حبيبه

#حبيبه 🦋 83

#حبيبه 🦋
#البارت_الثالث_والثمانون

عمي ابراهيم ،، مرحب مرحب بحبايب جدهم
سلمى ابتسمت
صافي ،، كيف صار ياحاج كلو عليا الجو قطاطيسي
عمي ابراهيم  ،، هضوم حبايب جدهم وبركة حوشي
سلمى ،، بارك الله فيك ياعمي
عمي ابراهيم ،، والله هالتوام خشو قلبي من اول ماريتهم
اعميمه سليمه ،، كل مايخش من برا يسأل عليهم
يوم مرضت ايوب كل اشوي ايقولي رني
سلمى ،، حتى بابا يرن كل اشوي يسأل عليهم وماتريح لعند قتله حرارته انزلت
صافى ،، سبحان الله برا ايوب من هنا امرض أوًاب
تقول حاسين بعضهم
اعميمه ،، اكيد ماهم توام للازم ايحسو بعضهم
واكيد في  نفس الكيس اكانو
سلمى ،، ايام كانو فبطن امهم الله يرحمها كنت انقول فيها لها
قتلها الباين انهم نفس الكيس لانه مشيمتهم وحده
عمي ،، سبحان الله
ماختلفو غير فالون العيون كان هضا انقولو عليهم واحد
صافي ،، قطاطيسي الصقع هضوم
اعميمه ،، صلي على نبيك راء تضرهم
كلهم ،، عليه افضل الصلاة والسلام

سلمى كانت فرحانه ومرتاحه بالحب لي شايفته وحاسه بيه من عيلة صافي
و اولهم صافي لي كان غامر سلمى بالحب هي والعيال
كان ياعامل فيهم كانهم  اولاده من دمه ولحمه (صلبه)
وهضا لي خله سلمى نفسيتها اتريح
......................
معتز ،، كيف لعند توا راقده
ويه وهي منحرجه من معتز ،، لا امبارح قعدت اتقري في حوده لكن نا لي رقدت ونسيت انقوللها اتحل فونها
وبعدها علقت امعه وقبل ماترن انت ارقدت
معتز ،، باهي
سلمى ع الكل
ويه ،، يوصل
معتز ،، ماتوصي على شي
ويه ،، سلامتك
وصكرت منه وعزقت المخده على وجهي
خديت المخده وحضنتها وقعدت متكيه فمرقدي
ومبيتش انتكلم
ويه ،، باهي لعند امتي
هضا من قبل امتحانات حوده
وهو حوده بكره اخرى ماده ويكمل
والراجل مش عارف يوصل فيك لا في ارض ولا فسماء
ويه ،، كنك مضايقه احكي امعه وقوليله ع الشي لي مضايقك
من قبل مايمشي لسوسه
نا  ،،وانتي الصادقه من تخرج وصال
وليلة اسبوع مني نشف ريقه وهو يدز عليا مع عزو
ويه  ،، وباهي شن الحل توا تبي تقعدي هكي لعند امتى
الراجل ايمل منك ويفوتك
نا ،، مع اني عارفه روحي منقدرش انعيش بلاه
بس للازم مانحطله حد
يانقعد نا الماضي والحاضر والمستقبل
ياكل حد يعدي في حاله
على خشت ماما علينا
ماما ،، شنو!!!!
فيش تحكي انتي شكلك انقبلتي انتي
نا ،، نبي نرقد لو سمحتو طفو الضي
ماما ،، لعند امتى تبي تهربي من الكلام معايا
شن دارلك لعند اتقولي هكي
نا ،، ما دار شي
ما دار شي عليش تضغطو عليا عليش
وقعدت نبكي 💔
كنت حاسه بوجع في قلبي لعند واحله ناخد انفسي
معتز ،، كان يشتغل وهو مضايق
حتى اعميمه لاحظت عليه
وبعد تساله ايقوللها ارهاق من العمل
................
ميدو ،، عندي رحلتين وراء بعضهن وبعد انروح ايكون
يوم الاربعين
انشوفك غادي
دانه ،، اكيد انشوفك حبيبي ولا كيف يوم تخرج سولي بعد روحنا من الجامعه معش شفتك
وانت علقت اعمال
ميدو ،، والله قعدت مع الشباب وخشيت مرتين ماشفتكش مبيتش انكثر في صبايا برنيات وع الفجر كان عندي رحله كيف ماانتي عارفه
دانه، ، بس مزلت امرايفه عليك حتى لو تكلم فيا فيديو
ميدو ،، متشبعيش مني انتي
دانه ،، همم توتو اممم
ميدو ،، شن نفهم من الإيمات هذين
دانه ،، يعني
ميدو ،، امم يعني
دانه ،، يعني
ميدو ،، يعني
دانه ،، نحبككككككككك
ميدو ،، ااااااااه منك انتي حبيبتي وربي وربي حبيبتي
دانه  ابتسمت وخدودها وردن
ميدو ،، نحب انشوف اخدودك بعد ايوردن  وضحكتك لي تذغدلي فقلبي وعيونك لي يصغرن و ايردلي فروحي بلونهن
من الاخير انحب كل شي فيكي
دانه ،، هيا تعال خلاص
ميدو، ، والله نا لي نبيها الجيه
هانت حبيبتي هانت
دانه ،، ان شاءالله
......................
