حبيبه

#حبيبه 🦋 43

#البارت الثالث والاربعون

(يَا بَنِيَّ اذْهَبُوا فَتَحَسَّسُوا مِن يُوسُفَ وَأَخِيهِ وَلَا تَيْأَسُوا مِن رَّوْحِ اللَّهِ ۖ إِنَّهُ لَا يَيْأَسُ مِن رَّوْحِ اللَّهِ إِلَّا الْقَوْمُ الْكَافِرُونَ (87)🌸💙
ويه،،
صدق الله العظيم

في سرها
اللهمّ إنّي أسألك من عظيم لطفك وكرمك وسترك الجميل أن تشفيه وتمدّه بالصحّة والعافية.
اللهم إنا نسألك بأسمائك الحسنى وبصفاتك العلا وبرحمتك التي وسعت كلّ شيء، أن تمنّ عليه بالشفاء العاجل، وألّا تدع فيه جرحاً إلّا داويته، ولا ألماً إلا سكنته، ولا مرضاً إلا شفيته، وألبسه اللهم ثوب الصحة والعافية عاجلاً غير آجل، وشافِهِ وعافِهِ واعف عنه، واشمله بعطفك ومغفرتك، وتولّه برحمتك يا أرحم الراحمين🤲💔😭

نا ،، كنت وراها ونسمع فيها وهي تدعي الشخص وتبكي بالعبره تأكدت انها تدعي الوليد لانه صيغه المذكر كانت في دعاها
شن لي عرفتيه يا ويه ومخبيته علينا لدرجه هذي واجعك حاله وشايله فقلبك ومتبيش تحكي

ويه انصدمت لم لقتني وراها ونسمع فيها
صبت بسرعه وجت شوري وحطت يدها على فمى
ويه ،، اسسسسس فيش تحكي انتي
نا ،، دفيت يدها وقتلها انتي عليش اتسكتي فيا من من خايفه
ويه ،، عدت شور الباب بتاع دارنا وصكرتا
#حبيبه الله يربحك اسكتي راء يسمعونا برا
نا ،، قعدت نبكي باهي احكيلي مش معقوله مجرد الم فالمعده يدير فيكي هكي كان عرفتيه
ويه ،، هذا لي عرفته قدامك وهذا لي قالنا لي البنات لم سألتهن
نا ، ، ان شاء الله يكون هكي ان شاء الله
ويه ،، عشان خاطري يابيبا مفش نشغلو العرب انتي عرفتني منحبش انشوف حد مريض لبال وليد
نا ،، يعني انتي مزلتي اتحبيه
ويه ،، حتى لو منحبش اكيد ماتمنى لحد المرض لبال الشخص لي كنت انحبه ويحبني و ولد عمي
نا ،، ربي يشفيه ان شاء الله
ويه ،، هيا نطلعو
نا ،، هيا
طلعنا من دارنا لقيت اجديده ود امروحه جاها احمد خدها
نا ،، قصدك جاء ومحقيتيهش
وصال ،، عينك وزعت عزو وحوده وقتلهم عدو لبداية الشارع عشان محمد يبيكم اتراجوه غادي
نا ،، باهي
وصال ،، هههه اول ما احمد وصل كنت امسيبه الباب مفتوح خش ولاقني انراجي فيه
ويه ،، ياصياع اكيد مش بلاش الشوفه
وصال ،، مراته ياحناتي
ومن حقه يعني لو بسته وباسني
نا ،، لا من حقه عندك حق
وصال ،، خير واجد ايام الفرح كملنهن مكالمات فيديو
مني ،، ههههه صار كنتو فجفاف
وصال ،، مش امغير بس تعرفن يابنات اول ماخداني فحضنه حسيت بنبض قلبه لي كان عالي ومفضح بيه
نا ( اول ما قالت هكي اذكرت معتز بعد يحضني كيف انفسه يعلى ونحس بنبضات قلبه)❤
وصال ،، هو وحاضني رفعت روحي وبسته من خده على لحيته لي كانت مرسومه رسم
فلاش باك💫
وصال ،، هلا حبيبي
احمد ،، اهلين ومد يده يسلم عليها
شن جوك
وصال ،، تمام
ماما ،، سمعت صوت احمد طلعت عليه
اهلين يامرحبتين خش تفضل للمربوعه ليش واقف برا
احمد ،، حتى هنا باهي رنيت على امي عشان الحاج دز عليها
ماما ،، والله تخش انت مش براني
افتحي باب المربوعه لخطيبك يا سولي وتو انقول للبنات ايديرن قهوه وبعدها تو تاخدها ابله ود
احمد ،، والله مافي داعي
وصال كانت فرحانه عشان ماما أصرت ان احمد ايخش
ماما ،، خلاص عاد قتلك تفضل
وصال ،، هيا عاد
احمد ،، بارك الله فيكي
خشت ماما وقالت لمني اتدير قهوه لاحمد وصال
وعدت اتجهز في حاجات لجديده ود
وصال ،، تفضل حبيبي
احمد ،، عيون حبيبك و رد الباب وراها وكرني مع يدي وحضني
كأنها بين ايديه تسمع فنبض قلبه وتشم فريحة عطره لمختلطه بريحته لي كلها رجوله
كانت فرحانه بلي تسمع فيه وهي بين ايديه رفعت روحه اشوي وباسته على لحيته لي مقدرتش اتقاوم نفسها انها متبوسهش
احمد ،، عجبته حركة سولي وقعد ايبحت في مكان واحد فوجها وفرحان بيها وبتمردها
سولي ،، وهي تبحت في نفس المكان رايفتلك موت
احمد ،، مش أكثر مني اكيد وطبس عليها وقعد يروي فيها من بحر شوقه لها لي مكان شي يقدر بوصفه غير البوسه لي بدلاتها له سولي وجاوبت معه وهذي كانت اول مره لسولي تبين مشاعرها لاحمد بالطريقه هذي
احمد وخر عنها وهو ياخد فالنفس ويبحت فعيونها نحبك نحبك وكان فرحان بالشي لي صار
اما وصال مطت شفايفها على جوا ونزلت عيونها على صدر احمد
واحمد فهم كيف سولي منحرجه منه
احمد ،، ارفعي راسك حبيبتي ومتنسيش ان زوجك والشي لي صار من حقنا
وصال ،، بس
احمد ،، مسك يدها وقاللها تعالي وكان يبي ايغير الموضوع
قمعز وقمعزها في جنبه
احمد ،، مفروض اتقمعزي هنا وشير على كراعه
وصال ،، شنو
احمد ،، ههههههه ليش رايحه سمحه هكي انتي اليوم
وصال بثقه ،، نا كل يوم سمحه
احمد ،، بس اليوم زايده سماحه وشطانه و
وصال ،، احمدددد
احمد ،، ما .... مكملش كلامه لان اعميمه فايزه دقت ع الباب جايبه صفرة القهوه
وسلمت عليه وطلعت وراها اجديده ود وخدا احمد رشفه من القهوه ومسك يد اجديده وطلع بيهم
وماما مدت كيس لاحمد قالتله هذي هذين للحاج
احمد ،، مفش داعي
ماما ،، كان مافي داعي للحاج معناها من لي له داعي
اجديده ود ،، تسلمي ياغاليه
ماما ،، عوديها الزياره ياابله ود
اجديده و احمد ،، ان شاء الله