حبيبه

#حبيبه 🦋85

#حبيبه🦋
#البارت_الخامس_والثامنون
ويه ،، اول مايطلعن النتائج كلمني
وليد   ،، حاضر
هيا سلام توا
ميدو وهو يسوق بحت في وليد وضحك
وليد   ،، هضا عاشر فون منها
من اول ماعرفتنا طالعين وهي ترن
ميدو   ،، خايفه عليك ياراجل
وفسره ونا خوفي عليك مش اقل منها يارفيقي وخوي
وليد ،، اوي وين رحت
نحكي معاك لي ساعه وانت رايح
اطمن اول ما نروحو تو نكلملك الشايب
ميدو مسك افرينو ودرس السياره في نص الطريق
وليد ،، اطلع يلعن شكلك وشكل لي يناسبك
السيارات وراهم قعدن ايدرسن واصحاب السيارات ايسبو  فيهم
ميدو ،، يعني تم
وليد ،، هههههه
والله ورقبتك وطاحت عندي
ميدو ،، تي طايح كلي نا
مغير ارقبتي لي طاحت
باللهي قولي هي لك
وليد ،، تعرف كان ماني عارفك وعارف نيتك
كنت طلعت اعيونك وما عطيتها لك
ميدو ،، راك مجرب قبلي بلا مكر ودناسه
وليد ،، ههههههه هيا هيا راك فطريق رئيسيه
درست عليهم سياره امروحه من امغرب 
ونزل عليهم الراجل لي عرف سيارتهم بعد شافها اموقفه فنص الطريق
دق على قزاز السياره
نزل وليد القزاز لي جنبه وميدو نفس الشي
الراجل ،، ان شاءالله خير ياشباب
العم خليل ،، اوووووو وليد ميدو
ميدو ،، مرحبا بالشايب الطيب
العم خليل سلم عليهم وضحك على كلمة ميدو له
(الشايب الطيب)
شنو ان شاءالله غير مش عاطله بيكم السياره
ميدو ،، لا اطمن مافي الا الخير
العم خليل دوم ان شاءالله
وليد ،، وين اجدابيا اماله
العم خليل ،، والله هضا الجيه وقلت للازم نمشي للحاج انعزيه ماكنتش قاعد وكلمته بالفون
وليد ،، معناها مزلت قاعد
العم خليل ،، يومين ومروح
بالمره انشوف اختى اكيد تعرفوهم
عمكم مختار جار الحاج
وليد قصدك العم مختار نسيبك
العم خليل ،، صح نسيبي
وليد سبحان الله ع الدنيا قديش اصغيره
العم خليل ،، وين مصراته
وليد ،، مصراته ان شاءالله
العم خليل ،، ردو بالكم من الطريق توا لاقني حاذث شين
الشباب ،، لا حوله ولا قوة الا بالله
ماتوصي على شي
العم خليل ،، سلامتكم
رد العم خليل ركب في سيارته
وميدو شغل السياره وطلع وهو مش سايعته الفرحه
من كلام وليد له
كان ايسوق هو ومبتسم وحاسس ان الدنيا كلها زهيتله
كان وليد يكسر في عينه مره مره شوره
وكل مايبحت فيه يلقى مبتسم
وليد بينه وبين روحه (ربي يدوم عليك فرحتك)
.................
اعميمه جميله ،، والله يامريم متحشمه منك
ماما ،، معندك ليش متحشمه هذي سنة الحياة
بعدين الراجل كيف ماسمعت من محمد اجل واجد واستنى وصبر عشانا
اعميمه جميله بااستغراب محمد من قاله
ماما ،، ماهو صاحب خو خطيب وصال
اعميمه لا معرفتش
الحاجه ود يبقى ولد ولدها
ويه وهي اتمد فالقهوه
مصعب مدير شيماء ٤العمل  خو احمد خطيب وصال وصاحب سامي
اعميمه جميله وهي تاخد في فنجانها وتشرب منه اشوي ارفعت حاجبها وقالت كلا الدنيا هذي مافي اصغر منها
ماما ،، ايوه الله
اسمعي مني وطلعي فرح بنتك وافرحي وخلي بنتك
تفرح وخواتها يفرحلها
مايجيش عشان نحن حزانه العرب كلها تحزن
وبعدين حتى وصال الراجل له فتره ايراجي فيها ونا بعد اتجيني الحاجه نبي انقوللها حددو فرحكم
ويه، ، وصال قالت بعد اتصكر مني اقل شي 6اشهور بيش ايفكر ايجي ايحدد
ماما ،، ياكلا سته اشهور
بنت عمكن عمرها ما قصرت امعاكن والراجل صبا معنا فالعزاء يحلف محمد قالي اتقول الا واحد منا ومن عيلتنا كيف هو كيف مصعب
ماسيبوش محمد بكل وجابو تعزيه والحاج احمد جاب عشاء كامل
اعميمه جميله ، ، بارك الله فيهم
.....................
