حبيبه

#حبيبه 🦋 57

#حبيبه🦋
#البارت السابع والخمسون
مرقدتش ويه إلا فحضن ماما شكل وليد لي شافته بيه وجعلها  قلبها

حوده قعد مشغول عليها لانه يسمع في صوت ابكائها ونا ونجوى سهرنا الليله هذك كلها وكنا موجوعين لوجع ويه

كانت هذي أول مره انشوف فيها دموع نجوى بكيت واجد معرفتش ابكائها هضا لانه ويه وليد واجعينها ولا لانه امرايفه على محمد وخاطرها اتخش لشقتها كيفها كيف اي عروس

بس سبحان الله جبار الخواطر

ربي جبر بخاطرها وزرع جزء من محمد فرحمها  وكأنه يبي يوصللها رساله ويجزيها ع حسن نوايها  وخصوصآ فالوقت هضا لي نحن فيه مفش عروس ترضى زوجها ايسيبها ويسافر مع ولد عمه المريض

لانه نجوى قلبها أبيض ربي جزاها خير الجزاء على حُسن نوايها ( الله يجزِيك خير)💙
الله يَجْزِيك (خير) لا الله يِجْزاك (خير)
كثيراً ما نسمع بعضهم يقول: الله يِجْزاك خير - بالألف بعد الزاي - وهذا خطأ، والصواب (الله يَجْزِيك خير) - بالياء بمعنى يُكافِئكُ، يقال: جَزَى يَجْزِي بالياء - كما في المعاجم اللغويَّة؛ وهو الذي يوافق الاستعمال اللغوي الصحيح
..........

ثاني يوم كان جمعه ولاني معرفتش نرقد صليت الفجر وقعدت واعيه

كنت نبي نلهي نفسي بااي شي ومانفكرش فيه

شاطر غير اينت فيا ويحرجني قدام الناس

قعدت حايسه صبيت طلعت للصور بديت فيه تسييق  كله وسقيت الورد والشجر لي مزروع من لاوراء بعدين خشيت ع المطبخ كانت الساعه سبعه ومعاها لقيت ماما واعيه اتصلي في الصاله

رديت شور المطبخ طيبت براد الشاهي وحطيت دحي  عشان نجوى تحب الدحي المطبوخ  وعلقت ع القهوه

وتيت الصفره خشت عليا ماما

ماما ،، صباح الخير

نا ،، صباحك فل ياغاليه

ماما ،، شكلك مرقدتيش بكل  

نا ،، وعيت انصلي الفجر معش رقدت

ماما ،، باهي عدي واعي حوده خلي يقراء ساعتين قبل ما يجي حد

نا ،، باهي

عديت شور حودا عشان انوعيه لاقيت ويه خاشه للحمام حشاكم

فتحت باب الدار وخشيت عليه لقيت الكتاب محطوطه على صدرا وراقد

نا وجعني شكله كيف كان راقد باين عليه طول وهو يقرأ

حولت لكتاب وحطيته ع الكمودين جنبه وطبست عليه هزيته من عند كتفه

فتح اعيونه ايبحت فيه

نا ،، صباح الخير

حوده ،، خير