حبيبه

#فرحة النجاح دائمآ غير (ويه)

#حبيبه🦋

#البارت السابع

يوسف اول مادرس السياره قدام حوشه قال الايمان ماتحركيش تو انجيكي
ايمان ،، كانت اتبحت في يوسف وتضحك غير خليني ننزل شن تبي اتدير
يوسف ،، اصبري بس ورفع يدها وباسها ونزل
عدا فتح باب الحوش وجاء يجري فتح باب السياره لي فجنب ايمان وحط يد وراء ضهرها ويد تحت كرعيها
ورفعها
ايمان ،، أوفي شن اتدير
يوسف ،، نا لي ندير مش انتي وباسها على رأسها ومشى بيها
ايمان ،، كانت فرحانه بحب يوسف لها حطت رأسها على صدره ويدها وراء ارقبته وقالتله ربي يخليكي لي
يوسف ،،ويخليكي لي يادنيتي
يوسف ،، ما نبي منك شي غير اتريحي بس وخش بيها وحطها على سريرها ❤

صافي ،، لبست الدبش الخاص بالعنايه وسميت باسم لله وخشيت
محمد خ ،، كنت انشوف في ايدين صافي كيف يرجفن وهو يلبس فى اليوني فوم ومش قادر يمشي اول ما صافي قرب من معتز خليته امعاه وقتله اشوي وتطلع

نجوى ،، شن اتقولي انتي
نا ،، عادي رني عليه وقوليله انك مشغوله على معتز
ايمان ،، عشان خاطري يا جيجي رني

اعميمه نجاة ،، كانت مشغوله على معتز ومش جايها نوم .
🌸ياربي استودعتك ابني يارب فاحفظه من كل شر و ادى ومرض اللهم احفظه كما حفظت كتابك الكريم يامن لا تضيع ودائعه 🌸

صافي ،، بعد شفت عزو كيف راقد ع السرير والأجهزة عليه فكل مكان وراسه ملفوف بالشاش حسيت ان 💔 دموعي انزلن من دون ما نحس
قربت منه وقتله كيف صار يا رفيقي تبي اتفوتني باهي كان قتلي كنا ركبنا مع بعضنا ولله مليت مني وهنت عليك
عزو نا عارفك سامعني انت اقوى من كل شي صار نوض ياخوي نا مانقدر بلاك نوض وروح امعايا
تذكر ايام نتعارك معاك عشان اميره نا تو انقولك اطلع من هنا ودير لي تبيه وكان تبي تخطبها نعدي معاك المهم متخلينش وحدي هيا يا نصي 💔

محمد خ ،، كنت امقمعز في مدخل العنايه انراجي في صافي بعد تليفوني رن طلعته من جيبي واستغربت
الاسم
( ام لسان ❤ )
كنت مسجلها هكي عشان الحركه ابتاعها
رديت قبل ما تفصل المكالمة
محمد ،، الو بصوت رجولي ويخوف
نجوى ،، الو بصوت ناعم وهادي
محمد ،، بعد سمع صوتها صبا من مكانه وطلع قدام العنايه وحط يده في جيبه ....
نجوى ،، (مخلتش محمد ايتكلم بعد الو وقالتله بسرعه )
رنيت نطمن على معتز قصدي ايمان تبي تطمن على معتز
محمد ،، (من كلامها فهمت انها متزلطه عشان رنت وقلت خليني انزيدها اخرى *)
محمد ،، باهي وكنها ما رنت هي بعد مشغوله على خوها عليش انتي لي اتصلتي بيا 😉
نجوى ،، (ازلطت من كلام محمد وقالت ) ايمان خايفه من خالد وبعدين مش غلاء في وجك رنيت وعزقت التلفون على ايمان وقالت ازي البليد
ايمان ،، ههههههه ايوه محمد كيف حالك
محمد ،، خير يامني كيف حالك انتي كنها الجالط هذي
ايمان ،، زلطتها انت راء
محمد هههههه ،، والله تستاهل
اطمني يامني وطمني عمتي معتز وضعه مستقر وان شاء الله بكره يقعد احسن
ايمان ،، ان شاءالله يا محمد باهي متبي شي وكانت اتبحت في نجوى لي تبي تموت من برود محمد
محمد خ ،، سلمي ع الجالط لي جنبك
نا ،، ونحن كنا ما يسلموش علينا
محمد خ ،، هههههه تو انجي نسلم عليكي بطريقتي انتي
نا ،، لا لا خليك مع معتز ما نبي منك شي
محمد ابتسم وصكر .