حبيبه

#حبيبه 🦋 86

#حبيبه🦋
#البارت_السادس_والثمانون
وليد ،، وين انعدو
مني ،، المكان ترتاح فيه
وليد باستغراب ،، يعني انتي مرتاحه
مني بحتت فيه ومبتش اترد عليه
وليد ،، مرديتش عليا جاوبي انتي مرتاحه يعني
مني ،، المهم ان المكان فيه راحتك انت
مهمتك انتهت وانت اجتزت الاختبار
وليد باستغراب اكبر منلي قبله
اختبار !! اختبار شنو لي تحكي عليه
فيش اتقولي انتي
وبعدين انتي وين قاعده
مني تمت اتبعاد عنه وكانها راكبه على صحن طائر ايشيل فيها بعيد من وليد مع انها واقفه في مكانها وحركتش كرعيها بس صورتها قعدت اتبعد كل مره اكثر من مره وكان باين على وجها الضيق
بس رغم هضا محكتش شن لي فخاطره ومجاوبتش وليد على ولا سئوال
وليد ،، مني راجي راجي متعديش راجيني
ونط من عز نومه مفزوع 
كان حاسس انه مخنوق وداهش وجسمه كله عرق وصوت انفسه عالي وكانه طالع من سباق
بس فيه شعور بالخوف كان امسيطر عليه
تعود من الشيطان
وحط يدا على صدرا وكانه يبي ايتحسس نبض قلبه
وقال
اللهم اجعله خير
حول الكوفرته من عليه وصبا من مكانه وعد شور الحمام
اعميمه فايزه لي كانت اتصلي فقيام اليل حست قلبها عصرها سلمت ودعت ربي يريح سرهم
ويسعد اولادها ويباركلها في عمر وليد وتفرح بيه
لمت الصلاه وصبت من مكانها عدت شور دار وليد
سمعت صوت الدوش في جناحه
استغربت كيف واعي وقاعد ايدوش .
عمي صالح كان طالع شاف اعميمه وهي امصبيه قريب من جناح وليد استغرب تصبايتها وجاها
عمي ،، كانك امصبيه هنا
اعميمه ،، كنت نبي نخش نطمن عليه بس
عمي ،، بس شنو يامراءه
اعميمه ،، سمعت صوت الدوش وهو مش من عادته يدوش توا
عمي ،، الله يلعن ابليسك
فجعتيني يامراءه اتقول سامعه خبرا وجك رايح لونه مخطوف
هضا كله عشان ولدك ايدوش 
لا اله الا الله
وعدا من جنبها وطرح صلايته وهو يبتسم
ويهز في راسه يمين ويسار
اعميمه ،، هضا كنه يسهوك
ويقولو علينا نحن ناقصة عقل ودين
والله الا هم لي ناقصين
استغفر الله العظيم وخلاص
وفتحت باب الجناح وخشت
بحتت فالصاله كان الاضاه خافته
دقت على باب داره وخشت
لقت وليد يلبس في كنتيرا ومقابل امرايه دولابه
استغرب امه ليش جايه وشن واعها توا
خاف ايكون ساير شي فحوشنا
هضا ماجابله عقله
اعميمه قربت منه
وقالتله
اعميمه ،، انت اكويس
وليد ،، ليش شن في
اعميمه حست بيه انشغل
قربت اكثر كانت اقصر منه فالطول ارفعت راسها وبحتت فيه وهي رافعه راسها
لا ياامي مافي الا كل خير اطمن ياحبيبي
اسمعت صوت لمياه استغربت ليش واعي
وليد ،، اطمني مافي شي
احميت قلت اندوش بلكي نقدر نرقد
اعميمه ،، رد بالك اتولع التكييف الجو بدء ايصقع راء تمرض ياامي
وليد ،، ان شاءالله
اعميمه ،، لفت  عشان اتطلع اول ما وصلت للباب ابرمت بحتت فيه لاقته مزال امصبي يبحت فيها
صلي ياامي قيام اليل وبعدها ارقد
مزال  ساعه وشوي ع الفجر
وليد ،، ابتسملها وقال حاضر ان شاءالله
اعيميه ،، ايحضرلك الخير
اطلعت من عنده وهي العصره لي فقلبها زايده اكثر من قبل
عمي لي كان امقمعز ايسبح على صلايته
بعد شاف اعميمه طالعه من عند وليد
شنو اطمنتي عليه
اعميمه هزت راسها وقالت اها
وعدت شور جناحها وخشت السريرها بس مرقدتش اقعدت امقمعزه وقالت
يارب استودعتك ابني وليد فاحفظه اللهم بعينك التي لا تنام
...................