ساره كان اغلب وقتها مشاكل مع مصطفي لي مش متحمل منها كلمه
وهي مش طايقه اميره لي قاعده معها
ومش عارفه تصرف مع مصطفى لانها قاعده معاهم وغامه على  نفسها
وحتى بعد قالت قدام مصطفى تو نقوللها اتعدي عشان امضايقتك قاللها مش نا لي نلز ضيفي
ومنديرش كيفك يوم لي طلعتي امك من هنا زعلانه
اميره كانت فدار بنت ساره وتصنت فيهم
وعرفت ان مصطفى متمسك بيها وقدرت انها اتشده شورها
وقعد كل ليله بعد ساره ترقد ايجيها في دار المعيشه ويكمل في ليلته معها
وكان ايلبيلها فكل طلباتها والشي لي مش عارفته ساره ان سبب تغير زوجها عليها هو بنت خالتها لي قاعده معها فنفس الحوش
ومازال الخير لاقدام 
وهذي هي بنت خالتك لي فضلتيها على خوكي وعلى مرات باتك لي طول عمرها معتبرتك بنتها
......................
فليل كنت قاعده فدرانا
صبيت انطلع فالكتاب لي نصمم فيه لي فترة ما رسمت
فتحت الدولاب شفت البوكس بتاع معتز
لي جابه لي يوم نجاح عزو
جيت نبي ناخد منه العطر لي فيه عشان نبخ منه شفت ان في البوكس من تحت درج اصغير مش باين الا لم تركزي
فنفس الوقت رن الفون
خديت البوكس
وعديت شور سريري وخديت فوني لاقيته معتز
معتز ،، حبها
نا ،، اعيوني
معتز ،، شن جو غزالتي
نا ،، بخير ياعمري
انت كيف حالك قمعزت ع السرير وحطيت البوكس على كراعيا وركبت السماعات فوذاني وحطيت الفون جنبي
معتز ،، صوت شنو هضا
نا ،، نركب فالسماعات
معتز ،، اها فيش قاعده اتديري عشان تركبي فالسماعات
نا ،، ابدآ مقمعزه فسريري
وقدامي هديتك الاخيره
معتز ،، واخيرآ عبرتيها
نا ،، ليش اتقول هك
معتز عشان في حاجه كان شافتيها راء عرفت
نا بااستغراب حاجة شنو بعدين خطر عليا الدرج لي من تحت فيها
سحبت بشواش
استغربت شكل لي قدامي
كان ورد جوري لونه اصفر وفالنص قطعه اقماش ستان ابيض
معتز شنو فتحتيها شكلك وعرفتي واخيرآ شن نبيكي اتشوفي
نا ،، شنو
ومكملتش كلامي
لاني فتحت البوكس
وشفت اقماش فوق منه كرت
نبيكي تلبسيه فاول ليله تجمعني بيكي ياملاكي
رفعته  وطلع قميص نوم ستان ابيض
امشبك من عند الصدر
منقوش بنفس التشبيك لعند نهاية الخصر
الظهر سير بحرف اكس
طوله اقصير بكل تقريبآ مافيهش طول
لانه اقصير للمليون مع فتحه ع شكل سبعه ع الجنبين
فوق الافخاد
قميص نوم مغري بالدرجه لأولي
معتز ،، هضا لي نبيكي تلبسيه فليلتنا الاولي
نبي نشوف اشعري وهو نازل عليه
عارفه اول ماشفته تخيلته عليكي
نا وجهي قعد حمر ونقطع عليا الضي
معتز ،  بشيشتي تسمع في
حبيبي حبيبة معتز
نا ،، حطيت يدي على خدودي وقتله همم
معتز ،، نعلي نا
نا ،، 💗
معتز ،، لا كان تبي تكمل كلها هك حشمه وضي رايح من توا
نقولك نا اروابك كلهن شوري نا لي نختارهن لكي وانتي بس البسي راء عجبوني كم واحد خديتهن لك ودسيتهن
نا ،، حبيبي عاد
معتز ،، اعيون حبيبك
