتريح ياحاج حرام لي اتدير فيه
وشوف شكلك وحالك وشوف اعيالك راء حتى هم محتاجينك
بابا ،، مش قادر انسامح روحي مش قادر نا لي ظلمت اعيالي بيدي ونا لي قصرت امعاهم على عشان عقلي الصغير وتفكيري فنفسي وحرمت روحي منهم وحرمتهم مني
عمي ،، الله غالب هضا لي كاتبه عليكي ربي
معناها اوعي لروحك وانتبه لعيالك واحفادك راء مازالو يبوك
حوده ومعتز سيما و أوًاب وايوب
وحتي محمد راء محتاجك وبيبا و ويه
افطن ياحاج ورد بالك من روحك راء هك انت اتدور روحك وتودر اعيالك وراك💔
هيا هي ياخوي وصال اتراجي فينا
.............
يوم تخرج وصال /
جوري ،، قالي نحطك عند شيمو فالعمل ونخليها اتشيلك معها
شيماء ،، باهي نعدي ناخذ اذن عشان نطلع بدري
جوري ،، باهي نا نستناكي
شيماء وهي طالعه
كان جاء مستر خالد فكيني من الرد عليه كان حكي معاكي وقوليله انك اختي
جوري ،، عدي بس انتي منيش قايله شي لا خير ولا شر
. ......   
احمد  ،، ان شاءالله جاي
وصال ،، نجك لي ياعمري ، المهم تكون انت معايا
احمد ،، منبيش نسمع نبرة الحزن هذي فصوتك
اكيد كانو  حضرو كلهم لولا الشي لي صاير
بعدين  اهم شي انك تركزي فمناقشتك نبيكي احسن وحده فالمجموعه
وصال ،، اكيد
احمد  ،، خلاص اول ما توصلي تلقيني قدامك
وصال ،، تمام نا نستنى بابا ايجيني ونطلع كلمته قالي قريب منك .
احمد ،، دانه ماشيه معاكي
وصال ،،  اها ماشيه
احمد ،، معناها انتلاقو هيا جهزي روحك عشان ماتاخريش
وصال ،، اوكي باي
صكرت وصال من احمد وعدت شور دولابها عشان تلبس على خشت ويه عليها هي ودانه
ويه ،، سوربريز
وصال لفت اول ماسمعت صوت ويه لي كانت امصبيه وماسكه اوت فت لي شاريته هي هديه سولي
ويه ،، شن رايك
وصال حاطه ايديها على فمها والفرحه والدمعه يبن ينزلن من اعيونها
ويه فتحت ايديها الاثنين لها
تعالي ياهبله عليش البكاء
سولي لي جت احضنت ويه وهي تبكي وتضحك فنفس الوقت
ربي يخليكي لي يارب
ويه، ، ويخليكي لي يااحلى حماه فالكون
اعميمه فايزه لي كانت امصبيه وراهن
ابتسمت على كلمة ويه لسولي
دانه ،، بعد كمية المشاعر لي عندكن معش في
نا يقولولي بكره تخرجك وحتى الدكتور لي يبي يناقشك من وراء الستار ومش حتشوفي حد
والقاعه فاضيه
نقوللهم تم وعادي المهم انكمل
ويه وسولي ضحكن على كلام دانه
واعميمه فايزه ،، قالتلها
اصلك بارده انتي وعشان روحك تفوتي هلك
دانه ،، وحياتك الا نحسب فيها بالعقل
ويه ،، يخرب بيت العقل لي عندك
يابياعه ازي
دانه ،، شكرآ
شكلنا تو انغيرو راينا وندور عروس لخوي ولا لا ياماما
اعميمه فايزه ،، والله مانديرها وكان قالولي شن نعطوكي معها
وليد ،، ونا ضفر ويه عندي بالدنيا
برمو كلهم ايبحتو فوليد لي كان شايفهم وهم مش عارفين
وصال، ، خودي الجواب من صاحب الامر
كلهم ايبحتو فويه لي نحرجت ويه كانن اعيونها على وليد لي رفع نظارته وغمزلها من دون مايشوفوه
وهي ابتسمت ونحرجت
وصال ،، هي خلوني نلبس معش في وقت
......................