والله كان اتشوفيهن اتطرشقي
دانه ،، احكي جد
ميدو ،، والله نحكي جد
دانه ،، يعني طلعتهن
ميدو، ، يس
بس شنو السماحه هذي كلها
اتصدقي غرت عليكي وماتمنيتش
اني طلعتن بكل
دانه بزعل ،، اها
ميدو ،، ايمان اصرت اني انشيل الكاميرا عشان انطلع لصور ونديرلك البوم بس عارفه الفستان مطلعك صاروخ وصفر تصفيرتين بتاع واو
دانه، ، ساكته ومردتش عليه
ميدو ،، وهي لي نسقتلي لبستي شن رايك فيا
جنتل ولا لا
طرف من الاخير
رفع الصوره لي قدامه وقعد ايتامل فيها
بس تعرفي الفرخه #حبيبه طلعت ابروفشينال فالتصوير
امبينتلك ادق التفاصيل
وحط صبعه الابهام على فمها وقعد ايحرك 
نعلي نا وخلاص من الكرز لي يبي اوكال
تي اين اوكال يبي مص وزمط طول
دانه فنصت اعيونها
وقالتله لانقنك سخيف
ميدو قعد يضحك بصوت عالي
خطيبتي وعليش نبي انتحشم منها
دانه ،، اهو قلتها خطيبتك مش مراتك
خطيبتك لي مستخسر  فيها هالصوره
ميدو ،، قصدك ازعلت يابطه
دانه ،، لا بطه لا
ميدو ،، بعد قلتي لا معناها زعلانه
نعلي نا وخلاص
اكيد كرزاتي واتيات توا وانتي امطرمه
اه وخلاص
دانه ،، ازي
وصكرت الفون فوجه
وقعدت اتعارك وحدها
دق عليها وليد باب دارها
دانه سقمت  روحه وقمعزت وقالت خش ياوليد
وليد فتح الباب وخشش راسه بس
دانه، ، خش
وليد ،، لا بس سمعت صوتك عرفتك واعيه
دانه  ،، تبي حاجه
وليد ،، فهمتي عليا واختصرتي الامر
دانه ،، حولت لغطاء ونزلت من ع السرير وهي اتلم فشعرها بمسكتها الاستك لي كانت لابستها في يدها
ودارته ديل حصان لان شعرها طاول ولها فتره ماقصتش
دانه ،، قهوه ولا سندوتش
وليد ،، قهوه مره
دانه ،، بس
وليد ،، مره متضرش
دانه ،، حاضر
وفونها لي سيبته فالدار قعد ايرن
ميدو ،، نعلي نا من الزعاله
والله كان ماخديت منك بوسه اول ما نشوفك مانبقش وليد وتو تعرفي شن هي ازي بتاعك
والله نطلعها منك الكلمه هذي
..................
صافي ،، هيا هيا يابابا
تعال تاتا تاتا
سلمى هههههه
شوف هضا كيف ايبحت فيك
صافي خليي بيش ايغار ويقلد خوه
سلمى  حرام شوف كيف ايدير عشان ايصبي يساعد في روحه بيديه
اوبي هيا مامي تعال هيا
ايوب يضحك لصافي ويخطي فاول خطوات له
لابيه الروحي
للبات لي عاش معه ادق التفاصيل على مدى الثمان او تسع  اشهر للبات للي حاسس انهم اعياله مش اغراب عليه
صافي ايوه يابطل هيا
اوبا يابطل انت طالع لباتك ورفعه فوق وقعد اينطر فيه
و أواب وقف عن المحاوله بعد شاف لقطة صافي لايوب وكيف ينطر فيه
وايوب كانت ضحكته ماليه عليهم لمكان لدرجه ان
أوواب قعد يضحك مع خوه
وسلمى صبت الاواب وقالتله
تعال ياروح مامي وبطلي نا تعال ياعمري
هيا اوبي هيا
اشجع اواب وصبا من مكانه
وسلمى ارفعته وصافي جاء شورهم
وطبس عشان ينزل ايوب ويحطه ع الارض
بس ايوب شبط فيه وقعد ايعيط
صافي ،، امسكيه ياعمري شوفي اوبي كيف ايبحت فيا
سلمى ،، ههههه يبيك اتنطره حتى هو
صافي ،، عارف لكن البطل هضا شي مشبط
سلمى ،، كيف امه حتى هو كان رفعتني معناها معش اتنزلي
صافي  ،، اصلآ انتي فعيوني وقلبي مكانك ديما فوق
سلمى ،، وانتي تاج راسي وحبيبي لي نفخر بيه
وقربت منه وبساته على خده (لحيته )
صافي ،، شوف كيف ايبحت
سلمى ،، ايغار
صافي ،، ايغار عينه انتي لي نا وبس
نزل على اركابه وحط ايوب فالارض لي قعد يبكي وخدا اواب من سلمى وحط فجنب خوه
وهو مازال مش رافع طول طبس على سلمى من تحت اركابها وحط يدا الثانيه ورا ضهرها
ورفعها وضحكت سلمى عبت المكان
لي فاجاها صافي بحركته
والعيال قعدو يضحكو معها بعد سمعو ضحكتها وصافي قعد يبرم بيها وهي تحرك في كراعيها بحركه حلو
مع لبستها بنطلون امريكي امشرط اغلبيته من قدام
ايبان كانه شورت وبدي ابيض
بكت واحد عريض ع الكتف ورافعه شعرها بربطه سمائيه هاديه عاكسه على لون اعيونها وبشرتها وشعرها
صافي نزلها ع الكنبه وقمعز على اركابه قدامها وقعد ايبوس فيها وهي مزالت تضحك
لعيال بعد شافوه نزلها صبا اواب هو الاول وبعدين ايوب وعدو شورها وصبو فجنب الكنبه وقعد ايكرو فيها وفصافي
كان مثال للاسره الكامله الطبيعيه لي مش ناقصهم ولا ماأثر عليهم شي
كانو عايشين يومهم وحياتهم من دون مايفكرو في شي ولا يعيرو اهتمام لأي شي
كانو حتى لم حد يسالهم على موضوع الضنو
كان اجابتهم وحده ان يكبرو لعيال قبل وبعدين انفكرو فيه
قطع صوت ضحكهم صوت الباب لي ايدق
صبا صافي وهو يقول جاي جاي
