حبيبه

#حبيبه 🦋 74

#حبيبه 🦋
#البارت _الرابع _والسبعون
دانه ،، ههههه خلا هههههه ص
ههههه وال ههه له خلاص ههههه حلفت لك
نا ،، باهي افتحي ع الرساله
دانه باهي حولي
خشن علينا البنات كلهن بعد اسمعت صوت ضحكها
كنكن شن في فعقاب اليل
مني ،، ان شاءالله يسمعكن محمد
دانه ،، ههههههه لا احميدا مش فاضي
سلمى  ،، اصدقت فيكي فحال غير ضحكهن وهو غاطس فالعسل
شيماء لي كانت قاعده معانا ،، بعدك مش اي عسل
انجيوه
ويه ،، عجباتك
ميرا ،، لانقنها اتخش الخاطر .
نا ،، حي الباب ايدق زعمك من
طلعنا كلنا للصاله نجارو  نبو نشوف من لي ايدق
حوده ،، ردن وين طالعات
ويه ،، الباب
حوده ،، نسمع فيه تو انشوفه ابروحي ردن خشن
رد الباب ايخبط بالقوه
طلع حود يسرع وفتح الباب
شاف جوري وهي امصبيه قدام وحاطه على كتفها سوت باق  اصغيره
حوده ايبحت فيها وهو غامه عنده
جوري التفت وراها وشيرت لعمي مختار لي كان امصبيلها
دفت حوده وجت خاشه
حوده كرها من عند مرفقها لعند الباق طاحت منها ومسكتها في نفس الوقت
حول يدك يابارد
حوده ،، حسك وطيه ولسانك هضا نسمعك امطولته انقصه لكي سمعتي
جوري ،، بعد تقول مسئول عني
ونزلتله يدا بالقوه
حوده ،، نسمع ضحكك مره ثانيه نعرف كيف نصرف معاكي
جوري ،، عدي يا متخلف
وبعدين انت من عشان تصرف معايا هك
حوده ،، انت......
ماكملش كلامه لانه سمع صوت مني
مني ،، من ياحوده
حوده ،، هذي بنت عمي مختار
طلعت مني
اها جوري خشي خشي
مني ،، هذي جوري ياحوده من نفس عمرك راء
حوده ،، باهي خوديها وخشن
شقلبت جوري اعيونها عليه ومشيت وهي اتطنش وهو قريب ينفجر من حركتها
خشت علينا جوا وهي وتنفخ
نا ،، غمزتلها كنك
جوري ،، عزقت السوت باق على شيمو
هاكن دبشكن هضا ما حصلت منك
شيماء، ، بشواش وانتي تعزقي
جوري ،، هالمتخلف هضا ازي
دانه ،، هههههه شكله قهرك
جوري ،، يقهر عينه والله نا لي نقهره باهي وتو اتشوفن
نا ،، نجيي خوي المتخلف هههههه
البنات كلهن قعدن يضحكن وهي غمت عندها
دانه سهت على فونها نا سحبته وحليت على رساله ميدو لي كانت تسجيل صوتي منه
البنات اول ماسمعن الصوت ركزن معايا
دانه ،، هاتيه ياقرده
نا  ،،فش اسكتي ورفعت يدي فوق
ميدو‏إني أغارُ ....
فهلْ في العشقِ تعذرني؟
يا مَن أصوغُ لهُ بالحُبِّ أشعاري
يا مَن عمرتُ لهُ روحي ليسكُنَها
حتى يكونَ ملاكاً وسطَ أستاري
أهواكَ يا ملكًا في ساحِ مملكتي
تنهى وتأمرُ في جوفي وفي داري
ملْكٌ وليسَ لهُ شعبٌ ليَحكمَهُ
إلا أنا. ولقدْ أغلقتُ أسواري
فأنتَ وحدَك مَن بالحُبِّ يسكنني
البنات اوووووو وين يادندون
دانه كرت مني الفون هاتي والله انوريكي باهي
مشين كم يوم هك كنا فيهن كلنا مع بعضنا
جوري كل ماتجي اتعارك هي وحوده
ونحن انركبو عليها عشان حوده عمره ماطق فحد بس جوري كانت لا تطاق بالنسبه له
وجوري مقهوره من معاملة حوده الجافه لها لي كانت كل مايشوفها للازم ما يهزبها
لدرجة انها معش بت اتجي الحوشنا
..............
