#البارت الخامس والعشرون
معتز ،،سلام
صافي ،،
معتز ،،كيف ما تبيش تحكي معايا
صافي ،،
محمد ،، علي ما انت ذبحت نغير لبستي ونجي
عدا محمد ع السريع غير وجاء
محمد ،، حول يا خلودا تو نسلخ نا
خالد ،، منور والله يا احميدا
رفع محمد الشاه وعلقه وسلخه
خالد ،، اووو سلخت اطباء هذي
وليد ،، يعجبك محمد فالعيد هو احسن واحد يسلخ ويقطع
خالد ،، والله ما نحسابك تسلخ بسرعه طلعت امعلم
محمد ،، ههههههه نعجبك
رن على نجوى ياخلودا خليها اتجي
خالد ،، متقولش تبيها تغسل الدواره
محمد ،، ههههههه خلينا نزلطوها اشوي
خالد ،، عمرها ما غسلتها
محمد ،، كيف صار نا غالي عليا العصبان راء
خالد ،، هههههههه معناها تو تشبع منه
وليد ،، هههههه شكله هازي اخلوده
طلع محمد فونه ورن على نجوى
نا جهزت القهوه ومشيت بيها شور معتز وصافي
وكنت انشوف فيهم اوجوهم شينات شكله في شي
معتز بعد شافني ، صبا وجاء شوري وخدا مني الصفرا
نا ،، انت اكويس
معتز ،، ليش تسألي
نا ،، حسيت ان في شي صاير وملامح وجهك اتبين انك مضايق
معتز ،، مادام انتي جوك تمام معناها جوي تمام
نا ،، دوم ان شاء الله
رديت شور البنات
وصال ،، في اسفنز مش عادي دارته ماما
ويه ،، بعدك اعميمه اتدير فيه ايهبل
نا ،، صح بتاع اعميمه خيال ، تو انقوللها تعطيني السر
وصال ،، بعدك هي ما تحملك بكل
سلمى ،، عيت عمي صالح كلهم ايحبو بيبا من كبيرهم لصغيرهم ، تقول بنتهم
ايمان ،، الحق بيبا تنحب فيها شي يجذب
نا ،، غير كان ايحبني هو بس
نجوى ،، هضا وجي كان ما جاء وقالك انحبك
وصال ،، نعلي نفس احساسي يا جيجي
ايمان ، فونها رن
خالد ،، سلام
ايمان ،، هلا حبيبي
خالد ،، احم وين نجوى
ايمان ،، اهي جنبي كنها
خالد ،، يبيها محمد خليها اتجي لعند السلخانه برا
ايمان ،، كملتو ذبح
خالد ،، من بدري ، ومحمد يبيها تغسل الدواره
ايمان ،، ههههههه والله ماهي غسلتها يحلم شكله
صكرت ايمان من خالد
سلمى،، شن في كنه
ايمان ،، محمد يبي نجوى
نجوى ،، كنه ما رن عليا كنه دز مع خالد ، وكانت خايفه ان يكون فيه شي
وصال ،، عدي شوفي عليش خايفه
سلمى ،، نعليا ملي تحب خويا وخايفه عليه
نجوى ،، ماحتى انتي اتحبي خوي
سلمى،، اول حب وحياتك
نا ،، اووو اعتراف خطير يا سومه
نجوى،، ربي يفرحني بيكم
طلعن البنات عدن شور الصبايا
ونجوى عدت هي ويه اتشوف محمد كنه
نا ،، رقيت فوق شف دانه
شنو تو احسن
دانه ،، الحمدلله اكويسه
نا ،، باهي هيا انزلي وغيري جوك تو تنسي الوجع
دانه،، نمشط اشعري ونغير ونزلو
معتز قمعز امقابله وقال
نا مكنتش قصدي كيف ما انت فهمت نا منبيش حد ايشاركني في #حبيبه ومنبيش حد يقعد حاط عينه عليها نا نقصد الحيوان حسام
بس هي معنديش فيها شك ولو واحد فالميه
وانت مفروض أكثر حد فاهمني وحاس بيا عشان لي صار ، صار قدام اعيونك ، لي صار فيا مش شوي
صح نا راجل وتخطيت الشي لي دارته اميره بس فنفس الوقت نا إنسان وعندي مشاعر واكيد منتمنش الشي لي صار معايا ، يصير مع غيري
أنت تقرأ
حبيبه
ChickLitروايتي هي عبارة عن علاقات أُسريه فقدنها للاسف مع الزمن 💔 هي روايه عائله تروي التلاحم الأسري لي كل شخص يتمنى يكون موجود فوسطه شخصياتها من وحي الخيال وليس لها وجود فالواقع بطلتها #حبيبه🦋 البنت لي كلكم حتحبوها وتحسو بيها وبمعانتها والالم لي عاش م...