سلمى ،، غريبه الدقه من لي يخبط هك
صافي ،، بلكي خالد راء تقعد ايمان مريضه
سلمى عدي شوف باهي
امسكت سلمى ايوب لكن صافي قعد ايدب وراءه
وسلمى مقدرتش تمسكه عشان لابستها وخافت ايكون خالد ويشوفها
صافي فتح الباب وهو يقول اصبر ياراجل عليش الجري
وتفاجى بلي شافه قدامه
صافي هههههه امتى الجيه ياراء ليش ما تصلت بينا وجيت نا خديتك
سلمى ،، استغربت كيف خالد وكيف ايسلم عليه ويقول هك
نزلت ايوب ع الارض وعدت تجري شور دارها عشان تلبس حاجه على لابستها
اواب كان وراء صافي اينادي فيه
با با
وهذي كانت اول مره صافي يسمع فيها كلمة بابا من واحد من التوام
وسالم لي كان حاضن صافي
اطلقه وقال
تي لمن السمح هضا
وطبس عليه ورفعه
وسلمى لبست املاية الصلاه وطلعت وهي رافعه ايوب
سالم ،، شن ياعمو
عرفتني ولا توا انتعارفو
شاف سلمى قدامه لي كانت امصبيه ومبتسمه بعد سمعت كلمة سالم الاخيره
قربت شوره وهي تقول تفضل
ومدت يدها سلمت عليه
سلمى
الحمدلله على سلامتك
سالم ،، الله يسلمك
خش شنو تبي تقعد امصبي هنا
صافي قولك كلمه عاد
وبحتت في صافي لي كان مزال متاثر بالكلمه لي سمعها من اواب (بابا)
فنفس الوقت سالم برم ايبحت في خوه لي كانن اعيونه متاثرات
سالم ،، شنو مش وقتي ولا شن في
صافي ،، معقوله لا ياراجل
وحط صبع السبابه والابهام على اعيونه ومسحهن بيهن
سلمى ،، لاحظت ان صافي فيه شي
بس محبتش اتكلم قدام ضيفهم لي هذي اول مره ايجيهم فيها
خشو كلهم للصاله
ورحبو بسالم وسلمى حطت ايوب في القعاد بتاعه واستأذنت وعدت شور المطبخ عشان اتوتيله ضيافته
صافي ،، امتى الجيه
سالم ،، اليوم فالفجر
بعد عرفت موعد الوصله مبيتش انقلقكم
قلت انجي ابروحي
صافي ،، والله لك وحشه ياراجل الحمدلله على سلامتك
سالم ،، فرح بكلام صافي له
وحس انه مرغوب فيه بينهم كيف ما بابا قاله
سالم مجش الا بعد بابا نسقله اموره وعمله وتاكد ان سالم تربى بعد اخر عمله دارها وخصوصآ بعد موضوع اميره وقرصة الوذن لي جاته من بابا ومن عمي ابراهيم لي اعلم بعملة سالم وشن كان ناوي وهم مسمحولش ايرد ليبيا الا بعد ما تاكدو من انه تاب
وخصوصآ ان كل شي اصكر في وجه وحتى عمله وقفوه عليه والرصيد لي عنده سحبوه منه
حتي ان اصدقائه ليبين والعرب فاتوه وقعدو يتهربو منه وكل شي كان ايصير معاه كانوا عمي ابراهيم وبابا عندهم علم من مدام ماتربش من العمله الاوله معناها قصة اميره للازم اتربيه
سالم ،، وين ايوب وين أواب
سلمى وهي شايله الصفرا ومبتسمه قالته
انت شن رايك وين ايوب
سالم ،، والله مافي فرق بينهم حتى لون العيون لي تقول مختلف سبحان الله نفس الرسمه
صافي ،، هضا اولدي أواب لي قالي بابا
سلمى ،، قربت حواجبها وبحتت فيه (وكانها تقول امتى)
صافي ،، اها متستغربيش
توا بعد فتحت لباب جاي وراي
وقالي بابا
سلمى ،، هي قصدك يقول بابا قيل ماما
صافي ،، هههههههه
غاري عاد انتي
سالم ،، لا وين بعد جيت نا تو ايقوو عمو ويفوتوكم انتم الاثنين
صافي ،، تي كان الحقهم بعد ايشوفو معتز كيف ايطيرو
ومعتز مايحملش فيهم شي
للازم ايشيلهم هم الاثنين عشان يسكتو
سالم ،، ربي يحفظهم لكم
سلمى ،، هات عنك أواب وتفضل قهوتك مش براني انت عاد من اصحاب الحوش
دق الباب فالوقت لي سلمى تحكي فيه
صبا صافي خدا أواب من سالم وعدا شور الباب
فتح لاقى اعميمه سليمه (امه)ومعها المربيه( موري)
شايله صفرا كبيره فيها فطور ملكي مش ناقصه شي
صافي ،، تفضلي ياجديده
اعميمه سليمه ،، هات عنك ولد جد هضا
صافي ،، تي هضا غزالي اليوم قالي يابابا
اعميمه وهي فرحانه وموجوعه فنفس الوقت من جوا على ولدها لي فرح بكلمه( بابا ) من طفل مش له
اعميمه ابرمت شور المربيه وهي اتقول
تعالي ورايا
وخشت وعدت شور طاولة الاكل
وعدتلها سلمي صبحت عليها وكبت على راسها
اعميمه ،، الله يربحك ويجبر بخاطرك انتي وصافي
سلمى ،، اللهم امين
ويباركلنا فعمرك وصحتك انتي وعمو يارب
اعميمه ابتسمت على كلام سلمى
سلمى ،،
ليش امتعبه روحك كنت نبي نجهزلهم فطور توا
اعميمه ،، عارفتك اتعاني فالعويله
وبعدين  موري معايا الحق ساعدتني واجد
فرحت العربيه وابتسمت عشان اعميمه شكرتها
سلمى ،، بعد صافي قالي امي تبيها لانقني استغربت بس بعد شفت الفطور لا والله سلم ايديكي ويديها
اعميمه وهي تبحت في موري كيف اترتب في الفطور ع الطاوله
