حبيبه

#حبيبه 🦋 27

#البارت السابع والعشرون

وصال ،، هذي كنها تلحق فينا بعيونها
نا ،، فوتيها شكلها فخاطرها مشكله
قعدت نا وسولي انتفرجو على الاصور وكانن عندي صور واجدات مع معتز
نا ،، امتى لحقتي اتصوري هضا كله
وصال، ، كل ما نشوفك امعاه انصورك وسبحان الله يطلعن حلوات
نا ،، على قيس نيتي
وصال ،، واللهِ صح

محمد ،، خدا نجوى وعدا هو وياها ع الشط
محمد ،، شنو حبيبي تحشمتي
نجوي ،، ما ميدو سامط بكل ويقعد مركز امعانا
محمد ،، والله بعد ايركب ع الواحد يكرهه فروحه
نجوى ،، هههههه وعاد انت ما تعرف تصيع غير قدامه
محمد ،، نا معش نقدر انتحملك
نجوى ،، ونا نعشقك
محمد ،، نتعب معاكي
نجوى ،، نموت فيك
محمد ،، باهي شن رايك انخشو للبحر مع بعضنا
نجوى ،، نغير لبستي ونجيك
محمد ،، باهي متطوليش عليا

اعميمه نجاة ،، كنك يا ساره انحس فيكي جوك شين
ساره ،، لا ابدآ
اعميمه نجاة ،، باهي كنه وجهك اصفر
ساره ،، بلكي عندي هبوط ، كلمت سلمى بعد انروحو تو نمشيلها فالعياده
اعميمه ،، رد بالك من روحك ، راكي مزلتي عروس
ساره ،، عيد زواجي مزال عليه اسبوعين اين عروس
اعميمه ،، عروس لعند اتجيبي
ساره ،، ان شاءالله انتي بس ادعيلي
اعميمه ،، نا ديما ندعيلك

معتز ،، خش للمطبخ يسال كان يبي يشوف كان في حاجه ناقصه
سلام
اعميمه فاطمه ،، هلا بغلا خالته
نا ،، يعيني
اعميمه فاطمه ،، كيف صار يابيبا تغاري من معتز
نا فعقلي ،، (هضا غلايا نا بس ) ، ضحكت
معتز ،، تعجبني حتى بسمتها الخجوله، اكيد اتغار
اعميمه ،، عليك ولا عليا
معتز ،، خليها هي لي اتجواب
نا ،، انت عليش خاش هنا
معتز ،، كيف سئوال بسئوال
نا ،، لا بس استغربت
معتز ،، بنظره تقتل ، جاي انشوف في حاجه ناقصه انجيبها لكم
اعميمه ،، سلامتك بس ، مشفتش لعيال ياعزو
معتز ،، يلعب برا ع العاب ، وانتي فيش اتديري
نا ،، تشيز كيك 🍰
معتز ،، اوووووو بعدك نحبها
اعميمه فاطمه ،، شورها الحلو بيبا ، نشوف لعيال ونجي
طلعت اعميمه ونا ارتكبت لان معتز اعيونه معايا
معتز ،، سألتها فيش اتدير وكريت الكرسي قمعزت امقابلها وهي اتدير فالحلو حسيت بيها مرتبكه بس هك نبي نقعد قريب منها
معتز ،، مازال عندي الطلب الثاني
نا ،، ييي صح انسيته بكل
معتز ،، انقوله وما تردينش اكيد
نا ،، قول ولو فيدي منردكش
ساره ،، كيف صار معتز فالمطبخ 😒
معتز ،، اوووو ساره شن جوك
ساره ،، تمام ، وفتحت الثلاجه خدت منها عصير وحطته ع الطاوله وقمعزت ، بيبا عطيني طاسه انصب فيها
نا ، برمت وجي انبحت فيها ، بس معتز صبا وقاللها تو انجيبلك نا ، متشوفيش فيها تشتغل
ساره ،، باهي هيا اطلع معايا ، وصبت حتى هي
نا ،، كنت مكمله الطجين الثاني ، عديت شور الثلاجه وحطيته وطلعت قبلهم ، وسيبت كل حاجه حايسه كيف ماهي
معتز ،، بحت فيا ونا طالعه وغامه عندي
نا ،، ازي الحيوانه هذ ، قابلتني ايمان ونا كنت انتمتم
ايمان ،، كنك يابيبا تحكي ابروحك وعلى من اتخززي
نا ،، حولي يامني خليني نطلع
ايمان ،، غير تعالي من من
طلعت للجنان برا ولحقتني ايمان
قمعز تحت الشمسيه ع الكرسي وقعدت ساكته
ايمان ،، والله كنك شن في
نا ،، اختك من اول ما جت وهي مش طبيعيه معايا
ايمان ،، قصدك من ساره
نا ،، دمعتي نزلت
ايمان قمعزت على اركبها قدامي ، ياهبله تبكي
دانه ،، جت شورنا كنها بيبا
ايمان ،، مضايقه اشوي
دانه ،، متقوليش من ساره
ايمان ،، كيف كلكن عندكن علم ، كنها هذي
دانه ،، كل ما تشوف بيبا مع معتز ، تقعد اتفنص و تطنش عليها
ايمان ،، فوتيها
نا ،، حتى نا فيتتها المريضه ، شفت معتز طالع من جوا ويبحت فيا ونا مع البنات بس مجش شورنا ولا تكلم
ايمان ،، باهي تعالي خشي
نا ،، هيا
مشيت نا ودانه وايمان ورقين البنات فوق ونا عديت للمطبخ عشان نغسل لي سيبته بس لقيت اعميمه فاطمه تغسل فيهن
نا ،، حولي يااعميمه تو نغسلهن نا
اعميمه ،، مش واجدات خليهن عنك
نا ،، جيت حضنتها من لاوراء وبستها
خشت علينا ماما ، ربي يدوم المحبه بينكن
نا ،، عديت شورها وبستها ويخليكي لنا ياعيوني انتي
ماما ،، ليش ماتساعدي فعمتك وانتي امصبيه وخلاص
اعميمه ،، مني نا قتلها تريحي
ماما ،، مازالت اصغيره ع الراحه
نا ،، نجيلي اعميمه لي تريح فيا
ماما ،، ان شاءالله
نا ،، نبي نرقى فوق ما تبن شي
ماما واعميمه ،، سلامتك