#حبيبه 🦋
#البارت الخامس والستون
نا ،، ليش ما تردي عليه
نجوى ،، ليش !!
عشان خوكي ميبيش وحده زيي تتحمله وتتحمل لي يدير فيه
نا لمه كنت فحوش هلي مكنتش نسكت لحد
ونا عشان محمد رضيت بكل شي
لو وحده غيري راء متحملتش
ثلاث اشهور فالمانيا وتو شهر فمصراته
يعني اربع اشهور ونا متحمله لي متحملش اي عروس
نا حوشي لتوا مزلت ما خشيته
نا شهر العسل بتاعي مكملتش
وكل شي صار قلت عادي
لكن ايفوتني وميسالش فيا شهر هك واجد يا#حبيبه
نا بعد ماما تسالني عليه نقوللها طيب
لم عدا بوليد المصراته وقالتها سومه انصدمت ونحرجت لاني نا زوجته معنديش علم
يعني لو صافي مش امعاه كنا معلمتهش ولا كيف
وصل غادي ومكلمنيش حصل عمل فالمستشفى وقلت عادي عشان ميقعدش هك لكن ميسالش عليا لا لعند هنا وستوب
نا ،، مش عارفه شن نقولك
بس انتي عارفه وضع وليد وعشان هك محمد اطر ايسافر
نجوى ،، والله ماني قايله حاجه بس ليش الاهمال وعدم المبلاء ليش يابيبا
وقعدت تبكي
نا وجعتني وقربت منها حضنتها
............
محمد ،، كان خاش على عمليه مع الدكتور ايوب وكان متوتر وزاد موضوع نجوى وتره اخرى
حس الدكتور ايوب بمحمد
د ايوب ،، لو تعبان تقدر تطلع
مفش مشكله
محمد ،، لا متدورش الامور تمام
د ايوب ،، وجهك مرهق وباين عليك .
محمد ،، لو في شي كنت قتلك
....... .
ويه ،، ههههههه
الله يعطيكي الخير
مني ،، ماله شنو خلي يتمرمر حتى هو
ولا غير نا نتمرمر منه ومنلي فبطني
سلمى ،، مزلتي مصره انك متعرفيش جنس البيبيات
مني ،، لا لا منبيش نعرف
وصال ،، انت الوحيده لي عارفه ياسومه
سلمى ،، ههههه اكيد ورقصت حواجبها
ويه ،، باهي قوليلنا نحن عشان نعرفو شن ناخدولهم
مني ،، ريحي جمالك انتي وبعدين منبوش منك هديه توا
أنت تقرأ
حبيبه
Chick-Litروايتي هي عبارة عن علاقات أُسريه فقدنها للاسف مع الزمن 💔 هي روايه عائله تروي التلاحم الأسري لي كل شخص يتمنى يكون موجود فوسطه شخصياتها من وحي الخيال وليس لها وجود فالواقع بطلتها #حبيبه🦋 البنت لي كلكم حتحبوها وتحسو بيها وبمعانتها والالم لي عاش م...