بعد وعيت فالصبح ولاقتني انوتي فالمطبخ خشت عليا وقعدت اتعاون فيا الحق شاطره
سلمى ،، لا شاطره حتى هنا نلقى فيها دايره حاجات من دون ما نطلب منها
وصافي قالي كانت عند عائله ليبيه كبيره قبلنا غير مده عقدها عندهم انتهت وهم سافرو
شنو نكلمهم
اعميمه، ، باهي كلميهم وراء حتى غداكم واتي
متعبيش روحك
سلمى ،، يعطيك الصحه عليش متعبه روحك كان راجتيني راء جيت ساعدتك
اعميمه ،، هو هاليوم  لي اتريحي فيه ماعايزك تعب
سلمى ،، تعبكم راحه
جاو صافي وسالم لى قمعز فجنب اعميمه سليمه
وموري خدت اواب من اعميمه
وخشت بيهم لداراهم
وسلمى جابت الشاهي وكانت متحشمه اتقمعز معاهم
اعميمه ،، قمعزي افطري معانا
سالم كيف خوكي وبعدين يبي ايعيش معانا وللازم ماتعودي عليه
سلمى ،،بحتت في صافي لي رمش بعيونه يعني اقعدي
وسالم انتبه لحركة خوه
وحس براحه ان صافي متقبله ومش شايل عليه كيف عمي ابراهيم لي بعد شافه فالصبح مبش ايسلم عليه
فطور مع بعضهم كلهم وبعد الفطور اشربو الشاهي وعدو سالم واعميمه لي قالتلهم تريحو وبعد الظهر تعالو تغدو وراء نا كلمت  خالد وهله ومحمد وهله (خوي) وعيت عمكم عبدالله يجو كلهم للغداء ~ لحوشهم
خشو صافي وسلمى شور المطبخ حولت املايه الصلاه
لي خداها منها صافي وهو مبتسم
سلمى، ، تبي غسل خشيت بيها للمطبخ وكليت بيها
صافي ،، نعلي منك انتي وخلاص
سلمى وهي مبتسمه انت ماتشبعش بكل
صافي لي عزق املايه الصلاه ع الكرسي لي فجنبه وعدا شور سلمى لي تحط فالوعيات فغساله الصحون
وجاء من وراها وحضنها
صافي ،، هو العسل ينشبع منه
سلمى ،، هزت راسها بمعنى لا
صافي ،، خلاص
وانتي عندي عسل بالقشطه
ونا منك انتي ما نشبعش وبرمها شور وقعد ايبوس فوجها ويحكي
شن رايك انخشو لدارنا
سلمى وهي تضحك
مش توا كليت
صافي وهو ايبوس فيهما من انفها وينزل على فمها
لا مكليش امي مش جايبه معها عسل
سلمى اطربقت ضحك وهو ابتسم على ضحكها
صافي ،، هيا قدامي
سلمى ،، نحط صابون بس
صافي تي فيش اتغني انتي وطبس عليها ورفعها
وسلمى مزال الصابون
صافي مش توا الصابون بعد انكملو الطرحين لي فخاطري وبعدين تو انخش معاك للدوش ونحطلك الصابون لي تبيه وين ماتبي
سلمى اضحكت ضحكه بصوت عالي
صافي هني روحك راء والله ماعاد طالقك وحتى الغداء ما تمشيله
سلمى حطت يدها على فمها وهي اتقول خلاص هه
صافي طبس على يدها قعد ايبوس فيها
وسلمى حولت يدها وقعدت اتبادل فيه القبلات
لي راحو بعدهن في خبر كان ❤❤❤❤
...............
ساره ،، وهي تكلم في مفتاح خو اميره
عشان ايجي وياخدها من عنده
وخصوصآ بعد النظرات والتلصيق من مصطفى على اميره لي قعدت اتشوف فيهن عيني عينك
مفتاح ،، وليش ما تكلمتي من قبل
بعدين نا متبري منها اصرفي بروحك وصكر الفون فواجها
ساره ،، حتى نا تو نصرف انراجي غير فواحد كيفك ماقدرش يربي خواته
حطت الفون ع الزيانه وقعدت تبرم في دارها ومش عارفه كيف تصرف
ماتبيش اتكلم ومصطفى قاعد عشان مايعلمهش
ساره  ،، هذي فرصتي بعد هو مزال فالعمل
طلعت من دارها وعدت شور دار المعيشه وصلت عند بابها وجت تبي اتخش عليها اتكلمها بس
وقفها ابكاء( اجوان) بنتها
مش وقت ياماما توا
خليني انعدي شورها انرقدها وبعدها ساهل
شن هالهم لي قعدتلي على قلبي ناقصني نا
رن فونها فيدها بحتت فالشاشه لقت المتصل
(دنيتي❤)
خشت لدار بنتها وردت عليه
مصطفى ،، ها ساره
ساره ،، ايوه حبيبي
مصطفى ،، ماتديرش غدا تو انجيب معايا من برا
ساره ،، مفش داعي تو انقول لاميره اتديره
مصطفى بصوت عالي وبسرعه
لا لا متعبيهش
ساره  رفعت حاجبها ولون وجها تغير ورقيت عليها الحراره
مصطفى ،، قصدي مفش داعي
نا اصلآ وصلت للمطعم
ساره ،، جيب لي تجيبه وصكرت فوجها
مصطفى ،، نا لي تيس ران عليكي
وحط ع سجل ورن على اميره لي كانت قاعده فقائمه السجل وشافها شن تبي غداء ومن اول المكالمه قال فسره فرق السماء ع الارض
وصكر منها وهو مبتسم
......................
عمي صالح والله ماني عارف ردت فعلها
هذي الانسانه الوحيده لي نا عارف انها ما تقدرش اتفرط في اعيالها ولا تعيش بلاهم
بابا ،، بس نا منبيش نضر كان عدا
وهذي فرصته مية واحد في مكانه يتمنى ان هالفرصه
عمي صالح ،، فاهمك ياحاج
بس نا نحكيلك ان مريم مانضنيش اتوافق
بابا ،، اسمع انت متكلمش معاهم نا تو نمشي شورهم
شنو تمشي معايا .
عمي صالح ،، حاضر 
........................