مرن ايام على سفر ماما
وبدينا في الامتحانات النهائيه
سولي روحت ودانه قعدت امعانا
حوده حتى هو يجهز للامتحانات وجوري نفس الشي
سلمى كل يوم اتجينا
ومني مرات اتجي ومرات اترن تطمن علينا
مزالي ماده وحده ونكمل امتحانتي نا ودانه
معتز يرن عليا كل مانطلع من الامتحان وجاني مره وحده و وصاني على قرايتي وقالي انه ماشي لمصراته عنده فيها عمل ومرات يكمل لطرابلس
ويه امتحاناتها قبل حوده بااسبوع
.................
بابا ،، يعني شنو
الدكتور ،، نحن درنا لي نقدرو عليه والباقي من الله ادعولها انتم
ماما ،، مفش امل يادكتور
الدكتور ،، لامل فالله موجود بس المدام حالتها متاخره جدآ وجسمها متحملش العلاج لانه المرض منتشر كيف ماانتم عارفين
ماما ،، لا حوله ولا قوة الا بالله
الدكتور، ، عن اذنكم
رن الفون فيد ماما بحتت فالاسم وردت بحتت من وين ماعدا الدكتور
قعدت شارده فيه وتمنى لو ايجي ويغير كلامه لي قاله
فصل الخط فيدها وبابا لي كان ايبحت فيها عدا قمعز ع الكرسي وراها وحط ايديه على راسه لي كان تانيهن على اركابه
رد الفون ايرن من جديد
ماما ،، ايوه السلام عليكم
عزو ،، وعليكم السلام
كيف حالك ياامي
ماما ،، الحمدلله اكويسه
بابا رفع راسه ايبحت هى وتحكي وكيف بيدها اليسار كان تضغط على طرف عباتها بيدها وتسمع في عزو
عزو ،، طمنيني على ماما شن حالها اليوم شن قالولكم تحسنت صح ياامي شن صار ياامي احكي شنو كنك ماتردي عليا 
ماما ،، ادعيلها ياعزو ادعليها نوريه هضا لي تبيه منك توا
عزو ،، ودموع ينزلن على خدوده
عدا قمعز ع الكرسي لي كان فجنبه وعزق روحه عزق عليه بكل ثقله لدرجه حوده لي كان امطبس على اكتابته انتبهله
نوعيلها ياامي نوعيلها وحتى ونا راقد انو من نومي وندعيلها
ماما بعد سمعت كلامه ادموعها نزلن وقلبها 💔
ايوه سلم اوليدي ادعيلها ونا والله نوعيلها ربي يخفف عليها الوجع ويشفيها لك وتفرح بيك
عزو ،، عارفك ياامي عارفك
عشان هك هي قالت تبيكي معها
سامحيها ياامي سامحيها عشان خاطري نا
ماما قعدت تبكي بالصوت ومعش تحملت كلام عزو لها
وبابا صبا من مكانه ومعرفش كنها جاء جنبها وخدا الفون من يدها وشاف اسم عزو
رد عليه
بابا ،، الو
عزو ،، الو خير ياباتي كيف حالك
بابا ،، الحمدلله بخير
عزو ،، شوف امي مريم ياباتي( بصوت كله خوف)
بابا ،، اطمن اطمن انت مافيها شي
عزو ،، لا لا متاكد انها بكت وزعلت مني
بابا ،، لا ياراجل
وهو ايبحت في ماما
مريم قلبها كبير وعمرها ما تزعل منك
انت بس رد بالك من دراستك واسمع كلام خوتك
عزو ،، حاضر ان شاءالله
صكر بابا من عزو ومعش عرف يصرف مع ماما لي كان كلامها معه محدود وحتى انها مبتش اتسيب المستشفى لي فيها نوريه ورفضت انها تقعد في غرفه فالفندق لي بابا حجزلها فيه
قرب منها وحط التلفون على شنطتها لي فجنبها
وعدا صبى بعيد منها
طبعآ ماما قعدت مع نوريه فغرفتها ولم تعبت حالة نوريه نقلوها للعنايه
وبابا كلم المستشفى عشان ماما تقعد فالغرفه بتاع نوريه ويدفع مصاريفها هو
وماما كانت تمشي و تقعد طول الوقت قدام العنايه
حتى الممرضات والدكاترة عرفوها وحبوها 
وكانن الممرضات ايجي يقعدن معها فالغرفه ابتاعها
..............
