#البارت الواحد والثلاثون
معتز خدا مني الصفرا وقالي لعقبالنا وهنا سمعتنا اعميمه نجاة وقعدت اتزغرت
نا نحرجت منها وهي جت حضنتني وقالت لماما ما نلقى خير منها بنيت خوي
ايمان ،، هالنهار عليه اندور
اعميمه نجاة ،، هالنهار ربيع امنور
اعميمه فاطمه ،، هالنهار تمنيته طلب العالي ولقيته
ومن هنا صبايا العيله عرفن ان معتز يبيني
خشينا جو فجنب سولي لعد كملنا الضيفه بتاع الرجاله
وبدينا فيها زغاريت وكشك
احمد ،، دزيتلك مصوراتيه
وصال ،، حبيبي انت
احمد ،، كلمت وليد توا عشان ميصيرش احراج وقتله شوري
وصال ،، عليش الاحراج
احمد ،، حتى نا نبي نجي انشوفك ونصور امعاكي
وصال ،، باهي شن قالك
احمد ،، قالي تفضل
وصال ،، معناها نقعد بالعربي وانت شن لابس
احمد ،، لابست زبون نا واصحابي ومصعب خوي
وصال ،، تمام حبيبي نستنى فيك
عدو الرجاله بتاعين الفاتحه والضيوف اطلعو
ونحن قعدنا نغسلو في القزاز ونردو فيه لمكانه
وصال شنو كملتن
ويه ،، اشوي بس مازال كنك
وصال ،، احمد يبي ايجيني وهذي اول مره ايجيني هنا
سلمى ،، باهي عليش مرتبكه انتي ، عادي يسلم عليكي وبعدي
ايمان ،، تو نكلم خالد كان مافي حد براني نبرمو ع المربوعه قبل ما يجي
وصال ،، باهي معناها عدي شوفيه
وليد ،، يا دانه دانه
دانه ،، عدي انتي يا ويه فكيني منه
ويه ،، هيا تو انشوفه ،
طلعت ويه على وليد كنك شن في
وليد ،، العقبه لنا ياعمري
ويه ،، ان شاءالله حبيبي
وليد ،، كان ترضي انتي بس نقرها من بكره
ويه ،، ههههه عارفتك اتديرها
وليد ،، قبل قلت للمأذون اقرلي فاتحتي حتى نا على بنت عمي
ويه ،، رد بالك كنك انت
وليد ،، كيف يا ويه ماتبيهش
ويه ،، نبيك اكيد ونحبك بس نا وانت اتفقنا متخليش الاوهام يخشن راسك
وليد ،، باهي امسكي هذا لوصال دزه احمد لها
ويه ،، خدت من بوكس
وهو حط الاثنين الاخرات ع الطاوله وطلع
كان احمد دايره بوكسات لوصال عشان الفاتحه
فيهن تورته و كيك راقي بكل ونوع حلو
وصفرة تمر وجو
نا ،، نعلي كل شي ايهبل يا سولي
وصال ،، مقاليش عليهن
نا ،، احمد ديما حاجته دوق لي يجيبلك فيهن
ويه ،، تعالن خوذن هذا
نسمه بنت خالتة وصال ،، هيا هيا
ويه ،، لا تريحي انتي مفش داعي اتصبي
وليد كان قاعد وراها يسمع فيها
نسمه ،، نا طالعه ناخد من اودي مصبي وراكي
ويه ،، حطت لي فيدها لوطه وبرمت اتبحت في
وليد وبنت خالته لي تجعون
نسمه ،، خيرات يااودي وينك مش باين
وليد ،، اهلين ، قاعد والله
ويه ،، حطت ايديها في خصرها ومصبيا اتشوف فيهم
نسمه ،، والله امرايفه عليك وبعد قالو انت برا قلت انسلم عليك
وليد ،، شاف ويه كيف اتبحت وعرف انها رقيتلها منه
بارك الله فيكي
ويه ،، وليد
وليد ،، نعم
ويه ،، خلي الشيخ يقرالكم فاتحتكم بالمره ، وخشت وسيبتا
وليد ،، زكري عليك قصه
نسمه ،، قصدك غارت
وليد ،، والله ما وقتك بكل خودي الحاجه وخشي
وقعد ايرن على ويه لي مكنتش اترد وبعدها تماء مقفل
أنت تقرأ
حبيبه
ChickLitروايتي هي عبارة عن علاقات أُسريه فقدنها للاسف مع الزمن 💔 هي روايه عائله تروي التلاحم الأسري لي كل شخص يتمنى يكون موجود فوسطه شخصياتها من وحي الخيال وليس لها وجود فالواقع بطلتها #حبيبه🦋 البنت لي كلكم حتحبوها وتحسو بيها وبمعانتها والالم لي عاش م...