كان راقده ويادوب فتحت اعيونها شافته فوق منها متكي على جنبه وحاط يدا تحت راسه ويتفرج عليها وهي راقده
وصال ،، صباحو
احمد طبس عليها باسها وهو ايقول احلى صباح
وصال ،، ابتسمت وتقعدت هى وتحول فالغطاء من عليها قالت
شنو متبيش اتبطلها العاده هذي
احمد وهو مبتسم كرها من عند يدها طيحه عليه ومخلاهش تعدي
مدام عندي فرصه انشوفك فيها اول ما تحلي اعيونك ونا نستغل فيها
وصال ،، وشن انسمي هضا
احمد خلى وصال تحت وجاء فوقها بعيون كلهن مليانات حب وروح تعشقها
قال
سمي حب وعشق سميي كيف ماتبي اهم شي اعويناتك اول مايفتحن انشوفهن ونحمد الله على عطاياه
نحمدالله عليكي
وصال ارفعت ايديها ولفتهن وراء ارقبته وهي اتقوله
ونا نحمدالله انك زوجي وحبيبي وان ربي جمعني بيك
نزل احمد عليها ايبوس فيها
رن فون احمد لي قاعد ع الكمودين وراء راس سولي
رفع روحه عشان ايشوف من
وصال اقعدت اتبوس في صدرا لي جاي فوق منها
رد اتكي فجنبها و رد ع الفون وهو ايقول
وعليكم السلام
بخير الحمدلله كيف حالك انتي
حاضر ان شاءالله
حاجه نص ساعه هك ونكونو عندك
تمام حاضر
ما توصي على شي انتي ماناقصكم شي
تمام
مع السلامه
وحط الفون فجنبه وطبس على سولي باسها من خدها
ورفع يدها باسها عليها
وصال ،، من
احمد ،، امي تبينا انجو للغداء
وصال ،، اها
احمد ،، بااستغراب كنك
وصال ،، تو انعدي غادي وناكل وبعدها نقعد نستفرغ
ويسمعوني كلهم
احمد ،، وشن فيها ما كلهم عارفينك حامل
وصال ،، بس انتحشم منهم وخصوصآ مصعب
احمد ،، مصعب اكثر واحد فرحان لانه بيقعد عم ويدعي اتجينا بنت .
وصال ،، حتى نا كيفه انتمنى بنت
احمد ،، بنت ولا عيل لي يجي من ربي يامحلاه
اهم شي سلامتك انتي
وصال ،، ابرمت روحه وخشت فحضنه ولفت ايديها عليه وحضناته
احمد طبس على راسها وباسها
............................
التمت عيلة بالحاج والقاضي كلها يوم الجمعه عند عمي ابراهيم واعميمه سليمه عشان جيت سالم عازمينا ع الغداء
اول ما فتحت اعيوني فالصبح لقيت 30 رساله من معتز وفي منهن فويس
اول ما توعي الصبح كلميني
ردي بالك يابشه تطلعي قبل ما ترني عليا
مزلتي راقده ياكسلانه نوضي
حبيبي كلمني
بشتي ردي
ولاني دوبي واعيه ومنحكيش فالصبح مارديتش عليه بس قعد في شي امحيرني ونفكر فيه عليش ران وليش مُصر اني انرن عليه
معتز كان قاعد في داره ومتكي على سريره كان حاط كرعيه على بعضهن ويدا تحت راسه وراقد على ضهرا وشوي اشوي ايبحت فالفون شاف الساعه قعدت
30 :10 غمت عنده ليش لي مرنيتش عليه وهو عارف اني نوعك بدري
صبا من ع سريره وعدا شور البلاكونه وفتحت الباب وطلع قعد فيها كان في كرسي هزاز قمعز عليه وهو يستغفر
اشوي وشاف سيارت عمي مفتاح جايين
وبعدها شاف سيارة عمي صالح
صبا من مكانه وعدا شور سريره خدا الفون ورن عليا
ضرب لين فصل مارديتش كنت امقمعزه نقرأ فسورة الكهف وماما حتى هي كيفي و ويه اتدير  فحلى ستروبري كيك
عدا شور الزيانه بتاع بخ عطر وخدا مفتاح سيارته ونزل
طلع من حوشهم وعدا شور سيارته قعد ايسخن فيها شاف صافي يلعب في التوام فالشمس
وسالم وميدو و خالد وليد قاعدين على طاوله وحده اينابشو في صافي
مخلش السياره تسخن وطلع
كملت قراءة الكهف بديت في البقره
على خشت محمد علينا  صبح وباس على راس ماما
ماما ،، اتبوس ع الكعبه ان شاءالله
محمد ،، اجمعين ياغاليه
وين الشباب و ويه وسيما
ماما ،، حوده ومعتز جاء باتك خداهم
ويه قاعده اتزين فحلو شايلته معها وسيما حتى هي غاطسه معها
محمد ،، تي ما عايزها حلاوه سيما
وقعد اينادي فيها
طلعت عليه ايديها وجها كله شوكلاء وتاكل في فرواله
محمد فتح ايدي لها وهي جاته تجري .
رفعها فوق وباسها من خدها وهي قعدت تضحك وصوت ضحكتها خلانا كلنا نضحكو معها
محمد ،، عليش تضحكي ياشفشفه
سيما ،، لا امحه نا انت لبز شوكلاطه
محمد ،، من لي امحه
سيما ،، نا
محمد ، ، كيف سمحه
سيما ،، هتي  امح وغمضت اعيونها
ماما ،، هههههه
محمد ،، ههههه كيف جت السماحه هذي
سيما  ،، حلاص ياحالو  حول نبي ندير بتاعي
محمد ،، ازعلتي قصدك
سيما ،، لا اش زحلانه نا
محمد ،، باهي بوسيني بوسه كبيره قبل
سيما لفت ايديها عليه لي ملبزات وباسته لعند لبزتله وجه ولبسته
حولت من عليه وبحتت فيه وضحكت
محمد ،، لبيزتيني ياشينه ماه
سيما ،، حطت يدها على فمها وهي تضحك
ضحكتها لي خلتنا كلنا نبحتو فيها ونشوفو امها فيها
سبحان الله نفس الضحكه ونفس حركة مني
قطع تفكيرنا دقة الباب لي كانت سريعه
محمد ان شاءالله خير .