يوسف ،، شن حاسه روحك توا
مني ،، اطمن نا اكويسه هانت خلاص
يوسف ،، بس اليل كله وانتي تبرمي ومرقدتيش
مني ،، وانت كيف انتبهتلي صبيت من جنبك بعد رقدت
يوسف ،، عيب عليكي
قلبي يحس بيكي وبعدين النوم مايجني الا وانتي فحضني
مني ،، هانت خلاص
اول مانجيب ونطلع من المستشفى نخلي سلمى تاخد التوينز ونا نبي نرقد فحضنك اليوم كله ليله بنهاره
نبي نرقد رقده طويله مايوعينش منها حد
يوسف ،، يعني رايفتي عليا وبرم عليها باس بطنها
كانت مني متمدده ع السرير ويوسف متكي على كرعيها ويبحت فيها وهي تحكي
مني ،، رايفت تاخذني فحضنك ونحس روحي طفلتك لي تطمئن اول ماتلف عليها بيدك
يوسف ،، ياعمري انتي
غالي والطلب رخيص تو نخلي امي تاخد سيما عندها  تدز( ايما) عشان تهتم ب التوينز ونا نقعد معاك
ها شن رايك
مني ،، حي بعدها سيما اتغار منهم لا لا متدزها لحد وانت عملك
يوسف ،، متدوريش فداك كل شي وسيما نا نرد بالي منها اهم شي انشوفك مرتاحه
ولي خاطرك فيها انفدها لك بعيوني الاثنين
طبست مني على وجه يوسف وقعدت اتبوس فيه وهو امغمض اعيونه
بعدين قمعز امقابلها ورد هو باسها بوسه طويله من 😘
وراحو هم الاثنين في خبر كان
.....................
معتز نزل من سيارته ركز علي صافي كيف امقمعز باين عليه مضايق عدا شوره وهو يقول فسره
* ان شاءالله خير *
معتز ،، سلام ياراس
صافي، ، وعليكم السلام ومد يدا سلم على معتز
معتز ،، قمعز فجنبه وقاله كنك قاعد هنا ان شاءالله خير
صافي ،، متدورش مافي شي
معتز ،، عليا نا يانصي
تي نا نعرفك من اعيونك راء
صافي ،، شن انقولك بس
معتز ،، احكي وانت كيف عيت حنه انكر منك فالكلام كر
صافي ،، امبارح سلمى تعبت عليا
معتز ،، كيف تعبت يعني
صافي ،، كنا جونا تمام ومافينا شي رقدنا وعاني صوتها
معتز ،، باهي
صافي ،، لقيت حرارتها مرتفعه وتهلوس
معتز ،، فجأة هك حرارتها رقت
صافي ،،
فلاش باك 💫💫
اممممممم امممممممم
ركز مع صوت الانين لي يسمع فيه عرف انه ميحلمش
قمعز وولع الايت لي جنبه برم بحت في مصدر الصوت
لقى سلمى وجها كله عرق ولونه حمر زين
حط يدا على جبينها وخدودها لاقى حرارتها عاليه
قعد ايوعي فيها مبتش توعى
كل مالها كل ما تزيد في الحضيض
حاس ومعرفش شن ايدير
رفعها في حضنه وهي مش واعيه وخش بيها للدوش صبها وقعد حاضنها
ولع عليها المياه لمصقعه اول مانزلت عليها لمياه عيطت وفتحت اعيونها ومسكت فيه
صافي ،، متخافيش اشوي تحملي تنزل عشان تنزل حرارتك
سلمى ،، س سس سقعت طلعني وقعدن اسنونها ايخبطن في بعضهن وجسمها يرجف
صافى ،، تحملي حبيبي اشوى
وقعد حتى هو معها  تحت لمياه بدبشه بكل وحاضنها وهي كانت لابسه روب خفيف
لعند حس بجسمها برد اشوي طلع بيها
