حبيبه

#البارت الثالث عشر

جت اعميمه نجاة يوم عصيدة السلامه وكانت جايبه دبش كامل ل سيما🌸 مكانش ناقصه شي بكل وكان مغلف بطريقه حلوه
ماما ،، عليش امتعبه روحك يانجوته
اعميمه ،، لا هذين مش مني هذين هدايا عبدالرحيم لبنته
ايمان ،، من الفرحه تمت تبكي

جت ساره وجابت هديه ل سيما🌸 بوكس مرطبات ومدت زلوف لايمان وعمتها ولماما

ماما ،، يوم الاسبوع جيبي معاكي عمتك وكلمي حتى صبيتك المتجوزه انتي مش برانيه لعند انقولك من تكلمي
ايمان ،، ساره خيتنا
ساره ،، تسلمي ياعميمه عارفه حتى نا قلت تو نكلمهن
اعميمه نجاة ،، شنو يا ساره مكلمكش معتز
ساره ،، لا ياماما حتى رقمه مقفل
اعميمه ،، واميره
ساره ،، لا مكلمهش

قبل أسبوع ايمان بيومين قعدت ماما معها ونحن روحنا للحوش عشان انجهزو حاجات الاسبوع
عدينا مع محمد اخترنا البونبنيره جاهزه و 3اشكال حلويات
ودرنا الموالح فالحوش جت اعميمه فاطمه تساعد فينا لانها شاطره فالموالح كان كل شي جاهز يوم الاسبوع فالصبح عدينا عند مني

محمد شال ذبيحه وخضرا كامله من ليله لي قبلها
عم ايمان جاب ذبيحه
يوسف جاب الفواكهه والعصاير والقازوزه وكان داير عزومه لاصحابه وأقاربه وعيلتنا
كان الجو حلو وبنات عمي صالح جن بعد الغداء على طول يجهزنا معانا

فالعشيه جت اعميمه نجاة وايمان واعميمه فايزه ونجوى
محمد خدا اجازه من العياده عشان العشاء

لبست قونه اقصيره وبلوزه لونهن اسود وخليت اشعري مطلوق وكانت لبستي سمبل
وسلمى لبست بدله بيضا وكانت طالعه خيال وكل البنات حبن لبسة سلمى لانها كانت من متغيره واجد
ويه لبسة فستان لونه ليموني وكان اقصير وكانت باينه فيه حلوه
بس احلى وحده كانت سلمى لان لون عكس عليها واجد
سلمى ومحمد عندنا جميلين

اعميمه فايزه اعيونها على نجوى وقالت لعميمه نجاة والله ما تنهان سلمى دكتوره وحليوه ماشاءالله عليها
اعميمه نجاة ،، كل شي نصيب وان شاء الله اتحصل لي خير منه (علي )

جت ساره وعمتها وصبيتها ماما فرحت بجيتهم
عمت ساره سالت على سلمى وعلى نجوى عجبناها هن الاثنين
ساره فرحت عشان عمتها سالت على سلمى لان هي أكثر وحده تحبها وصحبات من هن وصغار
ساره كان عندها سلفها عمر مازال ما جوز .

اعميمه فاطمه ،، خليكي يا مريم متريحه واستقبلي الضيوف اهي سليمه معايا نقدرو عليه العشاء
ماما ،، كان في حاجه قوليلي

دانه ،، المدارس الاسبوع الجاي
نا ،، متخطرنش عليا القرايا
وصال ،، الحمدلله لي نا جامعه
افتكيت من سريب الابلات
نا ،، انتي مشكلاك مع الابلات واجدات كانن
ويه ،، وعمي ماحطها إلا فمدرسه مديرتها ابله عليك ايام يا سولي عدت كله إنذارت واستدعات.
نا ،، العقبه لي نفتك من المدرسه
دانه ،، ونا معاكي