وجاء طالع بس وقفته ماما لي قالتله خود منديل وامسح خدك
محمد ،، يي ، باهي
وخدا من ماما منديل وعدا شور امراية المدخل ومسح وجه وطلع يفتح في الباب
لقى معتز امصبى عند سيارته ومعطي للباب اضهرا اول ما نفتح الباب برم
محمد ،، تفضل ياغالي
معتز ،، حول من طريقي خير ما نفشهن فيك
محمد ،، لا شكله الموضوع كبير
معتز ،، غمض اعيونه وفتحن وقال
انتو اكويسين
محمد ،، الحمدلله بس حدد انتو من راء نحن ماشاءالله تبارك الله عائله كبيره وتسوى
معتز ،، ابتسم
باهي ياcالدكتور
مدامتي اكويسه
محمد ،، متحشم  يعني تسال عليها
خش شخص بعينك قاعده ما فيها البلاء
معتز ،، باهي وخالتي
محمد ،، اسمع بلا جو كل مره تبي تسألني على حد وانت جاي عشان مدامتك
معتز فسره قاعد يستغفر مايبيش يخش وهو غامتله ولا يزعلني بعد عرف اني بخير
بس قعد حاير ليش ما رديت عليه
وحاسس بنار والعه في صدرا
....................
ساره طالعه من دارها حست ان في صوت فالدار لي فيها اميره ، وهذي مكنتش المره الاولي لي تحس ان في صوت راجل فالدار
قعدت تمشي على روس صوابعها وجت عند باب الدار وقعدت تصنت بشواش
حطت يدها على فمها بعد سمعت الصوت وفهمت الشي لي قاعد ايسير
قعدت ع الوضع هضا اكثر من ربع ساعه
وبعدها سمعت اميره وهي اتقوله
.............
خشيت عندهم ونا نستغفر ونهدي فروحي
اطمنت انها بخير وان خالتي والشباب مافيهم شي كنت خايف اتكون سايره معها حاجه عشان هك ماردتش
اول ما خشيت للصاله
قابلتني وهي لابسه لبسة صلاه لونها ابيض كانت سبحان الله ايه من جمال وزاد حلاها الحجاب
صبيت في مكاني وقعدت انبحت فيها
محمد ،، شنو تبي اتصبي واجد فماكانك
نا سمعت كلمة محمد وعرفته لمن يحكي لان ريحة عطره وصلتني قبله
رفعت راسي عشان ناكد لي حسيت بيه من مجرد ريحة العطر لي شميتها قلبي بدء فالهرجه بتاعه 💗
اول مارفعت اعيوني جن فعيونه طول كانت نظرته لي اتذوب كيف ما كل مره انقول
حسيت بحراره لاني نحرجت من كلام محمد
محمد ،  شنو شفت المدام اجمدت ولا شنو
معتز ،، وهو عينه عليا بس رد على محمد
انت ريح روحك وعدي شوف هلك لي يكلمو فيك
ماما،، تفضل يامعتز
معتز، ، السلام عليكم
وخش سلم على ماما وبعدين لف وجاء عشان يسلم عليا
محمد ،، عن اذنكم اشوي وننزل نطلعو طول مع 3عندي عمليه
ماما ،، ايساعدك ربي
ورقى محمد
وماما صبت من مكانها وعدت شور المطبخ
ونا اجمد في فمكاني وجسمي كله صقع
معتز مد يدا لي
نا رفعت يدي وهو مد يدا وتلاقن ايدينا
كانت يدي امصقعه وهو يدا دافيه
معتز ،، لي ايبحت في فمي وعيوني
وقريب ياكلني اوكال
معتز ،، كيف حالك وهو مزال ماسك ايدي
وجاء فجنبي وقمعز
نا  ،، زبطت ريقي وحكيت
الحمدلله بخير
جمعتك مباركه
معتز ،، اجمعي
 اجمعين
ضغط على يدي بس بحنيه وقالي 
وين فونك
نا ،، قاعد
معتز ،، وين قاعد وفنص فيا وحواجبه انقرنن بعضهن 
نا ،، بحتت ع الطاوله لي فجنبي وقتله اهو
معتز حط يدا تحت احنكي وقالي
بحتي فيا هنا متبرميش وجك غادي
نا بصوت هادي  ،، نعم
معتز ،، عض على فمه من تحت وقالي
شن نقول بس
جاي من غادي ونا حامق وفكره تشيلني وفكره اتجيبني نايض من الصبح مضايق ونبي نسمع صوتك وانتي شي خبطتني فالساس
نا فنصت اعيوني ورفعت حواجبي وقتله نا
هو  ،، انتي اها شوفي كم رنه عندك وكم رساله جاتك
نا ،، والله ماصارت
كل الموضوع اني وعيت متاخره كنت نشتغل مع ماما فليل وبعد نوعى انت عارف طبعي .
الطبع هضا للازم ايتغير اقل ما فيها ردي برساله ياستي
افتحي ع الخط وقولي انك يادوب واعيه
لكن هك مايصيرش منها
نا ،، حاضر وطرمت شواربي
ونبرة صوتي بان فيها اني زعلت .
حس بيا معتز ولان شاف ردي كان بحاضر وباهي واعتذرت حتى هو تنازل اشوي وغير نبرة صوته
وغير  رايه وقالي
معتز ،، المهم انك بخير فداكي معتز وحرق دمه
نا ،، بنفس الصوت
بعيد السوء عليكي ياعمري
معتز ،، انتي ديما سمحه هكي بعد توعي
نا ،، كيف !!
