كان منسند براسه على مسند السرير كانن الملامح متغيرات بكل وشعر امحول كله والرموش والحواجب والحيه كل شي في متغير العيون كانن دابلات بس لي يشوفه ميقولش انه اعمى
ويه كانت اتشوف فيه ومنقهره عليه كانت تسمع فصوت مصعب لي يشدك له من جماله ومن الخشوع لي فصوته
كمل مصعب السوره لي يقرأ فيها
وليد ،، اقراء سورة يسين قال جملته هذي بصعوبه
ويه ،، ابتسمت لانها عارفه ان وليد ايحب السوره هذي
ولانه هو لي خلاها تحفظها
مصعب ،، ان شاء الله
بسم الله الرحمن الرحيم
يسين والقرآن الحكيم ........
مدت ويه يدها ع الشاشه قعدت تلمس فيها وكأنه تبي اتحس بيه تبي تلمسه تبي تصدق ان هو قدامها حتى لو كان ع الفون
قالت بشفيفها وبدون صوت انحبك
والكلمه جت فوجه مصعب لي حرك الفون بحركه عفويه لانه يدا تعبت من المده
ويه عضت فمها
ومصعب قلبه انتهى قدام عفويه ويه وحركتها اللاشعوريه منها
رد الكاميرا بسرعه عليها وقف عن القراءه وخدا نفس ورد ايكمل
وهنا ويه صكرت ونهت المكالمة بسرعه
جاها حوده خداها وروحت
........
معتز كان كل شوي ايرن عليا وميحصلش فيا
نبي نفهم عليش قافله امه نا بس وخبط الفون ع الساس بالقوه على خشت صافي عليه فالمكتب
صافي ،، شن في شن كسرت
معتز ،، فوتني ياصافي مش وقتك
صافي بحت فجنب المكتب شاف الفون وهو طايح متكسر
صافي عدا شوره ارفعه وبحت فيه شاف الشاشه كيف مدششه
عليش باهي هضا شن شوره اتكسر فيه
معتز ،، تعرف تطلع ولا نطلع نا
صافي ،، قصدك متعارك مع بيبا
معتز ،، مدخلكش بيا
صافي ،، لا انت مش شوري بس هي أخت المدام واكيد شوري
معتز ،، عدي يانعن🚫 انت ولي يحب ولي يديرلهن سريب
صافي ،، اوووو شكله بنت القاضي موريتك
معتز ،، امصكره فونها يا راجل ونرن على ويه اتقول راقده لها يومين وهضا الثالث
اقهرتني وحرقتلي دمي
خبط يدا ع المكتب وطرطش الاوراق لي قدامه وقال
معرفتش نشتغل منها معرفتش انركز في شي
صافي ،، انقولك
...........
Natash sa 🖤♟
أنت تقرأ
حبيبه
ChickLitروايتي هي عبارة عن علاقات أُسريه فقدنها للاسف مع الزمن 💔 هي روايه عائله تروي التلاحم الأسري لي كل شخص يتمنى يكون موجود فوسطه شخصياتها من وحي الخيال وليس لها وجود فالواقع بطلتها #حبيبه🦋 البنت لي كلكم حتحبوها وتحسو بيها وبمعانتها والالم لي عاش م...
