حبيبه

حبيبه🦋 3

#البارت الثالث

#حبيبه
#البارت3

خشينا كلنا جو وكل وحده فينا كان قلبها مشغول بشخص من لي كانو واقفين معانا
والشباب كانو نفس الشي ساير فيهم ماعدا معتز💔لانه قلبه مكانش شايف غير اميره لي شاغله تفكيره
ليش كل ما يرن عليها يلقاها مشغول والمشكله انه ساره اخته مكانش معاها فون لانه متبيش اتكلم خطيبها (زوجها) .
صافي..يا معتز معتز اوي  ياc ... كنك ماترد يا راجل لي ساعه نادي فيك وانت راسك اقريب تحشيه بالتلفون

معتز ....ياراء قريب ننجن اميره كل مانرن عليها مشغول
وساره مش شايله تلفونها
الصافي ....يا راجل قتلك فوت امها البنت هذي مخشتش راسي
معتز ..بحت في الصافي بنظره وقال غم فمك ومتخلينش نزاعلو
الصافي ...وهو مش عاجبه الوضع قال المعتز السياره جاهزه
ونا ماشي للشباب وعدا وسيب معتز يغلي ابروحه

وليد ..كان امقمعز مع الشباب وكل تفكيره في ايه كيف كابره  ومحلوه .بحكم ان هو طول الوقت فالشغل فمايشوفش فيها وهي ديما تقرأ
محمد خ ..يعني محمد خوي
كان مقمعز ومبتسم الصافي نغز خالد خوه وشير على محمد خ وضحكو فطلهم وليد تمى يضحك امعاهم
سالم .شن في يا شباب ضحكوني معاكم وهو كان طالع من مربوعه الخارجيه
الصافي ...شوف المفيك هضا طول ماهو امقمعز وهو يبتسم

محمد خ ....عدي يا ... ما لقيت إلا نا تضحك عليا وصبا من مكانه راقيتله ان الشباب فطنوله وفنفس الوقت ارتبك لانه خاف يسالو شن في
وهو يفكر في اختهم(نجوي )  لي خدت عقله وقلبه بحركتها وهذي كانت اول مره محمد قلبه يتحرك مع انه قرأ فالجامعه وتو يشتغل فمستشفى خاص والبنات لي يمرن عليه واجدات

محمد ولد عمتي لي هو( ميدو) عشان متلخبطنش
ميدو ...شنو يا شباب برمتو على حاجة الفرقه

سالم كون هاني ياغالي اول شي تمينا فيه نا وخالد كان هضا ايمان ونجوى يموتن .كان ما حجزنا في فرقه راء كلن روسنا

محمد خ ...بحت في سالم وهو يحكي وكلم معتز قاله وينك يا رأس بروحك اتحوس ان شاءالله خير
معتز ...الخير انت فيه

الضيوف بدو يوصلو اول بأول
ونحن كل وحده فينا تكمل في حاجتها خشت ماما وجها شين .🥺
نا.. كنك ياماما شن في كنه وجهك اصفر   
ماما متبيش تحكي وقالت اكيد من القعده مع الطباخه
نا قلبي مريحنيش
سلمى ..قالتلها هيا تو نخش امعاكي نا للحمام حشاكم مرات اتطيحي
ماما لا مافيا شي غير وتلي لبستي وحاجه مريحه نلبسها فكرعيا
خشت ماما اتدوش ونا طلعتلها دراعه خليجيه حلوه والشوز طبي بتاعها
وكملنا لبس كلنا وحتى ماما جهزت وتمن البنات يطلعن. اعميمه نجاة لبسة دراعه خليجيه فخمه بكل ولبسة ذهبها وكانت دايره تسريحه ماشيه مع عمرها ومكياج حلو وهادي    

الفرقه قاعده تجهز في نفسها والصالة امتلت بالضيوف

نا ..كنت لابسه فستان ازرق ملكي فيه جزء بالأسود نفس الصوره كان سمبل والشوز امحليه  
وايه كانت لابسه فستان اسود فيها شغل وتطريز الأزرق نفس الصوره والبنات كلهن كل وحده احلى من الاخرى كلنا طلعنا حلوات
اميره كانت لابسه فستان احمر فلوس وفيه ذيل ودايره فلو لشعرها مكنتش طالعه حلوه ع قد ما فستانها كان فخم وحلو
طبعآ معتز هو لي عدا جابهن بعد رنت عليه اميره ونفصل عليها ليش مشغول طول الوقت ...يتبع