انتي اامري بس ونا حاضر
نا ،، باهي خلاص عاد وانت ما صدقت
معتز ،، نعلي ما منلي خدوده ورديات متاكد كان انجيكي نشوف لخدود كيف اموردات 
نا ،، ما من سخافتك
معتز ،، هههههههه
وقعد يضحك بصوت عالي
ونا دبت مع صوت ضحكته لي كلها رجوله
معتز خدا نفس وحكي
تي والله كان ماخليتك اتقولي نبي
ما تسميني معتز
نا ،، نسميك حبيبي
معتز ،، وهضا لي نبيه نا
نا ،،  ااااااااا
معتز ،، والله كان اتحصلك انعضك من خدودك
نا ،، صقع عليك
معتز ،، يابنت ماتعنديش راء نجيكي توا ونديرها
نا ،، كان تبي اتجي تعال
بعدك امرايفه عليك
معتز ،، اووووو اعتراف عجبني هضا
نا ،، والله مرايفه عليك
معتز ،، نا كنت ران نبي نقولك طالع امشرق وراء نا فالطريق بس مدام قلتي امرايفه
والله ما نخليها فخاطرك
وهذي تدويره ورده
نا ،، لا والله ماترد كان طلعت
معتز ،، والله ما نخلي حاجه فخاطرك
وبعدين نا قتلك اامري بس
وان شاءالله انشوفك توا وبعدها تو نطلع
نا فرحت كيف معتز ايهمه امري ومايبي يخلي شي فخاطري
معتز ،، اهم شي نشوفك مرتاحه
وتي روحك نص ساعه ونكون عندك
نا ،، شن انوتي
معتز ،، ههههه خديدتك لي يبن عض
نا ،، 💗
................
خالد كان متكي يتفرج على فيلم
وايمان جايبه صفره فيها شاهي ومكسرات
طبست حطتها ع الطاوله
رفع اعيونه بحت فيها وابتسم
كان شكلها حلو مع قصة شعرها الجديده وصبغتها
كانت لابسه كت لفوق صرتها لونه ابيض وشورت امريكي
كانت طالعه اكيوت مع ابطينتها لي بارزه ولانه ايمان جسمها رقيق حجم بطنها مكنش ضخم
خالد وهو مبتسم فتح ايديه وقاللها تعالي
ايمان هيا
خالد هنا تعالي وشير على حضنه
ومد يدا ومسكها من عند يدها وكرها شوره قمعزها فوق من كرعيه وخلى وجها ايقابل وجه
خالد شنو السماحه هذي
ايمان حركت راسها وخلت شعرها ايتحرك
شنو اعجبك
خالد كل مره اتفاجي فيا بستايلك وكل مره انقول انه الاحلى
قرب وجه من وجها وكان يبي ايبوسها بس عيطت ايمان وقفته
خالد وهو خايف كنك شن في
ايمان حطت يدها على بطنها وابتسمت
خالد كنك احكي
ايمان خدت يدا وحطتها على بطنها وقالتله تحرك
سكت خالد وقعد يصنت فيه
اشوي وابتسم
اوووو شكله طالع الباته اقوال يعطي فيهن لكي مش عاديات
ايمان ،، ههههه مانحكيلك فجعني
خالد ،، هذي اول مره صح اتحسي بيه
ايمان شكله شافك بعد جيت تبي تبوسني وخرب عليك
خالد لا متفقنش على هك يابابا عشان نبقو اصحاب ريحلي روحك من توا ايوه
وفكني منه الجو هضا
جو خالك ميدو ايام الخطبه فوته بدري
ايمان تضحك على خالد كيف يحكي وقارن حواجبه
خالد عاجبك انتي عاد
ايمان ،، عارف كان سالوني عن اجمل اشيائي
خالد ارتخن ملامح وجها وابتسم
ايمان ،، تاكد اني حنقول انت اجمل اشيائي
خالد قرب من ايمان وماصارش من شربة الشاهي
ورحو في خبر كان ❤❤❤
...................