ايمان ،، نجيها حبيبة خالتها
شنو تبي اتسميها ياساره
ساره ،، والله خاطري فااسمين ومزلت محتاره اين واحد انسمي
ايمان ،، اشاوري انتي ومصطفى وقرري
ساره ،، مصطفى قالي اسم البنت شورك وبعد ايجي عيل اسمه شوري
ايمان ،، ان شاءالله اتخاويها
ساره ،، نعلي نا حقيت الموت في هذي
اعميمه نجاة لي كانت خاشه بصفره فيها شوربه وكبده وعصير طبيعي لساره
سلم سلمى لي جاتك فنص اليل ووقفت امعاكي
ساره ،، بارك الله فيها
دكتورتي معرفتش تصرف معايا من كثر ما كنت انعيط
اعميمه نجاة ،، صدق من قال على اوجهون اتشوف الخير بنات خوي
معتز ،، من يوم لي قراء فاتحته على بيبا وهو مشاريعه يكبرن وباتك قالي اقدومها خير
المبلغ لي يبيه من الدوله جاه كله بعد الفاتحه باسبوع
ايمان ،، ربي يفرحن ويجبر بخاطرهن
ساره ،، ان شاءالله
اعميمه نجاة ،، الا نفس جتهن بنات خوي وخدت مني من وسطهن
ايمان وساره الله يرحمها
اعميمه نجاة ،، ربي يصبر مريم وعبدالرحيم
نا لي عمتها ماني قادره نصبر بلاها
عبدالرحيم اليوم داير اسبوع لبنت نجوى
ساره ،، صح  😯
عادي  يعني ؟
اعميمه ،، الله غالب مني مهيش هاينه عليهم لكن
نجوى كبر مقدارها لي سمت على المرحومه
ايمان ،،  سبحان الله ربي جبار الخواطر خدا من هنا
ورزقهم من هنا
اعميمه نجاة ،، ربك سبحان حكمته
قوليلي ياساره كيف اعربك ماجاكي  منهم حد
ساره ،، ما عشان هم مايجوش للوالده الا بعد اتربعن
اعميمه  ،، خبر جديد هضا
ساره ،، على كيفهم لي ايديرلي حاجه انردها له وحولت الصفره من على كثرها ومكملتش فطورها
ايمان حست بيها متلخبطه وحبت اتغير الموضوع
نا راء جايني معتز يبي ايشيلني لتخرج وصال
خالد عنده عمل اليوم وكلمت معتز
ساره ،، باهي صبي البسي معش عندك وقت
صبت ساره عشان تلبس وسمعت الباب ايدق عدت شوره عشان تفتح
اعميمه ،،  خليي عنك وعدي البسي تو انحله نا
...........................
ماما ،، شنو متبيش تمشي
سلمى ،، لا لا منبيش انسيب لعيال وبعدين انتي مامعاكي
ماما ،، متخافيش نقدر عليهم عدي واجبري بخاطر بنت عمك
سلمى ،، خديتلها هديتها ان شاءالله بعد ايجو للعشاء تو نعطيها لها
ماما ،، لي تريحك
وبينها وبين نفسها كانت عارف ان سلمى مش بس عشان العيال متبيش تمشي لا عشان خاطر اختها لي ملاها شي متوفيه
وان حزن سلمى على مني مستحيل تطلع منه بالسهوله هذي
شوفي خوتك وسقدي بيبا تو ايجيها معتز ايشيلها عمك مش فاضي ومحمد عنده عمليه مستعجله وباتك قال مازال فالمطار انظر ايطق فالمناقشه ولا لا
سلمى ،، لا اكيد حيطق فيها
.....................
