#البارت التاسع والثلاثون
طلعت ويه للمربوعه وملقت حد قاعد فيها قدمت اشوي وطلعت فونها من جيب البنطلون
تبي انرن على عزو لكن سمعت الباب اصكر
نا ،، الو
معتز ،، غرامك غير وحبك غير
وحسنك فن فوق الفن
كان يغني مع الاغنية ويخبط باصابعه ع الستيرسو
وفاتح اسبيكر بتاع فون .
غرامك غير وحبك غير........وحسنك فن فوق الفن
ونا لي فقفصك اسير ........اصوغ الحن لك وافن
تعال وياك وخلنا نطير.......لا انس بعيد ولا جن
اسير لوين تبغى تسير ......وناخد من البدر مسكن
نا ،، حبيبي
معتز ،، اعيونه
نا ،، تسلملي اعيونك ياعمري شنو عديت
معتز ،، اها روحت نعسان وتعبان
نا ،، سلامتك ياقلبي منيش تعبان
معتز ،، من الشغل عديت شور صافي وبعدين جيتكم مرقدتش بكل ونحس فراسي مصدع
نا بخوف ،، حبيبي رد بالك من روحك
معتز ،، خايفه عليا يا بشه
نا ،، اكيد حبيبي وروحي انت ، متعرفش قديش انخاف عليك ونحبك
معتز ،، مادام انتي معايا وتحبيني مانبي من الدنيا شي غير انك اتكوني حلالي
نا ،،
معتز ،، وين رحتي
نا ،،
معتز ،، حبيبة قلبي
نا ،، نعم
معتز ،، خايفه حد يخش بينا ويخرب علاقتنا
معتز، ، مادام نا نحبك وانتي تحبيني ومادام الثقه والصدق هي أساس علاقتنا عمرك ما تخافي بعدين نا مش بس نحبك نا نعشقك💓
نا ،، حياتي انت يا معتز 💓
معتز ،، نحبك نحبك نحبك نا وصلت للحوش
نا ،، تمام حبيبي للحوش طول ماتمشيش لحوش عمي ابراهيم اكيد فيه بنات
معتز ،، حاضر يا غيوره
نا ،، حقاتي
معتز ،، نا كلي لكي انتي ومن حقك انتي وبس
نا ،،🙊💓
معتز ،، تصبحي على خير
نا ،، نصبح على عيونك حبيبي
معتز ،، حاضر
نا ،، سلام
معتز،، سلام
وقعدو هما الأثنين ساكتين وكان صوت نفسهم بس هو لي مسموع
قعدو قريب خمس دقايق وهما ساكتين
معتز ،، شنو متبيش اتصكري يابشه
نا ،، همم
معتز ،، ولا نا نبي
نا بصوت هادي بكل ،، معناها خليني معاك
معتز ،، هكي نبي نتعب نا وعض على فمه
نا ،، خلاص صكر كان تبي اتصكر
معتز ،، لا كلا ولا ازعلك عطيني ربع ساعه ندوش ونعبي رصيد ونكلمك
نا ،، على راحتك سلام
معتز ،، سلام
ويه ،، امتى خشيت انت هنا
وليد ،، ايبحت فيها وكان امرايف عليها
ويه ،، بعد شافت نظرته لها بعدت اعيونها عنه وعطاته بالضهر
لو سمحت افتح الباب وخليني نطلع ومفش داعي حد ايشوفك يقعد فيها كلام اخرى وبالذات محمد عارف اني نعش نبيك
وليد ،، غمض اعيونه وذكر محمد بعد قاله
*فلاش باك ....
محمد ،، من امتى الشي هضا وطاحن التقارير من يد محمد وقمعز ع الكرسي لي وراه وعيونه تعبن ادموع
وليد ،، كنت مش متاكد بس من فترة 3اشهور تأكدت
محمد ،، وليش ما حكيتلي من الاول
وليد ،، مكنتش نبي نحكي لحد وحتى ويه
محمد ،، اووووووف ويه ويه لو عرفت مش حتحمل واكيد حتنهار
وليد ،، نا عندي رحله بعد يومين ونبي نشوف مره اخرى بلكي في امل
محمد ،، بس مفروض متمشيش ابروحك
وليد ،، لا طمن ميدو معايا وسالم حتى هو مش امقصر بكل
محمد ،، قصدك وليد وسالم عارفين
وليد ،، مكنتش نبي نحكي بس اطريت
صبى محمد من مكانه وجاء قريب من وليد وقمعز وحط يدا فوق يد وليد لي كان حاطها على ركبته
نا نبي نمشي معاك
وليد ،، الرحله هذي معايا ميدو
الرحله الجايه ،، بعد فرحك بااسبوعين تقدر تاخد نجوى وتمشي معايا بس المهم توعدني متحكيش لويه شي مبدئيآ
محمد ،، وتوا كيف ايصير بينكم
وليد ،، نبي نحكي معاها بس نراجي في فرصه
أنت تقرأ
حبيبه
ChickLitروايتي هي عبارة عن علاقات أُسريه فقدنها للاسف مع الزمن 💔 هي روايه عائله تروي التلاحم الأسري لي كل شخص يتمنى يكون موجود فوسطه شخصياتها من وحي الخيال وليس لها وجود فالواقع بطلتها #حبيبه🦋 البنت لي كلكم حتحبوها وتحسو بيها وبمعانتها والالم لي عاش م...