صافي كان جايب صفرة الفطور وقمعز وحطها ع الكمودين لي فجنبه قمعز وتكى ع السرير وطبس بجسمه على سلمى لي كانت راقده
حط يدا على راسها وقعد ايحرك فشعرها وطبس فجنب وذنها وباسها بوسه هاديه خلت سلمى اتنوض
فتحت عين وخلت عين امصكره
شافت صافي قدامها
سلمى ،، صباحو
صافي ،، صباحك ورد وجوري وياسمين
ومد يدا لصفرا لي فجنبه وخدا ورده طبس على سلمى وحطها لها فجنب وذنها وثبتلها بيها شعرها
سلمى ابتسمت
طبس باسها من خدها بوسه طويله
شن رايك اتقمعزي عشان تفطري
سلمى هنا
صافي هنا كيف اول ايام جوازنا
سلمى ركزت واذكرت ان عيد زواجهم قرب
فكرت انها اتدير مفاجاه وتفاجى بيها صافي
لي كانن مفاجاته لسلمى مينتهنش
بعد عرفت ان هو جاب مربيه عشان تهتم بأيوب و أوًاب
وتوا كيف ايفاجى فيها بفطور ورود على سريرها
سلمى،، نبي نلبس ونجي نفطر معاك
صافي ،، منبيكش اتحركي من هنا بكل نا نفطرك وبعدين عجبتني هك وبحت فيها وغمز
سلمى وجها قعد حمر وصافي ضحك وقرب منها وحط يدا وراء راسها وباسها من خدودها بعدين رد باسها من فمها ونزل على ارقبتها وهنا سلمى ذابت امعاه وصافي قعد يسمع في الاهات لي ذوبله قلبه وحركن كل شي فيه حط يدا جوا يدها ونزل ايبوس في صدرها كانت سلمى تاوه معاه وصافي كل ماله يغرق في اهاتها
صافي لي يحس بانه مالك العالم وهو بين ايديها ومتجاوبه معه احتواء سلمى له وتجاوبها معه يخلي فصافي يوصل لذروة الحب والهيام
اتخلي فصافي يحس ان مالك العالم وهضا اساس نجاح اي علاقه زوجيه ان تكون الزوجه اثناء علاقتهم الحميمه متجاوبه مع زوجها وتبين انها عندها رغبه فيه زي ماهو عنده رغبه فيها مش بس لانه تادي في شي واجب عليها وبس
لا المهم في نجاح اي علاقه زوجيه هي الرغبه من الطرفين وانك تحسسي زوجك انك تبيه وراغبه فالعلاقه لي بينكم
...........................