صبي انجيبلك الديشمبر ومنشفك
سلمى ،، وانت
صافي ،، حط يدا على وجها المهم انتي توا
طلع جابلها منشف وساعدها تسلح ولبست الديشمبر
طلعت معه قمعزت ع السرير قعد اينشفلها في شعرها وبعدين جابلها بجامه شورت لابسها واندر وير مد لها
لابسته وحدها وبعدين لابسها التيشيرت بتاع البجامه ونزل عند كراعيها لابسها الشورت وسقمه لها
عدا عند الجهه بتاعتها ع السرير حول المخده لي كانت راقده عليها وحط وحده ثانيه
صافي ،، تعالي تريحي هنا
خشت سلمى مرقدها غطاها
سلمى ،، متبيش اتغير
صافي ،، انجيبلك كمادات وخافض حراره قبل
سلمى ،، هزت راسها
لا لا غير راء تمرض حتى انت
صافي ،، حاضر
عدا غير ادبشه ابسرع وعدا شور المطبخ ايدور في حاجه ايحط فيها امياه امصقعه فتح الدولاب وطلع منه كم حاجه
خدا صحن غارق حط فيه المياه وفتح الثلاجه وحط مكعبات ثلج مع المياه خدا بنادول كولد اند فلو
وخش عليها فالدار
قمعز جنبها وحط الصحن ع الكمودين
سلمى حست بيه قمعز فجنبها  كانت مش قادره تفتح اعيونها
صافي ، ، حلي فمك خودي الدواء
سلمى بصوت تعبان ،، لا لا
صافي ،، شنو لا يامسكينه خودي دواء عشان تنزل حرارتك
سلمى ،، منبيش ناخد شي
صافي ،، انتي تبي تقهريني عليكي
سلمى مدت يدها مسكت يده ،، مزال على موعدها يومين مرات نطلع حامل منبيش ناخد شي 💔
صافي انصدم من كلمتها
وعرف ليش هي متبيش تاخد الدواء يعني خايفه اتكون حامل وتضر روحه
سكت ومعش عرف يحكي شي
سلمى ،، قول ان شاءالله
صافي ،، ان شاءالله 
بس وجودك عندي اهم من مية طفل صدقيني انتي عندي بالدنيا كلها
وسحب يدا منها وخدا المنشف من المياه اعصر وحط على جبينها وهي ادموعها انزلن
قعد معها ع الحال هضا لعند حرارتها نزلت وهي تريحت ورقدت وهو نزل تحت بعد مطمن عليها
فالوقت الحالي 💫
معتز ،، يعني موضوع لعيال يبي ايتعبها هك
صافي ،، ياراجل شايف الحزن فعيونها
سلمى لي كانت كلها طاقه وفرح اختفت
معتز ،، بس ملكمش واجد متجوزين
صافي ،، هي خايفه من كلام الناس
وليش ماحملتي وانتي دكتوره ولا المشكله تخصصها نساء
معتز ،، هذين ارزاق ياراجل وهي مش فيدها
صافي ،، نا عارف الشي هضا
بس لي قهرني  اني مش قادر انديرلها شي يسعدها
معتز ،، خدها وسافر بيها
صافي، ، فكرت فيها بس بعد هلها سافرو هي مستحيل توافق وخصوصآ اختها على طريق
معتز ،، ييي صح والله
صافي ،، شفت بعينك
معتز ،، ربي كريم وعيشو حياتكم ياسيدي خودها وعدي بيها مشرق عدو لبنغازي حتى اي مكان تغير في جو وردو
انقولك حاجه عدو للاستراحة ابتعتنا فزويتينه
وكان صار ماصار اقريبه وتقدرو اتجو في اي وقت
صافي ،، تو انشوف
معتز  ،، توكل على الله انت بس وماتدور شي
............