محمد ،، شنو مزلتي
نجوى، ، هههههه يعني زعميته انت مهني روحك
محمد ،، مش كيف ياحبي
توا هضا كله من برا
لكن بعد انجو للتنفيذ ان شاءالله نخليكي تحملي من اول يوم
نجوى ،، واك عليا ياكلا نحمل نا مني ومعش رقدت معها لابال يقعدو اثنين
محمد ،، ردي بالك حبيبتي اتجربي تاخدي مانع ولا تديري اللبز لي يديرن فيه الصبايا
نجوى ،، معناها انت تحكي من جدك وتبيني نحمل اخرى
محمد ،، نكذب عليكي كان قتلك لا
بس فنفس الوقت مش ناسي تعبك ولا ناسي مشروعك لي تخرج
خلي موضوع الحمل شوري نا
بس اسمعي مش واجد راء
نجوى ،، سنه واحده بس
محمد ،، اين سنه حرام عليكي
كلها كلها بالكثير ثلاث اشهور وبعدها والله ماعاد فيها نبي عيل ولا بنيه سمحه كيفك اخرى وحضنها وقعد ايبوس فيها من رقبتها
نجوى ،، اضحك عليا
محمد ،، تي ينعلي منك انتي
والله ماينشبع منك ولا من الفروخ لي تجيبلي فيهم
نجوى ،، هههي😳
فتح كرعيه وكرها شوره وصكر عليها بكرعيه
وحضنها
والله ما نمل منك ولا من هرجتك نحب نسمع صوتك ونحب انشوف اعويناتك لي سحرني من اول من ماشفتهن
نجوى ،، يعني مش طول لساني
محمد ،، نعلي منه حتى هو
نجوى ،، خبطته على كراعه ياسيف
محمد ،، حلالي
نجوى ،، تعرف كان فخاطري انديرلك جو بعد انربعن
محمد ،، وديري من ماسك ليش اتخليه فخاطرك
نجوى ،، ماتجيش عشان مني الله يرحمها
محمد ،، الله يرحمها وتنهد
نجوى  ،، حضنت محمد لانها هي كانت اكثر وحده عارفه لي صار فيه بعد وفاتها وكيف معش قعد يرقد وكيف كان كل مايمسك مني بنته ينهار
محمد ،، وهو دموعه ماليات وجه
مني موتها يقهر فيا كل مانشوف سيما 🌸 ونا خاش للحوش نذكر مني ونلوم يوسف ونعذره فنفس الوقت
كيف قدر ادخلي اعياله ويسافر
وبعد انبحت فيكي نقول عنده الحق
نجوى حطت ايديها على وجه وقعدت تمسحله فدموعه باصباعها الابهام 
محمد كان يقولي ان يعشقها مكنش ايتحشم مني
سكت محمد وردت بيه الذاكره للسنين فاتن
فلاش باك 💫💫
يوسف تي قوللها والله ما في ابيات
محمد ،، غير خليها ياراجل حتى نحن مرايفين عليها
يوسف ،، يوم مايبدش الا بيها
اختك للازم مانبوس راسها قبل مانفتح اعيوني عشان هي بركة حياتي
محمد ،، باهي باهي فهمنا
اهي قاعده فجنبي تو انقوللها
يوسف ،،  صبي افتح الباب نا وصلت خلاص
محمد ،، هههههه وصكر الفون عليها
مني ،، شن قالك
محمد ،، قاعد برا جاء
مني ،، واك عليش جاء مزالت مرايفه عليكم لي اشهرين ما حقيتكم
محمد  ،، خلاص بعد جاء عيب اترديه
ماما ،، صبي البسي وطلعي ادبشك
مني ،، والله عرفته ونا نوتي في دبشي قالي عليش ماكثرته
وقعد يضحك
سلمى ،، عارف روحه مش حيخليكي تباتي
مني ،، ونحن برا انقوله رايفت ايقولي تو انشيلك لهم لين تشبعي منهم بعد انروحو
ويه ،، كان نا ايشلوني لندن ننساكم بكل مش انرايف عليكم
نا  ،،انتي بياعه مش كيف مني
ماما ، ، هههههه صار تنسيانا باهي باهي
سلمى ،، هذي ابيوع ياماما
ماما ،، درجه اوله
ويه ،، مع مرتبة الشرف
يوسف ،، والله ماخشيت للحوش
محمد ،، وخشه حوشك من ماسكك عليه
يوسف ،، بلا نوارته مستحيل انخشه ولا نقعد فيه
محمد ،، غير ريحنا
يوسف ،، والله مانك عارف صاحبك شن ساير فيه
تي نعشقها بنت القاضي
محمد خبطه بوني على كتفه تي لم روحك ياراجل
يوسف ،، ان شاءالله تحب كيفي ويسير فيك لي ساير فيا وتجيني تبكي وتشكي من الحب
محمد ،، والله ما عرفتك
يوسف حط صبع يدا اليمين على رسغ يدا اليسار من جوا وين مافي النبض
