حبيبه

#حبيبه 🦋 التكملة

#تكملة_البارت_السبعون

معتز ،، عدي لداري افتحي الدولاب الفرده لي فالوسط فيها شورك
ومخلنيش نحكي ولا كلمه وصكر
جتني اعميمه وقمعزت جنبي حطت يدها على يدي
اعميمه ،، وسعي بالك حبيبتي
عارفه ان قلبك كبير  ياما ايشيل
نا ،، ان شاءالله بس ساره ياااعميمه تمادت واجد
اعميمه ،، متخافيش منها متقدر اتديرلك شي
وراهي اتديرلك هك عشان تقهرك
نا ،، بس نا مطقيتش فيها ابروحه لي تدور فالحس
اعميمه ،، عارفه ياعيوني عارفه كل شي انشوف فيه بعيني
شن صار في نقالك بعد طاح
نا ،، شكله عدا فيها ولعته الشاشه بيضا ومنكسره
اعميمه، ، ياخد سوك تو انخلي ميدو ايجيبلك غيره
نا ،، لا والله ماتسير مفش داعي اتعبي روحك
اعميمه ،، اتعبك راحه
هيا صبي عشان تلبسي وتستقبلن الناس لي بدو ايجو
نا ،، ان شاءالله بس معتز يبيني نخش داره قالي افتحي دولابي
ونا معنديش مفتاح الدار
اعميمه المدخل لي بين داره ودار ميدو في درج افتحيه لنهاية تلقي فيه بوكس فيه مفتاحه هو ديما يحط فيه غادي
نا ،، تمام باهي
............
ايمان ،، شنو
دانه ،، قمر ماشاء الله تغيرتي واجد
ايمان ،، حتى انتي طالعه عسل
دانه بكل ثقه ،، عارفه روحي
ههههههه
ايمان ،، متاكده ان نهاية ميدو على يدك
دانه ،، ازي عليكي
ميدو حب قلبي والله الا نزيده عمر فوق عمره لي ايحبني ويموت فيا
ايمان ،، ههههه
كلا من ناحيته هو ماعنديش شك ان يموت فيكي
تي بعد ايحقك ينسانا كلنا
دانه، ، عشان تعرفي تأثيري عليه
ايمان ،، عمره طويل صح اهو ايرن
دانه ،، رمشت اعيونها ابسرعه وضحكت
وايمان اضحكت على حركاتها امسكي ردي
دانه، ، هيا
ايوه ميدو
ميدو ،، هلا بالحبيب
دانه ،، اهلين حبيبي
ميدو ،، لا لا مش امصدق ياربي وخيرآ سمعنا حاجه سمحه
وراس خالي عاوديها
دانه ،، شنو حبيبي لي نعاودها
ميدو ،، ياربي لا لا البنت هذي تبي تجلطني
تي وحق ربي انحبك باهي ونموت فيكي وفااستعباطك
دانه ،، ههههه يامجنون
ميدو ،، مجنون دانه ، ولي الشرف
دانه ،، بيك اكثر ياعمري
ميدو وهو مبتسم  ،، شنو نطلعو ياعيوني جاهزات
دانه ،، هيا انلبس ايمان البرنوس ونطلعو
ميدو ،، تمام نا قدام الباب طول
دانه ،، هيا هيا
صكرت
وبدت اتلبس في ايمان
ايمان كان ايجي ياخد الشنطه مش خير
البنت لي فالسنتر لا ممنوع يرقى كان عندك حاجه هاتي انزلها له
دانه  بحتت فيها من فوق لوطه وقالتلها
لا حبيبي ملتزم ومايحبش الاحتكاك
ايمان انفلقت من الضحك والبنت شقلبت اعيونها وعدت وسيبتهن
ايمان ،، باهي شيلي انتي الشنطه يااحتكاك
دانه ،، انشيلها ورقصت حواجبها
ايمان ،، متنسيش تلقي التحيه ع الشيخ بعد توصلي
دانه ،، ازعزقت بوسه لايمان وخدت الشنطه وطلعت
حطت الشنطه فباب السنتر وردت ابسرعه على ايمان
ايمان، ، كنك تجري راء اتطيحي بالكعب
دانه ،، لا لا متخافيش
غير هيا سيبت الشنطه براء وشفت ميدو امصبي اقريب من الباب هيا
ايمان هيا طبست ارفعت فستانها عشان اتريح فالمشيه ونزلت هي ودانه لي تساعد فيها من لاوراء
وصلن تحت نزلت فستانها وسقمت روحه
البنت لي فالرسبشن افتحتلهن الباب ودفت الشنطه براء ميدو برم طول خداء الشنطه حطها على جنب
ومسك يد ايمان وكان ايدور على دانه بعيونه لي كانت وراء ايمان اول ما شاف وجها بالميكب
حل فمه
ايمان ،، هي انت راء اتطيحني
ميدو  ،، غطي وجهك واركبي
دانه ،، باهي نساعد ايمان
ميدو ،، اركبي قدام ونا تو انركب ايمان
ركبت دانه من قدام امعاه وقلبها داير هرجه
وساعد ميدو ايمان وخشش الفستان بعد ما هي قمعزت
ميدو ،، ايلبس معاك قبيله بحالها
ايمان ،، اااااااا
ميدو ،، وحق الله مافي احلي من البساطه
وبحت في دانه
ايمان ،، باهي ياميدو
ميدو صكر الباب وهو يضحك وعدا قمعز قدام وعلى صوت الاغنيه
بعد سمعها اغنية رمضان ونيس كان يبي ايغير بس دانه امسكت يدا خليها سمحه
ميدو ،، شنو ياامونا
ايمان ،، خليها خليها