اليوم امتحان اخر ماده
المواد كلهن حليت فيهن اكويس ومش خايفه منهن
خشيت ع الامتحان ونا متوتره مش عارفه ليش
اول ماقمعزت غمضت اعيوني نفس الخوف لي جاني ونا فالمزرعه وبعد سافرت ماما حسيت بيه من جديد نفس ضيقه العلم
قعدت ندعي لربي ونكرر فالدعاء بيني وبين روحي
رَبِّ اشْرَحْ لِي صَدْرِي* وَيَسِّرْ لِي أَمْرِي* وَاحْلُلْ عُقْدَةً مِّن لِّسَانِي * يَفْقَهُوا قَوْلِي*
حسيت بصدري تريحي ونبض قلبي هداء
الاستاذ  لي كان شارف علينا
خبط بااصبعه ع المقعد بالقوه هو لي خلاني انركز
هو ،، وين رحتي امتحانك بداء
نا ،، اسفه منتبهتش
هو ،، توكلي على الله وابدي
نا ،، ان شاءالله
هو قعد امركز امعايا يمشي ويجي ايبحت فيا
نا تلبكت ومعش قدرت نرفع اعيوني
مشى خدا كرسي وقمعز  امقابلني في بداية القاعه
بعد حوالي نص ساعه صبى برم من جديد وصبى فجنب البنت لي قدامي نا اعيوني تحت بس نشوف في رجليه وشوزه
اشوي وخر رد لبدايه القاعه نا هنا تريحت
كملت حلي وقعدت انراجع ومنتبهتش لحد بعد رفعت راسي شفت القاعه كلها فاضيه انصدمت
صبيت بسرعه عشان نسلم الورقه
هو، ، شفتك اتحلي والوقت قريب يكمل ماحبيتش نزعجك
كملي متدوريش الوقت
نا ،، بارك الله فيك بس كملت وراجعت ومديت الورقه
هو ،، معلش ممكن لحظه
نا ،، قلبي وقف بعد قال هك
بحتت فيه (نعم )
هو ،، لو في حاجه مضايقتك او محتاجه الشي تقدري تعتبريني كيف خوكي
نا انصدمت من كلمته
مش هك بس انصدمت كيف عرف اني مضايقه
شكرآ ، عن اذنك
وطلعت وسيبته
طلعت للبارك على طول لقيت دانه مقمعزه اتراجي فيا فمكانا
دانه ،، شن درتي
نا ،، غير قولي شن صار معاك قبل وبعدين شن درتي
دانه ،، كنك
نا ،، شوفي ايديا كيف يرجفن من الخوف
امسكت ايديا بيدها الاثنين
دانه ،،  امسكي اشربي امياه حي عليكي كنك
شربت امياه وبعدين خديت يدها وحطيتها لها على قلبي
شوفي هضا
دانه   ،، نعلي نبضك عالي
نا ،، حاسه بحاجه امضايقتني ومش عارفه شنو
دانه ،، تعودي من الشيطان اكيد امرايفه على اعميمه مريم
لانك مش متعوده على اغيابها فالحوش
ولان عمرها ماعدت مشوار الا بيكن
نا ،، لا لا مش موضوع ارياف هذي حاجه اتجيني فجاه وتغم عليا يستر الله وخلاص
دانه ،، والنعم بالله
تعودي من الشيطان انتي بس وتوكلي على ربي وبأذن لله مافي الا الخير
نا ،، ان شاءالله هيا صبي اهو عمو  جاء
....................