احمد كان قاعد فالجامعه وحاجز الكافتيريا كلها لسولي ومزينها كيف ما اتفق هو ويه
ويراجي فالضيافه توصل والشباب يشتغلو فالكافتيريا شورهم ترتيب الضيافه
رن على ...
رد ياراجل وانت ديما هك
مصعب فتح الخط سمع احمد وهو يحكي
مصعب ،، هضا امغير تخرج وطرشقت رسمي ماله كان دخلتك اليوم راء حقيناك تجري فالشوارع هههه
احمد ،، تعرف لانقنك امسخ
مصعب ،، حاسس بيك وعاذرك
احمد ،، باهي عدي لامي اتراجي فيك
مصعب ،، وشايبها فيش ايدير
احمد ،، شايبها معها حتى هو
مصعب الله غالب عليا هي تو نطلع ونعدي شورهم
احمد ،، سقد روحك مانبيش وصال اتجي ومتلقكمش هنا
طلع احمد من المكتب وصبا في مكانه وهو يشوف في وحده من الخلف وباين عليها انيقه
ركز على صوتها وهي تحكي عرفها
لو ،، سمحتي قوليلي لمستر مصعب اني نبي اذن لعند الظهر وبعدها تو  انرد ع العمل
السكرتيره بحتت وراء شيماء وين ما كان مصعب امصبي يسمع فيها
مصعب ،، احم
شيماء اسمعت صوته ابرمت وراها
وهو زاد الفته شكل شيماء ولفت وشاحها المميزه وشعرها لي كان باين من الوشاح
ركز بعيونه عليها
ومن كثر تركيزه عينه اليمين انقرصت😉
وكان شكله حتى هو مش اقل منها فالجمال بالذات بالحيته السوده وستايل اشعره الطويل لي امغطي ارقبته .
مصعب بشخصيته وتصرفاته واستايله ، رجل تتمناه اي امراه ❤
مصعب ،، احم ، وقعد ايتامل فيها
شيماء  بكبرياء ،، حابه نستأذن من العمل لعند الظهر ان شاءالله وبعدها انجي انكمل شغلي
مصعب ،، يعني تبي تطلعي
شيماء ،، لو مفيش مانع
مصعب ،، يوحبذ لو انك تكوني مكاني لاني حتى نا طالع
كان مازال يحكي
على خشت جوري عليهم وهي تقول
جوري ،، هيا ياشيمو تاخرنا
ابرمت شيماء شور جوري لي كان صوتها عالي
وقعدت اتعض على فمها
ومصعب قعد ايبحت في جوري من دون مايتكلم والسكرتيره كانت مبتسمه وهي تشوف الجوري
جوري ،، سوري لو قاطعتكم
بس من بدري ونا نراجي وبابا قالي شيماء تشيلك
مصعب ،، مدام اختك تستنى فيك تقدري اتعدي ومفش داعي اتردي
تو انكلم مستر هيثم ميتحركش
جوري بعفويه  ،، قصدك هيثم لي مع شيمو فالمكتب
مصعب وهو مبتسم ايوه هيثم لي مع شيمو
شيماء فنصت اعيونها في اختها متبيهش اتكلم
جوري بدون ماتعدل على نظرات شيمو لها
لا لا متعبش عليه واجد راء حتى هو مش قاعده
مصعب  بحت فالسكرتيره
عطاكي  علم وين ماشي
السكرتيره ،، لا لا
مستأذنش بكل
جوري ،، معناها اليوم مفش دوام الشركه فاضيه
مصعب ،، عندك الحق
ورد بحت في السكرتيرة
اتصلي بيه وخليه ايجي يكمل شغله قوليله منبيش انكلمك عشان منزعلكش
السكرتيرة، ، تمام
شيماء عدت شور جوري ومسكتها من عند ادرعها
وضغطت عليها وقالتلها بصوت واطي
انتي متعرفيش تسكتي بكل
جوري ،، سحبت يدها بهدو
خش مستر هيثم وكانن اعيونه على مصعب
مصعب ،، اهو شرف المدير .
