حبيبه

حبيبه النهايه

#حبيبه_النهايه
نا ،، نقول مبروك
دانه ،، لزيته
نا ،، شنو
دانه ،، حي عليا تو ايوريني وحق الله كان اتحقي وجه وهو طالع
نا ،، طح اسعدك عليك عمله عملتك
دانه، ، غصبن عني' ياانتي ' والله خايفه
نا ،، منيش خايفه ياهمي؟!!
هضا ميدو لي ديما تحلمي تكوني له وتعيشي معه ولا نسيتي
دانه ،  قوليلي شن اندير 'اانتي'
نا ،، كنك ' انتي' لي شن صار العقلك
حتى نا انسيتي اسمي
دانه ،، مش ناسيه بس خايفه احكي ولا نصكر
نا ،، باهي هو وين عدا
دانه، ، قاعد مع الشباب برا
نا ،، طح اسعدك شن ايقولو عليكي توا
كنك انتي كنك انهبلتي
كان خايفه خلي الراجل يقعد جوا مش من اول ليله العرب تعلم بفضايحكم وبعدين ايقولو عليش خايفه ومنيش خايفه كنك انتي
صكري توا ورني عليه خلي ايجي
وكان خايفه صارحيه اكيد ميدو متفهم واعي ومش حيجي شورك
دانه ،، قصدك هك انتي هم ايفكرو فيا
نا ،، عشان انخوفها ومع اني متأكده ان شباب العيله مستحيل ايشكو فيها بس عشان اتخاف قتلها اه
دانه، ، باهي انتي رني على معتز
عشان ايكلم ميدو
نا ،، باهي وتو انقوله
دانه ،، نجك لي انتي
نا ،، صكري وعدي غيري
دانه صكرت وقعدت امقمعزه في مكانها
ورنيت على معتز وقتله ان دانه خايفه وفهم ميدو انه يكون لطيف معها ويتحملها
معتز ،، باهي وانتي
نا ،، نا عارفه من واخده وعارفه اني معاه مستحيل انخاف وعارفه انك حتكون احن عليا من كل حد
معتز ،، معنديش كلام انقوله بعدك
نا ،، متاكد
معتز  ، ، متاكد من حبك لي كل يوم ايزيد
وصكر مني وعدا شور ميدو لي كان امقمعز على خشم سيارته وسبسي يطفي سبسي يولع
معتز ،، تي وين وين هضا كله وكان معتز ايبحت في سياسي عقابات الدخان لي عزاقهن ميدو قدام
ميدو ،، طفى السبسي لي فيدا وقاله
قول شن عندك
معتز ،، هلك يستنو فيك
ميدو ،، تنطر من ع السياره وعزق السبسي لي فيدا
معتز ،، خليك هادي
ميدو ،، اكثر من هك ننفجر
معتز ،، حط يدا على كتف خو  ومشى بيه وهو يحكيله لعند وصل لباب فيلة ميدو
معتز ،، كيف ما وصيتك
ميدو ،، مسح اشعره بيدا وتنهد وبحت في معتز لي ابتسمله
معتز ،، كنك
ميدو ،، سيبتلها المفتاح
معتز ،، وهي خلته مفتوح توكل
ميدو ،،  زفر بالقوه وحط يدا على مقبض الباب لي كان مردود (مفتوح)
خش ميدو
والشباب اركبوا فالسيارات وطلعو شور الصاله
لي كانت الحفله فيها منتهيه والمعازيم امروحين
والعيله لمت كل شي وقاعده تستنى فيهم
نحن كنا في صاله الانتظار فجنب ماما لي تكلم في حوده
حوده ،، والله خاطري فيه لكن محصلتش فرصه
اعميمه فاطمه ،، الافراح جايات ان شاءالله وتحضر معانا
حوده ،، بس هضا فرح اختي
اعميمه فايزه ابتسمت وعجبتها كلمه حوده
ماما ،، ركز في اقرايتك وكل شي ايتعوض
حوده ،، ان شاءالله
سلمى جت وراء ماما وقعدت اتصفق
ياربي حضرني عرسه
ايوب واواب خشو من باب الصاله شافو امهم (سلمى )
كيف امشلشه
قعدو يرقصو
نا عديت شورهم وقعدت انصفق ونرد مع سلمى
وشالن معانا البنات وعماتي
حتى حوده لي كان يكلم فينا فيديو قعد ايصفر بعد ماما وراته لعيال كيف يرقصو
خش صافي يبي يكلمنا بعد رن واجد على سلمى لي مكنتش تسمع فالفون
لاقنا شايلين وشاف اعياله كيف يرقصو خش قعد يرقص معاهم وكان شكلهم حلو
ونفس القصه معتز فتح الباب وخش كراته اعميمه نجاة وقعد يرقص هو صافي
وسبحان الله صافي ومعتز وكانهم حافظين الرقصه
كانو نفس الحركات ونفس التحرك
قديش هالشخصين مترابطين  وروحهم وحده
اشوي ويخش محمد وخالد وسالم وعزو
المشرفات بتاع الصاله كانن امصبيات ايتفرجن عليهم ونا اعيوني على معتز
وهو اعيونا معايا
العيله شايشه ياناس العيله ترقص ع الكياس
.......................