سلمى ،، فتحت اعيونها
الله بك أصبحنا وبك نحيا وبك نموت اللهم أسألك خير مافي هذا اليوم وخير ما بعده
اللهم لا تشغل بالي بما لا يرضيك
ولا تحزن قلبي بما لا تحبه لي
اللهم أسألك الخير فالدنيا والاخر اللهم أسألك العفو ان ضعفت وقت حاجتي اللهم أسألك الرحمه وقت شدتي اللهم لا تواخدني ان ضللت او نسيت
يارب💔
صافي خش عليها لاقها لافه روحه كيف البيبي وهي راقده
قمعز فجنب السرير وطبس عليها
شنو حبيبي اوعيتي
فتحت اعيونها اتبحت فيه انزلت دمعتها
صافي بخوف عليها شنو اتحسي وطبس عليها ايشوف فحرارتها بشفايفه حس ان مافيش حراره اطمئن انها مش مريضه باسها بوسه طويله و وخر حط يدا على خدها
شنو سومتي اتحسي فحاجه
سلمى هزت راسها ،، لا لا كويسه
صافي ،، اذا تحسي فشي قوليلي
سلمى ،، اطمن يااوفي والله ماني مريضه
صافي ،، باهي شن رايك اتنوضي اتدوشي ونطلعو انغير جو
سلمى ،، هنا قصدك
صافي ،، لا انعدو لزويتينه وتشوفي البحر
سلمى ،، والعياده
صافي ،، اعتذري منهم اليوم
سلمى ،، حاضر
صافي ،، قرب منها ونزل ايبوس فيها ويشم في ريحتها
ريحتها لي كل مايشمها ايقوللها هضا اكسجيني  لي عايش بيه وبلاكي انضيع
لفت ايديها على ارقبته وخش معها للسرير
أطورت الحكايه من بوس وحضن للللل.... 🙈
صافي ،، معناها اندوشو مع بعضنا .
سلمى ،، بلا سماطتك تريح
صافي ،، متريح اخر راحه معاكي ومانبيش شي
والدوش ماني دايره الا معاكي
سلمى اضحكت على كلامه
ورضت بالامر
لانه خش معها وعاشو اللحظه مره اخرى ❤ تحت المياه
................... .
نجوى ،، يعني شنو
محمد ،، يعني وليد عنده صوره مقطعيه ولازم يمشي ايديرها وانتي عارفه وضعه
نجوى ،، يعني ماشي معه
محمد ،، يومين بس ياعمري وكانا عندي ديوتي فالمستشفى ولا العياده
نجوى قربت منه وتصكرله في ابطم قميصه
مع انه مش هاين عليا افراقك بس ياالله
محمد ،، ربي ما يجيب افراقك ياالشينه وبعدين هذين يومين مش الشهرين
ومعتز بعد روح من اطرابلس تكى حجزلنا يعني اول مانوصلو للعياده طول انصورو وثاني يوم بأذن لله انروحو
نجوى ،، بس دلع
مزلت انقولك فيها مش هاين عليا افراقك
محمد لف ايديه على خصرها وقرب وجه من وجها شكله حتى العياده اليوم منمشولهش
نجوى ،  بضحكه عاليه
ومن مسكك عليها
محمد ،، العسل لي نشوف فيه قدامي وخر بيها ع السرير
وراحو كيف لي قبلهم فالعسل 🙈❤
..........
ماما امقمعزه قدام الغرفه لي فيها نوريه
طلعت الممرضه من عندها قالتلها
مدام مريم المدام نوريه بدها ياكي
بس الله ايخليك لا تكثري معها بالحكي
ماما ،، حاضر ان شاءالله
وصبت ماما عشان اتخش عليها
.....................
ميرا ،،  كيف صار
سامي ،، شكلكم ماتبونيش
ميرا ،، بالعكس قداش فرحت بجيتك
سامي ،، بس موش باين
ميرا ،، لانك امس كلمتني وماقتليش انك جاي
سامي ،، صحابي لي قتلت من اجدابيا 
اليوم افتتاح شركة ابتاعه وعزمني ومنقدرش انغيب عليه
اهو قلت انمر نطمن عليكم وبالمره انشيله ملف شيماء عشان
تبدء العمل معه
ميرا ،، اها هضا لي جاء عندك لمى جينا نحضرو في فرح  ياسمين
سامي ،، ايوه
ميرا ،، قصدك شيمو تبدء معه على طول
سامي ،، اي بتبدء معه من ثاني يوم الافتتاح لانه هي تحمسك عنده فقسم فالمحاسبه
ميرا ،، خبرين حلوات اليوم
جيتك وعمل شيماء تو اتطيرا من الفرحه
سامي ،، دوم الفرحه
ميرا ،، تسلم ياعمري
سامي ،،  باهي حبيبي نخليك توا نا وصلت عندهم انكمل امعه ونجيكم
ميرا ،، انشوفك
سامي ،، اكيد باي
..................