حوده كان قاعد مع العمال لي فالمشروع الاخير ويفطر معاهم من نفس الفطور كانت علاقته بالعمال اكويسه وبينهم احترام
العامل المصري ،، هو انت شهادة ثانويه عامه
ضحك حوده على كلمته وقال
صح نا السنه شهادة
العامل النتيجه باين انها طلعت
حوده كيف عرفت
العامل اهوه كل الفيس بيقول انها طلعت وناس بتبارك لبعضها بوس اهوه
خدا حوده تلفون العامل وبحت فالفيس وشاف النتيجه طالعه صح
من التوتر والخوف لعند سيب الفطور وصبا
خش ع الرابط وقعد ايطلع في نتيجه
النت كان ضعيف والرابط مايبيش يفتح
كل العمال خدو رقم جلوس حوده وقعدو ايحاول
مع الرابط
واحد من المصريه قال بصوت عالي
محمود عبدالرحيم محمد
ناجح ممتاز 94.13%
حوده لا لا متقولهش ياراء فكني من ابصارتك
العامل والله نحجت ياحوده والله العظيم نجحت ياراجل
وخود التلفون وبوص بعينك عشان تصدق
العمال مبروك ياحوده مبروك ياباشا تستاهل والله
طبسو العمال على حوده ورفعوه
واحد من العمال شغل الفيديو وصور حوده وهو ينطرو فيه فوق ويقول هاي هاي هاي مبروك مبروك
هاي هاي مبروك مبروك
وكانت ضحكت حوده ماليه المكان
نزلو حوده بعد ماشحوروه
عايزين الحلوان بقى ياباشا
حوده ان شاءالله احسن حلو لكم
جت بين اعيون حوده جوري لي كان رقم جلوسها نفس رقم حوده بس مع اختلاف اخر رقمين بالعكس
جوري472763
وحوده 472736
حط ع الرابط وقعد ايجرب وكان هالمره الاحساس غير
ونبض قلبه هو الشي الوحيد لي يسمع فيه
حط يدا على جبينه ومسح العرق
والعامل كان مركز امعاه
رفع يدا وحطها على كتف حوده وهو يقوله اطمن باذن لله ناجحه زيك
حوده وجه قعد حمر وانحرج وفجاه انفتح الرابط حط رقمها وقعد يبرم مره يسار ومره يمين وهذك الدائره الخضرا مبتش اتلاقي مع بعضها
الا بعد نشفت ريق حوده وطيرتله قلبه
حوده اول مافتح معه الرابط غمض اعيونه وبعدين فتحن وهو مغمض عين ومفتح عين طول وجه نظره للنهايه المنشور وشاف كلمت ناجحه
نبض قلبه زاد اكثر ماهو دايره هرجه ومسمع كل لي فجنبه
ابتسم وبحت لنسبه لاقها 90%
لا قدامها ولا وراها
ضحك بصوت عالي وقال درتها وغلبتك ياجوري
فالوقت لي كانت جوري اتطلع في نتيجة حوده بعد ما اطمنت على نتيجتها وميرا مصبيا اتبحت فيها
جوري لااااااااااااا
ميرا ،، غلبك
جوري ،، يستاهل
ميرا ،، كم
جوري 94.13%
ميرا ،، معناها لو مكنش عندهم عزا شن جاب
جوري ،، صلي على نبيك يابنتي
وهضا كله يبي يخش هندسه وكان يبي طب متاكده كان جاب 99
اعميمه جميله خشت وهي اتزغرت لابنتها وراها عني مختار وخالهم العم خليل كان حتى هو جايهم وهو فرحان فتح ايديه لجوري لي عدت تجري وحضنت خالها
العم خليل ،، مبروك مبروك يادكتوره
جوري ،، الله يبارك فيك وبعدت عن حضنه وهي تقول بش مهندسه ياخالو
باتها وامها بحتو فيها وقالو كيف صار
ميرا الله غالب القلب حكم
اعميمه جميله ،، شن قصدك
ميرا ،، ههههه
نقول
جوري ،، شن تبي اتقولي قلب مال للهندسة عشان هك غيرت راي
العم خليل ،، خلو ابناخيتي على راحتها
ومتهربوش من الهديه
جوري حضنت خالها بيديها الاثنين لي لفتهن عليه وهي تقول انت احسن واحد وحق ربي
...............
وليد اطمني بخير
ويه ،، اكيد ياعيوني
وليد ،، اكيد ياروح وليد وفرحة انتي
ويه ،، باهي شن قالولك احكيلي
بحت وليد في ميدو لي كان امقمعز امقابله ويسمع فيه
وليد ،، انتي من الاول عارفة النتيجه
يعني نفس قبل
مستحيل  يتحققن معجزتين مع نفس الشخص
ولا شنو قولك
ويه وهي حاسه بالحزن قالت .
