حبيبه

#حبيبه 🦋 34

#البارت الرابع والثلاثون

مصعب ،، ماشاءالله
احمد ،، بنات الحاج عبدالرحيم
وصال ،، خوات الدكتور محمد الفلاني اكيد تعرفه
مصعب ،، قصدك محمد الفلاني خوهن
وصال ،، اها ولد عمي خو باتي
مصعب ،، لا اوكي نبي اناسبكم حتى نا
احمد ،، صكر السبيكر عدي اقلب وجهك وانت فتحت لي ميعاد
مصعب ،، غير خشلنا واسطة خير مع انسابتك
وصال ،، حرام عليك اتلز فيه
احمد ،، عارفه ابصارته واجد
وصال ،، كيف ميدو ولد عمتي متعرفش ايهدرز جد ولا ايبصر من كثر ما دمه خفيف
احمد ،، تعرفي تغيري الاسطونه ولا نطلعلك من الفون
وصال ،، لا نعرف

صافي ،، ايوه دكتورتي وينك
سلمى ،، عندي حالة ولادة قاعده فالقسم
صافي ،، يعني امطوله
سلمى ،، ههههه الله اعلم
صافي ،، تمام نطق مشوار ونرد عليكي
سلمى ،، تمام صكر صكر
صافي ،، هههههه كيف صار جابت
سلمى ،، حطت الفون في جيبها من دون ما تصكر الخط
هيا ياماما اهو الراس بأن عليا خودي نفس وادحمي بس
المريضه ،، اها وتصكها عيطه بعلو حسها 😱
صافي ،، سمع اعياط الوليه صكر طول

سلمى ،، لا متعيطيش هكي تدهشي وتتعبي وتضري البيبي
نفس وادحمي بس
هيا خودي نفس
تمام ادحمي اخرى بس اقوى
وتمت سلمى معها وتساعد فيها لعند سلمت الام والبيبي
سلمى ،، الف الحمد لله ع سلامتك

محمد ،، طلع من المستشفى وجاء عشان ياخدني
وصال ،، ازي عليكي يابيبا اقعدي اليوم بس
نا ،، والله ما فيها منقدرش سامحيني المره هذي يا سولي
وصال ،، تمام بس خليكي مذكراتها
نا ،، والله ما تزعلي مني بس منقدرش نقعد امعاهن ونسيب اختي وسلمى عندهم عمل متروحش اليوم إلا مع الثمانين
دانه ،، خليها صح ويه وحدها
نا ،، سلمت عليهن وطلعت لقيت محمد هو وليد برا
وليد اول ماشافني نزل من السياره عشان نا نركب مكانه
محمد ،، ماتوصي على شي
وليد ،، سلامتك بس
نا ،، مبيتش انبحت فيه بكل

وليد ،، اوف منك يا ويه 💔

حوده ،، ويه يا ويه وينك
ويه ،، هنا قاعده في دار محمد
حوده ،، فيش اتديري هنا ، محمد ما يحب حد يخشلها داره
ويه ،، قلت ناخد الدبش لي يبي غسل
حوده ،، باهي تعالي جبت معايا غداء
ويه ،، هيا هيا نطفي الضي ونلحقك ، رن على محمد شوفه وين
حوده ،، اقريب يوصل هو وبيبا
ويه ،، بيبا روحت قصدك
حوده ،، اها جايه معه

معتز ،، كان في الشغل رن عليه وليد
معتز ،، ايوه وليد
وليد ،، مرحبا عزو
معتز ،، تمام والله انت كيف حالك وشن جو خالي
وليد ،، تمام الحمدلله
معتز ،، ان شاءالله خير شن في متصل مش عادتك
وليد ،، نرن على ميدو مقفل كيف مازال ما روح
معتز ،، اها والله كيف مش عارف رحلته امتى انت
وليد ،، لا والله ماشفتش قبل ما يطلع المره هذي
معتز ،، كان نقدرو نخدموك ادلل صوتك مش عاجبني
وليد ،، مافي شي ماتشغلش راسك
معتز ،، مر عليا فليل
ولا شن رايك انتلاقو بعد العصر عند محمد
وليد ،، تمام انشوف وضعي ونرد عليك
وليد ،، كان ايتريح فالحكي مع ميدو بحكم انهم عاشو مع بعضهم ايام الدراسه فالاردن
وهم أقرب لبعضهم من باقي الشباب
وليد كان حايس ومش عارف كيف يصرف من ناحيه واجعته بنت خالته لي حس انها منبوده من البنات ومن العيله صح كيف ما قالت
ومن ناحيه ويه وزعلها والحزن لي باين عليها وحبه لها لي تعبه وقهر 💔
وليد فكر ان ياخد اجازه من العمل ويمشي يقعد فتره بعيد منهم لكن مش عارف كيف يصرف