معتز ،، لخدود ورديات والشفايف فرواله
والبشره ياربي الصبر
نا كريت يدي منه وصبيت فمكاني وكانت حركتي عفويه بس عشان يسكت خايفه ماما اتجي تسمعه
وسلمت املايه الصلاه
كنت لابسه روب حوش نص كم وطوله لنص الساق
كان امخطط بالطول اخطوط اطوال ورقاق الاساسي فالالوان التركواز والاصفر والاحمر
حطيت لملايه ع الكرسي وطلقت اشعري ونفضته بيديا
ورفعته فوق بكل ودرته كوده وقمعزت فجنبه وبحتت فيه
معتز ،، نا شكلي نبي نكلم خالي اليوم
نا بقرنة حواجب واستغراب
عليش شن في!!
معتز  بنبرة صوت كلها رجوله  ،، ساهل ساهل تو بعد نحكي معه تعرفي
على طلعت ماما وهي شايله صفرة القهوه
صبيت نا بسرعه عشان ناخدها منها
ماما ،، عدي خودي سيما دوشيلها عشان نمشو
وشوفي اختك شن تبي
نا ،، حاضر
ومشيت شورهم
........
وصلت سيارة احمد كانت تندرا موديل جديد
كانت سولي راكبه فجنبه اول ما خشو بسيارتهم ابتسامتها لا ارديآ ارتسمت على وجها
بحت فيها احمد وبحت فالشباب لي كان قدامهم امقمعزين واول ما شافو السياره صبو وجاو شورهم
احمد يحكي وهو عاض على اسنونه
بطلي ضحك راء نعضك
سولي فنصت اعيونها خافت وليد وخالد ايكونو اسمعو الكلمه
احمد اطربق ضحك بعد شاف ردت فعلها وفتح باب السياره ونزل وليد فتحتها الباب
وليد ،، شنو ماتبيش تنزلي
سولي ،، اها ، لا لا وين ياكلاء ما ننزل
نا لي ننزل وننزل اخرى
احمد وهو يسلم ع الشباب
اطمن فرحانه بالجيه كيف لي فرحان بالعيد امبارح مرقدتش
ميدو وهو يسلم على احمد شوفتنا عيد يا بونسيب .
احمد ،، قصدك ياعديل
سالم ،، وهو ايمد فيده
سالم بالحاج
احمد ،، تشرفت بيك والف الحمدلله ع سلامتك
وسلمى على بعضهم
وسولي امسكت فيد وليد من عند مرفقه  وجت شور الشباب وسلمت عليهم ومدت يدها لسالم وحمدتله ع السلامه
وهو
الف مبروك الزواج ربي يهنيكم
وصال ،، تسلم العقبه لك
سالم ،، تسلمي مشكوره
وصال ،، شنو تمشي معايا
وليد ،، هيا
وبحتت في احمد بيش اتنزل الحاجه
وكانت سولي واحمد جايبين زواره كامله لعيت عمي ابراهيم
كانت جايبه شاه كبيره وخضرا وفاكهة وتموين كامل وحلو وشوكلاء ومشروب وعصير وامياه معدنيه
وكانت حاطه الحاجه في اقفف (سلات السعف)
خالد  ، ، عليش امتعبين اروحكم
احمد ،، مافيش تعب ومش من قدركم والله
سالم ،، بارك الله فيك
احمد ،، الحمدلله ع سلامتك ياقدر
صافي وهو جاي شورهم اوو احميدا
احمد ابتسم وبحت فيه
ومد يدا وسلمى على بعضهم سلام حار
لان احمد ايعز صافي واجد وعنده مكانه هو ومحمد ومعتز عنده كيف وليد
ولانه عارف ان سولي معتبرتهم كانهم خوته وديما تشكر فيهم
والشي الحلو في شخصية احمد ان فاهم وعارف شخصية سولي ومتقبل كل تصرفاتها وقربها من كل شباب العيله بما انها البنت لي لها شعبيه بين شباب العيله والكل يقدر يعتمد عليها ويعاملو فيها وكانها اختهم .
سولي ،، وهي ماشيه مع وليد
شنو ليش ناقصه وعيونك امحلقات .
وليد   ،، مفيش شي والله بس حاسس اني مضايقه
وصال ،، كان تبي حاجه قولي نا خيتك لي تشيل همك امعاك .
وليد، ، عافك وربي يسعدك ان شاءالله
بس اطمني واذا كان في شي حنجيكي انتي الاولى
وصال ،، معناها تمام
............................
معتز  استاذن من ماما على اساس عند مكالمه
وطلع لصور وصبا عند الحوض بتاع الورد ابتاعي ورن عليا
كان اغلب الورد عندي مفتح وكان شكلي وردي حلو
معتز حط الفون ع وذنه وهو يتلمس فالورد
نا ،، ايوه ياعمري
سيما لي كانت معايا فالدار حطت يدها على فمها وضحكت بعد اسمعت كلمتي
نا ابتسمت على حركتها وفهمت ان هي فهمت شي من كلامي
معتز ،، حبيبي اسمعي شن نبي نقولك
.نا ،، نعم وخفت من نبرة صوته
معتز ،، اول شي بعد تمشي غادي متكثريش لطلوع افضل لو تقعدي جو متطلعيش للجنان .وما تسلميش على حد (سالم)
نا ،، الاولى فهمنا
لكن الثانيه هذي كيف جت منسلمش
معتز وهو ضاغط على  اسنونه قصدي متسلميش ع الشباب
ونا طول فهمت قصده ومحبيتش انوضحله اني فهمت انه غاير من سالم عشان لي صار في فرح نجوي ومحمد وسلمى وصافي بعد كنت في حوشهم
نا ،، اذا حد مد يدا ماحتى رديته لكن اني نادر نا بالسلام (المصافحه) مش حنديرها
معتز ،، باهي والبسي حاجه واسعه وطويله وهو يحكي جت بين اعيوني لبستي امبدري وعض على فمه
نا ،، حاجه اخرى
معتز ،، خلى وشاحك على راسك
نا ،، حاضر
معتز ،، يسلملي لي يقول حاضر وباهي
نا ،، سلمك ممكن انصكر عشان نلبس
معتز ،، كيف ما اتفقنا
نا ،، حاضر
وصكرت الخط ونا انتفاف
على خشة ويه عليا كنك تسلمي اخر
نا ،، معتز يبي ..............وحكيتلها
ويه ،، غاير عليكي منه
هضا عليش قالك هك..
