حبيبه

#حبيبه 🦋 37

#حبيبه 🦋

#البارت السابع والثلاثون

حبيباتي المتفعلات فالقروب اكيد وأكثر واحدات شجعني ع الاستمرار اني نكمل فتجربتي لاولى لكتابه رغم كل الظروف حبيت نكتب بس عشانكن اكيد وعشان دعمكن لي
حابه انقوللكن ممكن انتاخر فالكتابه الايام الجايه ومش حنزل إلا بعد العيد نبيكن اتحملني اشوي واسفه 😣
بس انت عارفات العيد الكبير والتجهيزات
ولي تبي الروايه تنتهي وملت مني ياريت مفش داعي لتحبيط المعنويات واكيد حتنتهي هي مش حتكون مستمره ع طول يعني .
كل عام وانتن بالف خير فانزاتي الغاليات.❤

............................................................

ايمان ،، لا بس حتى نا منبيش
خالد ،، يعني ياعمري مش زعلانه عشان تأجل
ايمان ،، شنو الفرق بين توا وبين بعد العيد
خالد ،، توقعتك تزعلي لان صافي خطب بعدنا وفرحه قبلنا.
ايمان ،، نحن لي كان مااجل فرحنا هي قصة شغلك وهو خالي حلها لك وتوا كلام هلك صح
وبعدين العين حق 🧿
خالد ،، ربي يكمل عليكي بعقلك والله كنت خايف تزعلي
ايمان ،، سلمى مش بس بنت خالي راهي كيف اختي والحق تستاهل كل خير
خالد ،، والله انديرلك فرح ما صار ومن توا نبي نقدم على اجازه شهر وين ماتبي انشيلك
ايمان ،، معناها كثر فلوسك من توا
خالد ،، اعيوني لكي انتي
ايمان ،، ربي يخليك لي

سلمى ،، لا ياعمري منبيش ناخدها الا اسبوع الفرح
صافي ،، بس حبيبي منبيكش ترهقي روحك
سلمى ،، لا اكيد مش لدرجة إرهاق متخافش عليا انت بس
صافي ،، كيف مانخافش عليكي وعلى من نخاف معناها
سلمى ،، عليا نا 🙈
صافي ،، ونا نخاف عليكي من النسمه ونحبك
سلمى ،، نسمه فعيونها ان شاء الله
صافي ،، هههههه كنك اليوم انتي
سلمى ،، ما نسمه اسم الحقيره لي خربت بين ويه و وليد
صافي ،، باهي ويه مازالت امصكره رأسها
سلمى ،، والله وليد وجعني ايجي ويقعد بس ويه مش معطيته وجه
صافي ،، ربي يهديها
سلمى ،، عشان تعرف حتى انت ان لي يغلط مره مستحيل انسامحوه حتى لو روحنا فيه
صافي ،، ويه تخطر عليا عمتي مريم بعد اجوز عمي عبدالرحيم صكرت رأسها وطلبت الطلاق ومرضتش اتجي عليها وليه
سلمى ،، لو المراءه مريضه لا سمح الله لو معندهش اولاد ومتضنش من حقه الزوج يتزوج عليها
بس ماما مكنش في سبب لزواجه بعدين هو قرأ الفاتحه وشراء الحوش لي هو فيه توا
ومقالش لماما وهذي تعتبر خيانه ياصافي وصعب ع المراء تحمل الخيانه
صافي ،، لانقنه عمتي ما تستاهل
سلمى ،، باهي نا نعست ونبي نرقد
صافي ،، باهي حبيبي تصبحي على خير وصكر
عرف صافي ان سلمى اضايقت عشان فتح موضوع ماما وبابا وندم انه حكي معاها فيه
وتأكد ان لو فكر مجرد التفكير في غيرها حتكون هك نهايتهم تعود من الشيطان وصبا فتح الروشن بتاع داره لقى ضي دار صافي والع
صافي ،، الو
معتز ،، ايون ياغالي
صافي ،، كيف مزلت واعي
معتز ،، والله النوم طاير بكل
صافي ،، فيش اتفكر
معتز ،، شن رايك تنزل نكسدو
صافي ،، هيا اشوي بس
ولبس تيشرت وسليبر ونزل
نجوى لي كانت واعيه تبي اتخش للحمام حشاكم انفجعت بعد شافت صافي
صافي ،، ههههههه قصدك خفتي
نجوى ،، ازي البارد ، ها ماله شنو فجعتني راك
صافي ،، ههههههه بحتى فالمرايا ونزل
نجوى ،، خشت للحمام وبعد حقت شكلها في المرايا حطت ايديها على رأسها وضحكت نعلي كان ما محمد اتجيه سقطه قلبيه بعد ايحقني 🤯😂