هيثم حط يدا على راسه من لاوراءه وابتسم وهو منحرج من البنات
شيماء ،، نستادنو نحن
مصعب ،، تمام تقدري تمشي وتعالي بكره
هيثم قاعد مكانك
هيثم ،، نعم
مصعب ،، وهو ويصكر فباب مكتبه
نا طالع متدورنيش اليوم
نزلت جوري وشيماء وراهم مصعب لي كان ايبحت في جوري وهي تضحك وشيماء اتهزب فيها
ومركز على مشية شيماء لي كانت عاكسه ثقتها فنفسها وكبريها
شيماء شخصيه جذابه
بس ياتراء شن وضعها عند مصعب
وصلو فالباركي
كانت جوري تستنى فشيمو تفتح سيارتها
ارفعت اعيونها جن على مصعب لي لابس نظارته
حيا جوري بيداء وركب سيارته وعدا
جوري ،  يخرب بيت جماله وشخصيته
شيماء ،، اركبي لا والله نخليك تعرفي شن شكل جمالي
جوري وهي تضحك اركبه وقالت
والله تقعدي مضحكه كان ضيعتي من يدك
شيماء نزلت نظرتها عشان جوري متشوفش ردت فعلها وطلعت
*مش لم يطلع من قلبي قبل عشان انضيعه بعدها*
جوري  ،، كنك سكتي احكي
شيماء ،، باللهي اسكتي وخليني نركز فطريقي
جوري ،، هابا منك انتي محد يقدر يعرف لي فقلبك شنو !
شيماء ،، خلينا نمرو  ناخدو ورد لسولي لا ننسى
...................
اعميمه نجاة خليه تو نفتح نا انتي البسي بسرعه
رن الجرس مره اخرى
اعميمه ،، هيا هي
وفتحت الباب تفاجات بالي شافتها قدامها
ومعش تكلمت
هي ،، شنو معرفتينش يااعميمه
اعميمه ،، بسلامتك شن دايره فروحك
هي ،، قولي شن دارو في لي مافيهم خير حسبي الله ونعم الوكيل
ومدت يدها لعميمه عشان تسلم
اعميمه ،،  حسبي الله ونعم الوكيل فالظالم وفي بنات الحرام لي مايخافن ربهن
ومبتش  اتسلم عليها
هي ،، نا جايه لساره
ودفت اعميمه وخشت
اعميمه رقتلها منها وصكرت الباب وخشت وراها
لاقتها امسلمه ع ساره ومقمعزه فجنبها فالصاله
اعميمه ،، بات ساره لو علم انك هنا مش حيصير خير
عشان هك ياريت معش اتكرر
ساره ،، ماما
اعميمه ،، نا ماعمريش خالفت باتك في راي ولا عمري كذبت عليه
هي ،، ها وقالتها بهزوه
اعميمه ،، صدق لي قال
لي يتحشمو ماتو
وخشت وسيبتهن
وقعدت جوا اتعارك عليش جايه وشن تبي
وايمان قعدت اتهدي في امها خايفه تمرض ولا يسير فيها حاجه
.........