ماما ،، خليكي متريحه ومفش داعي اتعبي روحك
نوريه ،، حولت ماسك الاكسجين من عليها لا لا للازم ما نحكي عشان انتريح
ماما ،، بس هك حتعبي روحك
والممرضات نبهني عشان ماتحكيش واجد
نوريه ،، مع ش في   وق ت   للا ز م     ن حك ي      نبي           انت ر يح
كانت تحكي بصعوبه ومحوتها اتطلع في الكلام
ماما ،، قربت منها وحطت يدها على كتفها
تريحي توا وتو نحكو بعدين
نوريه هرت راسها بمعنى لا وردت المسك على فمها وخدت نفس وبعدين حولاته وقالتلها
عبدالرحيم خداني غصبن عنه
ماما استغربت كلامها قرنت حواجبها وبحتت فيه
بابا كان جاي عشان يشوف نوريه ويطمن عليها ملقش ماما في مكانها استغرب سأل عليها
بابا ،، لو سمحتي المدام مريم وين
الممرضه  ،، عند المدام نوريه طلبتها والدكتور سمحتلها تفوت
بابا ،، شكرآ بارك الله فيكي
عدا شور غرفة نوريه لاقى البابا مردود صبا يبي يدق سمع كلام نوريه لماما وخر وقعد امصبي يسمع فيهن
نوريه ،، اها
متستغربيش هضا لي صار
ماما ،،عبدالرحيم ماضي وانتهاء
بابا ،، .......
نوريه ،، كنت قاعده بروحي فالحوش راقده فسريري
فجاه لقيت واحد فوق مني خفت ومعرفتش انتحرك كل جسمي انشل بعد شفته
وهو لم شافني هجم عليا
تمنيت روحي انموت ولا عشت لي عشته فالحظه هذك تمنيت هلي ايجو ويلاقوني ميته ولا يحقوني هك بس
لي صار ومن سوء حظ عبدالرحيم
ماما ،، بعيون مفنصت وصدمه على وجها قصدك عبدالرحيم هو لي دار فيكي هك
نوريه ،، لا لا مش عبدالرحيم 
  بابا ،،🥺 .........
ماما ،، ماله كيف
نوريه ،، عبدالرحيم كان جاي عند باتي عشان عمل بينهم
و لم وصل للحوش لاقه الباب الخارجي مفتوح
خش واستغرب كيف البيبان مفتوحات كلهن
دق ع الباب واجد بس ما حد رد عليه
الله علم شنو لي صار  نا كنت ناويه ننتحر ومتحملتش لي صار فيا
نزلت عشان ندور اي  حاجه ونقتل روحي
ماما ،، لا حوله ولا قوة الا بالله
حسبي الله ونعم الوكيل فلي كان السبب
نوريه ،، نا ونازله حسيت بالنزيف تحت مني
منظر الدم خوفني ومعش فطنت الشي
غير ان هلي معايا فالمستشفى
طبعآ باتي بعد عرف لي صار  فيا رفض ان يحكي معايا وقاطعني لفتره طويله
وبعد يومين طلعت ولقيت عبدالرحيم زوجي على سنة لله ورسوله
فهمت بعدين من امي الله يرحمها ان عبدالرحيم هو لي سعفني لانه قال لاهلي لقيتها طايحه وغارقه بالدم بس باتي مصدقش وأجبره ان يقراء فاتحتي
والا حيخسر كل شي اسمه وعمله ومكانته فالدوله  لي له اسنين يشتغل عليها لو مدارش هك ومش هك وبس
اجبره ايوقع على أوراق تظمن وجودي معه
وللاسف كان من ضمن الاوراق كل شي يملكه
ماما ،، وانتي ليش ماقلتي ان مش هو ليش سكتي ليش
نوريه ،، نا سكتت لاني فقدت النطق اه انبكشت
سكتت لاني منعرفش الشخص لي دار فيا هك
سكتت لاني انظلمت ونحرمت من اغلى شي نملكه بدون سبب
انظلمت لاني معشتش الفرحه لي تحلم بيها كل بنت
عبدالرحيم عمره ماعتبرني زوجه له ومن سوء حظي
طلعت حامل بعد الاغتصاب لي صارلي
ماما ،، لا حوله ولا قوة الا بالله
نوريه ،،  معتز يقعد ............
Natsh sa