مصعب كان فالصف الثاني هو ويه كانو يسمعو فالاشخاص لي قدامهم كيف ايقدمو في اروحهم
وكل شخص ايقول الcv بتاعه
وصلو فالصفه الثانيه
مصعب امركز مع ويه كيف شابكه ايديها في بعضهن وكيف كانت متوثره 
طبس عليه وقاللها ارخي روحك مافي شي ايخوف
ويه ،، كلهم معاهم شهايدهم ونا ما....
مصعب متخافيش كلنا بدينا من مكانك هضا
ويه بحتت فيه وابتسمت
وصلو في مصعب
لي كانن الانظار كلهن عليه وطبعن الاعجاب كان واضح من جنس حواء
ومنقدروش نلومهن لانهن شايفات شخصيه مكتلمه من الخارج ومن الداخل وخصوصآ بعد ما عرف ابروحه
بس هو كانن اعيونه على ويه
كان يسرد في الcv لي كان مليان انجازات
بدايتها من بكالريوس الاقتصاد
لعدد كبير من الدبلومات والدورات العلميه لي شارك فيهن لي ماجستير إدارة اعمال
والمفاجاة كانت الدكتورا لي يدرس فيها عن بعد
ويه فهمت انشغاله قدام الاب اغلب الوقت على ان يتابع في دراسته
جاء دور ويه لي صبت قدمت نفسها
لي مكانش عندها غير شهادة الثانوية ولي اذكرت نسبتها العاليه واذكرت انها طالبة طب مفروض تدخل السنه الرابعه بعد فتره قريبه
ويه ،، طبعآ نا معنديش فكره عن الدورات بس سبب وجودي بينكم كان مفاجاه من زوجي وبحتت مصعب وقالت الكلمه لي خلت عداد نبض قلبه يوصل للمليون 💓💓💓
وعيون البنات ايغارن من كلمتها لان متوقعنش انهم زوجين
كملت ويه كلامها
حابه نشكر زوجي ع المفاجاه لاني متاكده ان وين منكون معه حيكون فصالحي
قمعزت ويه وعيونها ع الدكتور لي يلقى فالمحاضره بس اعيون مصعب كانن عليها طول الوقت كان مش عارف وين ايحط فرحته بالكلام لي اسمعه منها
طبعآ هضا مش الدبلوم الوحيد لي خداته ويه وهي فتركيا
مصعب قدر ايخليها  تنسجم وترغب فالمشاركه كل ماتسمع على دبلوم
اخرهن كانن دبلومين فالطب
الاول في الرعايه الطبيه
والثاني كان مكافحة العدوى
...........
دانه امنزله راسها وشابكه ايديها قالتله
اسفه
ميدو ايبحت فيها
قرب منها وجاء قمعز قدامها ركبه ونص
رغم ريحة عطره لي ماليه المكان بس دانه اقدرت اتشم ريحة الدخان
غمضت اعيونها واستنشقت الريحه لي عجبتها
ميدو قرص اعيونه لان لاحظ  الحركه لي دارتها
شنو عجباتك بنة دخاني
دانه ،، معش اتعاودها
نحبك بلا ما تدخن
ميدو ،، مسك ايديها وطبس عليهن باسهن
جاينكي متانقين ومعطرين لزيتينا
جاينكي والعين قلتي معش اتعاودها
دانه كرت يدها منه وضربته على كتفه والعين شنو يامطرشق
ميدو ضحك وقاللها
يد بنت هذي ولا باله
دانه ،، باله في عينك وصبت من مكانها وقالتله صقع عليك اصلا نا
ميدو لي صبى وراها
لف ايدي على خصرها وحضنها
دانه امغمضه اعيونها وعاضه فمها من تحت
ميدو مش امصدق انها بين ايديه
قرب وجه من ارقبتها وطبع بوسه خفيفه
قعد يستنشق في ريحتها وكانها هي الاكسجين لي محتاجله
وفعلآ دانه كانت لميدو هي الهواء لي ايتنفسه
لفها شوره وقعد ايتعامل في وجها قرب منها وباس جبينها بعدين نزل على اعيونها كل مره ايبوس عين وهي كانت ترجف وهو حاسس بيها
طبع بوسه على انفها ونزل بشواش على شفايفها
وخر راسه على شان ايشوف ردة فعلها لاقها مغمضه اعيونها رد حط ايديه وراء ارقبتها وكمل بوساته
حس بيها منسجمه معه ومتجاوبه
طبس رفعها وطار بيها لدار نومهم نزلها ع السرير ونزل فوقها
ومن دون مايحسو بشي
لا شن لابسين ولا شن للازم يلبسو
كانت هذي اول ليله لهم واجمل ليله ❤❤
وتهنت دانه وطار عقل ميدو من فرحته بيها
.............................
سلمى ،، نا طالعه تصبحو على خير وطبست تبي ترفع اواب لي كان راقد
اعميمه سليمه ، خلي العيال تو ايجي صافي ايشيلهم لكي
ماما ،، خليهم اليله ايباتو معايا ومع خيتهم