معتز ،، شنو ياحوده واتيين
حوده ،، نستنى في بيبا بس رقت عند محمد
معتز ،، محمد قاعد قصدك
حوده ،، لا تبي نجوى ومني 🌸
معتز ،، اه
عزو ،، انشوف بيبا ونجيك
كانت بيبا نازاله من فوق وهي تصكر في ساعة يدها ومش امركزه خبطت في عزو
اااااه ينعن شكلك
عزو ،، فتحي قبل طيحتيني
نا  ،، ههههه
حي عليا من ماما كان صار فيك حاجه
ماما لي كانت طالعه اتشوف فيهم قبل مايعدو سمعت كلمت عزو
ربي يخليها لي ست الحبايب
ابتسمت من قلبها ع الحب الكبير  لي شايله عزو لها
ماما ،، ويخليك لي ياغالي
نا ،، اهي جت  وسماعتك عمرها طويل ان شاءالله
عزو ،، ان شاءالله
وبرم شور ماما
لي كانت شايله فيدها سله فيها ضيافه كامله لساره فطور
عزو ،، هاتي عنك ياامي
ماما  ،، لا ثقيله عليك
ماما ،، لا ياامي مش ثقيله شنو واتيين
نا ،، عديت شفت نجوى قبل مانطلع
ماما ،، حسبتها مع ساره فالفطور
وتو نرقى عشان ندوش مني 🌸
نا ،، محوتني واعيتها راقده ماتبيش اتنوض
عزو ،، امبارح نسمعو في بكاها
ماما ،، عديت شورها بعد ارقدت سيما عندها غازات
نا ،،  اها بعد واعرات عليها
معتز جاء نطلعو
ماما ،، هي خودي سيما واطلعي
كانت سيما واتيه وقاعده فحضن معتز برا اول ما طلعنا عليه نزلها من حضنه وصبا
جاء شور ماما وسلم عليها
ماما ،، كيف حال الحاج ونجاة
معتز ،، بخير كلهم انتي شن حالك
ماما ،، الحمدلله على كل حال
معتز ،، يستاهل الحمد
بحت في وابتسم شنو واتيه
نا  ،، واتيه
معتز بحت فوشاحي ونا فهمت قصده على شعري لي كان طالع
رفعت يدي نخشش فيه .
لبس نظارته وبحتت في ماما
ماتوصي على شي ياخالتي ؟
ماما ،، سلامتك بس
سلم على ساره ونجاة
معتز ،، يوصل
ساره اكيد زعلانه مني مجيتهش بكل
ماما ،، لا هذي خيتك رد بالك منها
وبعدين حتى قدام راجلها تفرح بيكم وين اتخشو عليها وتسالو عليها
عارفتك متقصرش ومش محتاج وصاء
معتز ،، والله قلت فدوه بس
ماما ،، ربي يساعدك
معتز ،، ان شاءالله
خدا حوده السله من ماما وطلعنا
ركبت نا وعزو وسيما من لاوراه لي قعدت تبكي تبي تقعد مع حوده
حوده تعالي هيا
كان يوم هادي والجو حلو
معتز ،، مولع اغنية فيروز
شايف البحر شو كبير كبر البحر بحبك
شايف السما شو بعيدة بعد السما بحبك
كبر البحر وبعد السما بحبك يا حبيبي
يا حبيبي بحبك
نطرتك أنا ندهتك أنا رسمتك على المشاوير
يا هم العمر يا دمع الزهر يا مواسم العصافير
ما أوسع الغابة وسع الغابة قلبي
يا مصور ع بالي ومصور بقلبي
كان طول الطريق اعيونه عليا كان ايحط في  يدا ع الباب ومرات يدندن مع الاغنيه بصوت واطي 
وصلنا عند حوش ساره نزل معتز وجاء جنبي فتحلي الباب
نا ،، مفش داعي عدي انت وكلم ايمان
معتز ،، ابدآ اكراعي على كراعك
اصلن نا مااجلها  على شانك
وطلع من جيبه كيس شنوا لونه ازرق ملكي
ومدا لي هذي هدية بنت ساره مني ومنك
عزو ،، خلاص انزلي
سيما ،، ازليي