نا ،، ان شاءالله خير
ويه ،، حولي تو انطلعلك نا وانتي استحي بسرعه محمد قال هيا
نا  ،  خلوني نمشي مع راجلي
ويه ،، في فرحك ان شاءالله
نا ،، ❤

............
راجي انشوفلك الطريق وفتحت قفل المفتاح لكن الباب مزال مصكر  
مصطفى وهو يلبس في دبشه
قرب من اميره ولصقها ع الساس وقعد ايبوس فيها ويحكي فنفس الوقت
مش جياني خاطر نطلع ونسيبك
اميره وهي تجعون وتلصق عليه ولا نا ياعمري
امتى تعرف ونعيشو حياتنا عادي
مصطفى ،، اصبري عليا اشوي بس
اميره عشان اعيونك نصبر عمري كله
مصطفى ،، نعلي نا ومسك .....
ساره ،، ههههههههه بمياعه وقلت اداب
وهنا ساره معش اقدرت
افتحت الباب عليهم ومن حسن
وياريتها ما فتحت
شافت لي مفيش مخلوق يتمنى يشوفه ولا حد ايتمناها لحد
زوجها وبنت خالتها
بنت خالتها لي فضلتها على خوتها واختها بنت خالتها لي فضلتها ع المراه لي ربتها العمر هضا كله المراه لي خافت ان فيوم ساره اتقوللها درتي فرق بيني وبين خوتي ، وكانت ساره عندها كيف ايمان
من صدمتها بلي شافته اخبطت ايديها على وجها وبعدين خبطت ايديها فبعضهن
وقعدت اتقول
انا انا يامصطفى اتدير فيا هكي انا ساره
هضا عليش كنت اتقولي خليها وماتلزيهش
طلع مش كرم منك
عشان انت اوسخ منها
وعشان انتو الاثنين أحقر من بعضكم
مصطفى ،، ماتفهمينش غلط وماتقوليش كلام تندمي عليه
ساره بعياط غلط شنو لي منفهمش ونا شايفه وسخاتكم في وسط حوشي
مصطفى غير اهدي بس اهدي ونا نفهك
اميره لي سيبتهم متعاركين وقعدت تلبس في دبشها
وهي فرحانه لان ساره شافت مصطفى معها وبعك اتكون وصلت للي ندتبيه
مصطفى قعد ايكر فيها ويقوللها راجي بس راجي انقولك شن صار
ساره ،، حول غادي حول
قالي غلط وهو الغلط غاطس فيه من ساسه الراسه
مصطفى قرب منها عشان يمسكها
لانها كانت تحكي وهي اتخبط
رد بالك تلمسني ولا تحط عليا ايديك النجسات هذين
عدت شور دارها وطلعت سوت باق وقعدت اتحط فدبشها فيه من دون ماتركز لي تجي قدامها اتكره
كانن ادموعها ماليات وجها
مصطفى، ، كنك اتلمي فدبشك يامسكينه اهدي
اميره اسمعت كلمت مصطفى افرحت لانها عرفت ان ساره تبي تطلع وتسيبلهم الحوش 
عدت اضربتلها بنتها (جوان)  وخلت البنت اتعيط من قو القرصه
اميره راء تنساكي ونعلق نا فيكي
عدي مع امك ما عايزني هم
خليني انزيط مع بوفه
ساره ،، حول غادددددي قتلك حول ياحقير ياصايع حول يا.........
مصطفى ضاغط على اسنونه ومش قادر ايتكلم خايف يضربها يحطو عليه الحق
ساره ،، هضا عليش اتقولي خليها
تعرف ما نقول غير حسبي الله ونعم الوكيل
اسمعت صوت بنتها عيطت وعلقت البكاء حست قلبها وجعها بعد سمعتها عدت تجري شورها
لقت بنتها وجها اسود من البكاء لعند يابسه البنت
رفعتها وهي تسمي عليها وقعدت اتقوللها كنك ياماما كنك وقعدت ساره تبكي وبنتها تبكي
مصطفى لي طالع من داره ماشي شور دار بنته
جاته اميره تبي تحكي معه
مصطفى خشي لدار انتي مش وقت
اميره دارت روحه زعلان
بس نا مش قصدي
مصطفى خشي قتلك وعدا من دون مايحكي معها
وخش على دار بنته لي لاقها تبكي هي وامها .
مصطفى ،، هاتيها كانها البنت
ساره ،، حول غادي كانك خايف على بنتك راء مفكرتش حتى التفكير ان تزنى فحوش في بنتك
لكن البات لي كيفك حرام فيه الابوه وحرام اتقولك يابابا
ساره ،، تعرف هضا وجهي كان ماخليتك تمنى اتشوفها
مصطفى ،، هاتي البنت هاتي
ساره ،، خلي الق🚫 لي عندك اتجيبلك بنت كيفها
وانت ركب لقرون من توا
ومتكملش الكلمه الا ايجيها كف منه ماتفهم شي
ساره حطت يدها على وخدها ولمست فمها لي قعد ينزف فدم
ساره ،، والله تندم والله تندم وخدت تلفونها وقعدت ترن على ....
وهو طلع من جنبها وهو ضاغط على قبضة يدا ونادم انه ضربها رغم كل الكلام لي قالته قبلها كان ساكت لانه عارفه روحه غلطان بس بعدها معش تحكم فروحه بعد سمع كلامها الاخير
..................
الغلاف من تصميم مبدعة لقروب shaima
Natash sa 🖤 ♟

...........