حبيبه

#حبيبه 🦋 87

#حبيبه 🦋

#البارت_السابع_والثمانون

ايوه مرحبا
ساره ،، وهي تبكي بالعبره
تعال خودني تعال توا نا الراجل هضا معش نقعد معه
هو ،، كنك شن في عليش تبكي شن دارلك
سالم لي كان مقمعز جنبه قرن حواجبه وهو يسمع فالكلام
هو ،، صبا من مكانه وسحب مفاتيحه من ع الطاوله وطلع يجري شور سيارته
سالم طلع وراه وعمي صالح وبابا وعمي ابر اهيم كانو جايين يبو يخشو المربوعه شافوهم وهم طالعين وراء بعضهم استغربو
بابا ،، ان شاءالله خير ياشباب
هو مردش عليهم لانه صوت اخته وبكاها قعد في وذنه
وسالم صبا في مكانه عشان مايفجعهمش
لا مافي شي اطمنو
عمي ابراهيم باته كيف مافي شي وهضك راح يجري وحتى التبحيت ما بحت فينا
سالم لي حس روحه انزر ومعرفش شن يقول
والله مافي حاجه اطمنو
واحد من أصحابه رن عليه جايب اوراق ما اوراق وطلع شوره
بابا ،لي فهم من وجه سالم انه يكذب محبش يقلق عمامي وقال
باهي ان شاءالله خير
كلهم ان شاءالله
برم سالم ومسح جبينه بيدا وبحت فالمكان لي كانت امدرسه فيه سيارته
وقال ازعمك وين عدا
نط سالم بعد حس بحد وراها حط يدا ع كتفه
بابا ،، شن في
سالم ،، لي برم عشان يبحت فبابا
والله ياعمي ماني عارف جاه تليفون وطلع يجري
بابا ،، عرف ان سالم معندش معلومه وين مشى
باهي انت ماسمعتش شي
سالم ،، كان في صوت بنت تبكي وشكله فجنبها بيبي صغير
بابا ،، قرن حواجبه وقعد ايبحت في سالم
والكلمه اتدور في راسه
بحت وين مافي الشباب امقمعزين شاف صافي واحمد ومحمد وميدو حوده وعزو وخالد
ومعتز يلعب في اعيال مني الله يرحمها واعيال 
ومن وراهم جاي عمي عبدالله ومعه عمي مفتاح
سالم ،، شنو ياعمي وين رحت
بابا ،، العيله هنا كلها
سالم حد علمي هنا كلهم
بابا هز راس ومتكلمش
طلع تلفونه وخش على سجل المكالمات

اعميمه نجاة والله الجياب ساهل غير انتي خوافه
ايمان ،، كان ساهل ليش ماكثرتينا
كلهم ضحكو على كلمتها
اعميمه وهي مفنصه اعيونها في ايمان منك ياحنه جيتي وصكرتي الباب وراكي
اعميمه فاطمه قولي قفلتيه  و ودرتي مفاتيحه
اعميمه نجاة ،، ايوه هذي هي
ماما ،، هذين ارزاق يامني
وبعدين امك ضنوها عزيز من بينا كلنا هي الوحيده فينا لي مكنتش اتعالج ع الضنو
اول ماجوزت احملت بمعتز طول وقعدت عليه ثلاث سنوات وهي ترضع فيه لعند قلنالها افطميه خلاص راجل كبير وبسنونه ويرضع منها
اعميمه سليمه هههههههههه ههههههههههه
كلنا بحتنا فيها كيف قعدت تضحك وحدها
كلنا ابتسمنا
نجوى ،، هههه ماما جاتها الحاله
وماتفطن نجوى الا لعميمه سليمه وهي قريتها لعند نجوى عيطت
اعميمه فايزه ،، ههه والله قولي شن خطر عليكي
اعميمه سليمه بحتت فيا وقالت
معتز وهو صغير كان يحكي وكلامه مفهوم
كان بعد ياكل ويشبع  يصبي ويجي لامه ويقوللها عطيني اجغيمه
في لاول كلنا مفهمنش  الكلمه لعند عمتكن تصبي اترضعه ويشبع ويعدي
نا ،، هههه
اعميمه فايزه صح حتى بعد يسمع صوت جده ولا واحد من خواله يقوللها دسي دسي بعدين نكمل
كلنا قعدنا نضحكو على كلام معتز وحركاته هو وصغير
وكيف كان يصرف
فجاه رن فون اعميمه نجاة لي بحتت فالشاشه وقالت
عبدالرحيم ان شاءالله خير
وردت عليه
وعليكم السلام
كيف حالك توا
بابا ،، بخير الحمدلله
شنو البنات كلهن جن
اعميمه ،، كلهن قاعدات عليش شن في
بابا ،، لا غير قلت نطمن عليهن
طيبات كلهن
اعميمه ،، انت وين قاعد ياحاج .؟
بابا ،، فالجنان غير محقيتش البنات وحتى سيما ومني  ماشفتهنش
قلت نسألك عليهن
اعميمه ،، سيما في كتر امها مريم
ومني راقده في دار امها
ويه ،، ونا هنا يابابا كان تبيني
سمع بابا صوت ويه
اعميمه تسمع في ايه ياحاج
بابا ،، نسمع نسمع وحبيبه وين
اعميمه حست ان في شي
قالتله
نحن طالعيلك ياحاج خليك فمكانك
صكرت اعميمه وقالت
هيا تعالن باتكن يسال عليكن
سلمى ،، كنه يااعميمه ان شاءالله غير مش مريض
اعميمه ،، لا غير رن سال ع البنيات الصغار وبعدين سالني عليكن
قلت بلكي مرايف عليكن ويبي ايشوفكن وبحتت في ماما
اعميمه فاطمه كان الحاج ابراهيم ميتكلمش خلنا ايجي هنا ويطمن بالمره
اعميمه سليمه لا ماعندا مايقول تو انرن على سالم يخششه
نا نغزت ايمان
وايمان فهمت عليا
ايمان ،، اهو خالد جاي جايبلي دواي من الحوش انسيته تو انقوله خشش خالي معاك مترنيش انتي .
نجوى بحتت فيا وهزت راسها بمعنى شن في .
نا رفعت شفايفي فوق بمعنى مش عارفه
طلعت فوني ورنيت على معتز لي كان انتظار
صكرت طول
دانه كانت مقمعزه فجنب سلمى وساكته
ويه فجنبها من غادي
ونا سولي فجنب بعضنا وايمان معانا ع نفس الكنبه
واعميمه فايزه كانت امقمعزه على اعدالة الشاهي
وماما في جنبها
بابا ،، متاكد ان مافي شي
تمام كان  صارت معاك حاجه رن عليا طول