الحمدلله راضيه بلي كاتبه ربي لك ولي
عشان نحن واحد ومستحيل ايفرق بينا المرض
وليد الخلايا قاعده كيف قبل صح عددها مزادش وحجمها هو الشي الوحيد لي اكويس ان العلاج مش امخليها اتزيد بس هضا لي في
ويه ،، بأذن لله المره الجايه حيقوللك  اختفت بكل
ويسالوك شن درت عشان صارت المعجزه
وليد ،، يبي يغير السيره ويغيرلها جوها لانه حس بالحزن فصوتها
اتصدقي كل لي فالعياده فرحو بعد علمو اني نشوف
والدكاتره كلهم جو سلمو عليا وباركولي
واصحاب محمد يبو عشاء
ويه،، يعني مش امروح مزلت
وليد ،، لا وين ع الفجر ان شاءالله نطلعو
ويه ،، اها
باهي توصلو طيبين
وليد صبا من جنب ميدو وعدا شور البلكونه وفتح الباب وطلع
شنو حبيبتي ليش حاسس انك زعلانه
ويه لي تمسح فدموعها لي ينزلن منها
ابدآ مفش منه كلامك
وليد نا نعرفك حتى من دون ماتحكي .
نا نحس بيكي حتى لو اعيوني مش شايفتك
صوت انفسك بعد نسمعه نعرف شن لي فيك
ويه زادت فالبكاء
وليد ،، مش قلت ان في شي احكي
ويه ،، نبي انكون امعاك
منبيش شي يبعدني عنك
وليد ،، مستحيل حاجه تبعدك عني
بس لي كاتبه لنا ربي لا مفر منه وانتي انسانه واعيه ومومنه ومفروض ترضي بقضاء الله وقدره
ويه، ، والنعم بالله
بس خايفه خايفه
وليد وهو حاسس بالوجع وبكمية اللالم لي فقلبه هي نفسها كمية اللالم والخوف لي فقلب ويه زاد الوجع اكثر .لانه مكنش متوقع حتى مع رجوع البصر له
ان ويه يكون متملكه الخوف هضا
💔
متمني لو يقدر يقراء فاتحتها ويجوزها ولو شهر واحد بس ويعيشه معها بدون مايفكر فلي ايصير بعدها
شهر بس يفرح فيه ويفرحه معه شهر تنكتب فيه ويه على اسمه وهو يحقق فيه حلم عاش عمره كله يحلم بيه شهر ابعد انه يكون خيال من الحقيقه
ميدو لي كان امقمعز فالصاله وبعيد من وليد لي امصبي فالبلكونه كان فاهم وحاسس باللالم لي امسيطر على وليد من اول ما روحو من العياده
كان متمني لو فيده شي يقدر ايديره له بس
كل شي مكتوب من الله
ولا مفر من قدره
.... ............
شيماء دقت على باب المكتب اول ماسمعت صوته خدت نفس
وفتحت الباب
مصعب  مطبس يشتغل
وصلت شيماء للمكتب وحطت الطلب لي فيدها قدامه
مصعب رفع راسه وبحت فيها صبا من مكانه وهو يقوللها تفضلي قمعزي خلينا اسنتفاهمو
شيماء قمعزت وهي مستغربه
مصعب تاكدي ان مفش داعي لطلبك هضا وبحت فالورقه لي سيبها فمكانها وماقراهش بكل
تاكدي ان نية هيثم معاك صادقه
وان نا لو مكنتش شايفه ان راجل وقد كلمته وانه من حقه تعطي فرصه عشان ايوضحلك نيته مكنتش ادخلت ولا تكلمت توا
الموضوع مش مستاهل انك تقدمي استقالتك
شيماء بس نا ما .....
مصعب ،، لو سمحتي خليني نكمل كلامي
هيثم من اول مره شافك فيها جاء حكالي عليك وقال ان هذي هي البنت لي كنت ادور عليها
وتاكدي انه فعلآ نيته كانت شريفه من الاول
ولاني عارفه ان مش بتاع الاجوا هذين وانه شريكي
من اول مره
بس لي صار بينكم ان هو معرفش يوصلك رغبة فالارتباط وان انتي معطيتهش فرصه عشان يحكي
شيماء صبت فمكانها 💔
وهي الفرصه خديتها انت
مصعب، ، كيف
شيماء  ،، نا جايه نبي اجازه عشان فرح اختي وسامي مصعب قصدك
شيماء، ، حصل خير ، عن اذنك
وجت تبي تطلع
مصعب ،، انسه شيماء .