كلهم  هههههههه
حوده ،، هيا أميرتنا امرت انك تنزلي
نزلت ومعتز نزل السله
ومشينا شور الباب
دق معتز وطولو ما فتحو الباب
رد دق من جديد وهو مازال يدا ع الباب انفتح الباب وهنا كانت صدمتي
اميره ،، معتز
معتز ،، ايبحت فيها وهو قارن حواجبه
مفهمتش شن معنى نظرته
قعدنا امصبين لا خشينا ولا ردينا ولا تكلمنا
هي مدت يدها لمعتز وبعد هو مبش ايسلم عليها مبتش اتمد يدها لي
افتحت الباب زين وقالت
أميره ،، تفضل مش براني
حوش اختك
مد معتز يدا لي وقالي تعالي ياعمري
خشينا جوا
ونا ماسكه فيدا وحاسه ان حرارتي ارتفعت وريقي نشف
اميره كانن اعيونها عليا وكيف معتز ماساكني  هك
جت قدامنا وخشت قمعزت فجنب ساره
لي هرب عليها الضي اول ما شافتنا وقعدت اتنادي في اعميمه
معتز مبش يطلق يدي ونا تحشمت من ساره كنت نبي نسلم عليها
نا ،، الف الحمدلله على سلامتك
ومبروك البنوته
ساره صبت جت شوري وسلمت
الله يبارك فيكي
على طلعت اعميمه لي كانت تسمع في صوتنا
معتز ،، بحت في امه
قولي لايمان هيا
اعميمه افهمت ان معتز غامه عنده
اهي واتيه تو اتجيك وجت شوري اتسلم عليا
اعميمه ،، مرحبا بكنتي ومرات الغالي
مرحبا ببنيتي بنت الأصول
نا ،، استغربت كلام اعميمه
سلمت عليها
هذي ضيفة ماما لساره
ساره ،، عليش امتعبه روحه بس
نا ،، مفش تعب
اعميمه، ، طول عمرها صاحبة واجب مريم ربي يحفظها
نا ،، سلمك
وبحتت في اميره لي كانن اعيونها على معتز
قربت من وذن معتز وقتله هذية البيبي
معتز  بنفس الطريقه،، عطيها لها انتي
ونا كانن اعيوني على اميره لي تبي اتموت وبين عليها الحقد والقهر من اعيونها
نا ،، قدمت شور البنوته ومعتز معايا طلعت الكيس من شنطتي ومديته لساره
نا ،، هدية خالها
ساره اعيونها على معتز سلمه جايب
اعميمه ،، ومرات خالها
حتى هي سلمها جايبه
ساره ،، ان شاءالله فرحم
على طلعت ايمان من جوا لي دارت روحه ماتشوفش في اميره
ايمان ،، نا جاهزه
معتز  ،، هيا
طلعنا برا ومعتز صبا يعارك
نا فكيت يدي منه وعديت عشان نركب فسياره لاني كنت مخنوقه منها ع الاخير
ايمان  ،، ليش ما لزيتها
معتز ،، اختك جايبه ومنبيش انزعلها ولا تمرض ويقولي بسببي
لكن نا اميره عندي تصرف ثاني مع هلها
صبيت فمكاني بعد سمعت اسمها على لسانه🔥
ايمان ،، اختك تبيها واستقبلتها
معتز ،، ونا الاخت لي تبي المرأه لي خانتني ما ..........
وسكت ما كملش كلمته
انتي ناسيه لي دارته فيا نسيتي كيف لاقيتها ومع من خانتني نسيتي ولا اختك نسيت
ولا حرقة قلبي عندكم ساهله
نا هنا قلبي 💔
وحسيت بحرارة فكل جسمي
شن حيسير بين معتز و بيبا
عديت شور السياره وركبت ابسرعه ونا ناخد فنفس عشان ادموعي مينزلنش
حوده منتبهليش
بس عزو لي كان جنبي مسك يدي وطبطب عليها
جت ايمان اركبت فجنبي
ومعتز ركب لقدام
سلمت مني على حوده وعزو وسيما🌸 لي كانت امشبطه فحوده وتنابش فعزو

Natash sa 🖤♟