وقال وهو يخبط فصبعه على مكان النبض وهو يقول
سلمى مش بس الدم لي يجري جوا لا لا هي النبض لي يخلي فيه ايتحرك هي الروح لي بيها عايش
محمد ،، اوووووو
لا خلاص معناها معش نحكي
يوسف يبي يتكلم شاف مني وهي طالعه عليهم مع ماما
قدم شورهم يجري وخدا منها الشنطه وحطها فالارض وقدم شور ماما سلم عليها وكب على راسه ويدها
ماما ،، الله يربحك
محمد ،، احم
يوسف  برم ايبحت فيه وهو مبتسم
شكله ايغار الاخ على امه
مني قربت من محمد ومسكت فيده وضحكت
يوسف باهي لي شفنا سنونك
محمد ،، رد بالك اتزعل مني راء بعدها ناخدوها عندنا
يوسف ،، معناها تحملوني حتى نا معها
ماما   ،، ربي يهنيكم ان شاءالله ومايفرق بينكم
يوسف ،، هضا الكلام لي نحبو نسمعوه
مش ناخدوها منك وقعد يقلد في محمد
محمد ،، هههههههه
باهي باهي
يوسف ،، توصي على شي ياعمتي
ماما  ،، سلامتك بس
طبس يوسف خدا الشنطه وعدا شور مني لي كانت ماسكه فيد محمد وقاللها هيا ومد يدا لها
مني انحرجت من محمد لي كانت ماسكه في دراعه
وبحتت في
محمد  قاللها
عدي وردي بالك من روحك  وكان زعلك كلميني
ماما ،، 😳
مني  بحتت في محمد وقالتله
ربي يدومك لي سند طول العمر ولا يحرمني منك وامسكت في يدا يوسف
وعدت معه
........
الوقت الحاضر ٠🍀🍀
نجوى ،، وين رحت
محمد ،، في مني الله يرحمها لي عدت بسرعه
نجوى ،، الله يرحمها اهو مزال كم يوم وتصكر  40 يوم
...........................
ثاني يوم بعد الغداء
وقدام لمة عالة الشاهي (لعداله) لي كانت تجمع فالعيله جنبها ويستمتعو بالهدرزه يالاها وبلمة العيله
اعميمه سليمه ،، شن رايكم وهي تمد فطاسة الشاهي المرغويه للحاج هو الاول
عمي ابراهيم وهو ياخد فيها منها وعيونه ع الطاسه لي شكلها يشهي ،، نا راي من رايك
خالد معناها نمشو لمزرعة سيدي خليفه
ايمان وهي تاخد فطاستها من اعميمه  ،، بس خالتي مريم مستحيل توافق انها تمشي معانا لعند سيدي خليفه
اعميمه سليمه ،، نخلو سلمى تقنعها
خالد  بعد ما كمل شاهيه وقعد راسه،، شن رايكم فمزرعه الحاج عبدالرحيم لي هنا
منها العيله كلها تمشي ولي يبي يروح لحوشه فاليل يروح
اعميمه سليمه وايمان ،، والله فكره
خالد بحت في امه ومراته لي حكن مع بعضهن وابتسم
وعمي انتبه عليه
وقاله
مدام الحكومات اتفقن معناها موضوعك فالسليم يافندي
خالد ،،  ههههه ان شاءالله وهضا لي نبوه نحن
اعميمه ،، حكومة شنو
ان شاءالله غير ما ساير شي فالبلاد
خالد وهو يضحك ،، لا طمني الوضع متريح والامن متمكن ان شاءالله
اعميمه ،، ربي يحفظ ابلادنا و اولادنا ويبعد عنها كل ماناوي خرابها وكل من نيته مصلحة روحه على احساب
ابلاده واولادها ، خير واجد لي عشناه فالسنين الاخيره
عمى ،، ربي يفرج وخلاص
كلهم وباصوات متقطعه، ، امين  ، ان شاءالله
خلوني انرن ع الحاج عبدالرحيم وندق الحديد وهو ساخن
ايمان ،، خالي مسافر راء
لانه سمعته بعد كلم ميدو ع ويسال فيه على موعد الطياره امتى
خالد ،، قصدك ماشي وراد
ايمان ،، والله ماني عارفه بس .
اول امس  بعد جاء يشوف فماما رن على ميدو ورحلته كانت على فجر امس 
خالد ،، لا معتقدش ايطول
اعميمه خلاص معناها راجوه لين ايرد وكلمه ياحاج بعد اتلاقو فالاربعين
ونا تو نبدء انوتي فحاجه العزومه من توا
عمي ،، خلي مني تكتبلك كل شي تبنا ونا تو انعدي انجيبه كله
ماواحد ايشاركني فعزومه احفادي ٠💙💙