شيماء ،، وقفت في مكانها وبرمت عشان اتبحت فيه
نعم
مصعب فكري وعطي نفسك وعطي هيثم فرصته
لانه بجد يستاهل
ولو مكنتش معتبرك زي اختي مكنتش اجرت وحكيت معاكي
كل الكلام لي قاله مصعب في اخر جمله له شيماء مسمعتش لانه شي واحد قعد ايتكرر في وذنها
وهي كلمة اختي اختي اختي لي ترددت فوذنها اكثر من مره الكلمه لي خلت اعيون شيماء يمتلين بالدموع وينزلن قدام مصعب لي قدر يفهم منهن ان شيماء معجبه بيه .لانه هو اكثر شخص عارف شن معني الشخص يحب من طرف واحد
مصعب ،، اسف لو زعلتك
بس نا شايف ان هيثم انسان يستحق انك تعطي فرصه
وتجربي معه
تاكدي لو مش عكس هك  مكنتش ادخلت
شيماء وهي تمسح فدموعها
ياريت اتوقعلي ع الاجازه قبل مانروح
مصعب امي وام هيثم جايين عندك نهاية الأسبوع لو مفيش مانع
شيماء ،، لو على نفس الموضوع مفش داعي يتعبو انفسهم
ولو جايين عشان ايتعرفو ع الوالده اهلآ وسهلآ بيهن لو غير هك مفش داعي
مصعب ،، قصدك ان
شيماء ،، ايوه كيف ما فهمت مفيش نصيب
والكلمه من بخت شيماء ماتجي الا فوذن هيثم لي كان جاي لمصعب
فهم قصد شيماء بس دار روحه ما سمع شي
مصعب قعد ايبحت في صاحبه لي حس بيه بعد قلبه انكسر
وشيماء حست بالاحراج من هيثم
استأذنت وطلعت شور مكتبها
.......................
روح صافي فوقت متاخر للحوش بعد يوم عمل متعب
حس بهدو الحوش
عرف ان سلمى راقده محبش يزعجها
فتح باب جناحهم بشواش وتفاجى بالشي لي شافه
سلمى لابسه قميص نوم جديد وناعم امبين كل مفاتن جسمها بشكل مغري
مع ميك اب سموكي وروج احمر
كانت امشغله موسيقى هاديه ومجهزه عصير وقاتوه ريد فيلفت وعصير فرواله وشموع ومكسرات
صافي وهو متفاجئ بالشي لي قدامه
هضا كله عشاني
سلمى ،، ومن عندي غيرك انقوله
ربي يباركلي فيك وفحياتنا ويخليك لي طول العمر
صافي وهو ويلف فيديه وراء خصرها
اكيد مفيش
سلمى هزت راسها فوق وتحت بمعني صح
صافي ،، يعني انتي مكنتيش ناسيه
سلمى ولا يمكن ننسى اجمل يوم جمعني بااجمل راجل فالدنيا
وباحسن راجل فالدنيا
صافي ،، معرفش يتكلم بس قدر ايعبر بالفعل وهضا اهم شي ان الراجل يعبر عن الشي لي حاسس بيه بالفعل
وصافي باافعاله كان مخلي سلمى اتحس انها اميرة زمانها ومفش امراءه سعيده كيفها
فنفس اليله كانت نجوى دايره سوربريز لمحمد
لي مصدقش لي شافه قدامه بعد خش لشقته ولاقى نجوى لابسه فيلو الفرح ومجهزه احتفال لعيد زواجهم
ومنزله مني عندنا
نجوى بما ان معشنش اول ايام فرحنا هنا حبيت انذكرك
بأول ليله لنا كانت مفروض اتكون هنا
محمد هنا ولا غادي مش مهم وين المهم انك معايا
والمهم انك لي
قرب محمد من نجوى ومعش خلاها تكمل كلامها ورفعها وقعد يبرم بيها
وبعدين خش بيها لدارهم
محمد ،، متقولش وزنك زايد ياام لسان
نجوى ،، صلي على نبيك وانت اتعيط
محمد ،،  تو انوريكي من لي ايعيط توا
وعزقها ع السرير وقعد يسلح فدبشه ويعزق فيه على طول يدا
ونزل عليها وراحو في خبر كان ❤❤❤
ثاني يوم الصبح ناضت سلمى على لمسات صافي لها
لي اول مافتحت اعيونها
قاللها
على من انت طالع تجنن اليوم
وعيونك كحيله تنافس الغزلان❤
على من انت طالع اتخبل اليوم
ابتسمت سلمى
على من انت طالع تهبل اليوم الله ايعين من يلقاك بالنوم
يتمنى يكمل العمر حلمان
اشك انت بشر من دمنا مخلوق
يمكنك ورد من تشمه تحتار ويمكنك ملك في صورة انسان ويمكنك عسل راضع زعفران
من تمر اينوح الرصيف ويشبع احزان
ثمر حسنك معتق يذهب الروح من ضحكت شفافك انا سكران
ونزل صافي على شفايفها يرتوي ويروي فيها من حبه لي ملهش وصف
وراحو  في خبر احلى من كان ❤❤❤❤
.................
