حبيبه

حبيبه 🦋 64

#حبيبه🦋
#البارت الرابع والستون
قال تعالى :-
(لا تَخَفْ وَلَا تَحْزَنْ ۖ إِنَّا مُنَجُّوكَ)🍃💫
بابا ،، تمام يامحمد تو انجيك غادي

محمد بشده،، ويه متجيبهش

بابا ،، كيف يعني

محمد ،، ويه مش حتحمل انت شفت بعينك لي صار غادي

بابا ،، تمام اوصلها ونجيك نا وصالح .

محمد ،، جيب عمتي فايزه معاك بس

بابا ،، ان شاءالله

صكر بابا منه وهو مضايق ع الاخير
نجوى انصدمت من الكلام لي سماعته بس متكلمتش

البنات كلهن بحتن فيها وكانن كل لعيون عليها

ماما ،، والله ما قال لحد فينا

اعميمه سليمه لي لاحظت الزعل في عيون بنتها

الله غالب عليه مسكين شنو يبي ايسيب ولد عمه ويجي هنا

اعميمه نجاة ،، سلم ولد عمه محمد من قبل شايل المسووليه ابروحه اكيد عارف شن يبي ايدير

وبعدين غير اتحسن حالة وليد تو ايجي

اعميمه فايزه ،، والله وجي طايح من نجوى لي ما تهنت بكل مع راجلها.

نجوى ،، محمد وليد خوت مش بينا الكلام هضا

ابتسمت ماما

مني حطت يدها على يد نجوى وقالت سلمها العاقله

والله محمد لو يفتش بالفتاشه ما يلقى كيف نجوى وعقلها

ايمان ،، في هذي ما قلتي الا الصادقه

نا و سلمى بحتنا فيها ومتكلمنش

كنت حاسه بيها وبزعلها وكيف وجعتها بعد علمت محمد في مصراته وحتى مجرد القول ما قاللهش

سلمى بصوت واطي معايا  ،، ما تحملت الا واجد ،،

نا ،، بكل ياروحي

رن فوني وكان معتز درت صامت وقعدت اشويأىقه ونسحبت من جنبهم

عاود مره ثانيه رديت عليه

نا ،، الو

معتز ،، هلا حبيبي

نا ،، اهلين ياعمري الحمدلله على سلامتكم

معتز ،، الله يسلمك

نا ،، كيف حال وليد

معتز ،، ان شاءالله اكويس

حطوه فالعنايه الفائقه ومنعو عليه الزيارات

نا ،، ربي يشفيه ان شاءالله قادر ربي على كل شي

معتز ،، امين

نا،، يعني في امل

معتز ،، الامل فالله