كانت فرحة العيله بنجاح حوده كبيره وبالذات بالنسبه لي جابها وكيف ان قدر ايجيب نسبه عاليه في فتره كنا فيها كلنا حزانه ومتاثرين بموت مني ونوريه
فرحتنا هذي ترجمتها العيله كلها
بطلعه للمزرعه لي فسيدي خليفه لي من سنه تقريبآ كانت زيارتنا الاخيره لها
المكان لي قدر معتز يعترف فيه بحبه لي
المكان لي شهد على اول كلمه اول اعتراف واول حب فحياتي
وهالمره المكان شهد على ارتباط جديد فالعيله
هو خطوبة ميدو ودانه لي كان امجهز لكل شي هو وايمان ونجوى ومش امنقص عليها شي
رغم ان العيله كانت خايفه من زعل ماما
بس فرحة ماما بيهم كانت كبيره وهالشي لي طمن كل العيله وهالشي لي خلي بابا يقول لعمي يطلع فرح وصال ومفش داعي اياخر اكثر من هك .
قدر ميدو يدير حفله متاكمله لدانه لي تستاهل الفرحه لي شايفينها في عيونها لي ترجمة بدموع منها فالوقت لي خش ميدو عشان ايلبسها وتفاجي بشكلها كيف لابسه وحاطه ميك اب ومتغيره
وهذي كانت هديه ايمان ونجوى لها انهن جابلها فستان بكل اكسسوراته ودارلها ميك اب ماشي معها ومبين جمال اعيونها لي برز حجمهن ووسعهن ولونها الاسود
مع تسريحة شعر سمبل
وبوفيه كامل من ميدو واعميمه نجاة لي كانت فرحتها بدايه مش اقل من فرحتها بيا
والشي المميز ان لي برا محتفلين بنجاح حوده وحفله وشواء ونحن محتفلين بخطوبة دانه وميدو
وبهك قدرنا نطلعو من جو الحزن
بس كان في قلبين امسيطر عليهم الخوف
وان  فرحتهم ما تكملش
وليد كان مع ميدو في خطواته وتجهيزه للخطوبه
وويه هي لي جهزتلهم قاتو الخطوبه لي كان لونه وشكله مميز مع لمسة الورد لي كانت محطوطه عليه
ولي عجب بابا
وعدها ان حتكون في مفاجاه لها بخصوص الحلو
نا نتوقع ان يسجلها في كورس حلو بس كلهم قالو ان مفاجاه بابا حتكون حاجه غير متوقعه
وفنفس الوقت احتفلنا بتخرج نجوى وايمان
لي طول الوقت نجوى مش عارفه كيف اتعبر على مفاجاة محمد لها والهدية لي جابها لها كانت غير متوقعه للعيله كلها
بالذات ان الهديه انحطت في باركي الجامعه وغطها لها وهي طالعه شفت الهديه تمنت لو انها لها ومحمد طلب منها تفتح يد مني لي كانت ماسكه المفتاح فيدها وعرفت ان هديتها هي سياره
خالد اووو شوشت علينا يادكتور
محمد بعد اتجيب اهديها المدام توا ممنوع اتسوق وهي على طريق .
ايمان ياسلام
محمد ،، مرات تمرضي انتي وتسوي ما شور شي
خالد ،، ههههه لانقنك زرطتني  ويستر الله وخلاص
ايمان ،، اطمن مش هذي الهديه لي نبيها
خالد ،، مش قتلك يستر الله
..........................