حبيبه

حبيبه 🦋 تكملة 80

#حبيبه 🦋
#تكملة البارت الثمانون
ولا تؤذينا في من نُحب ياالله فيمسّهم وجع فيمسنا، ،... ضعفه💙
جوري ،، واتي يابيبا
نا ،، اوووو بريمو انتي مش عاديه في الديزايننق
دانه ،، حتى نا عجبني تنسيقها فالصفره وكيف امرتبه
العشاء
جوري باهي ساد راء نشوف روحي بعدها عليكن
ورفعت الصفره ومشت قدامنا
دانه ،، نا انشيل الحوده و عزو
نا ،، باهي عدي وهيا قبل ما تسقع
شالت دانه الصفره وخشت بيها على حوده لي كان منسجم فقرايته
وعزو قاعد امعه فالدار بس متكي ع سرير حوده ويلعب بالفون وحاط السماعات فوده
عزو اول ما شاف دانه خاشه قمعز
اوووو جاء في وقته بعدك جوعا نا وحوده من بدري
دانه ،، توا غير كملتها جوري
حوده سمع اسم جوري برم شورها يبي يعرف عليش يحكو
حطت الصفره قدامهم
اعيون حوده جن ع الاطباق كيف مرتبات كان شكل البيتزا مع البطاطا والكتشب والميونيز ايشهي
كانت حاطه ثلج مع البيبسي في القلاسات
حوده ،، منوره دندون يا هك الوكال يا حرم
دانه ،، سلمك
بس الله الله ع الحق
مش نا لي درته
نا غير قليت البطاطا
جوري كانت اتنادي من بعيد فدانه عشان اتجي اتعشاء
لي دارته وحطتلكم  جوري
اهي تنادي بنت حلال .
حوده باهي بعد طلعت تعرف اتدير حاجه
عزو بس فتلاكه الفرخه ماعندك ماتقول
دانه، ، وحق الله تسمعك اتقول فرخه اتوريك
هذي جوري الجالط
حوده هههههههه لانقنها جالط
عزو نادى على دانه قبل ماتطلع
دانه
برمت شوره اتبحت فيه
غمزلها من دون ما يفطله حوده
دانه ،، نعم
عزو ،، بس طرف من الاخير .
دانه ،، صحه كول وتو انزيدك
عزو ،، مش البيتزا
دانه بخبث وضحكه مكتومه
ها  شنو باهي
عزو ،، جوري لانقنها طرف
حوده لي كان ياكل وقف ورفع راسه ايبحت فيه
عزو دار روحه ياكل ومش مدور
ودانه اضحكت وطلعت من جنبهم
حوده ،، انت كنك شن قصتك
عزو ،، لا قصه لا روايه
كني
حوده ،، الجو لي اتدير فيه فاطله فوت البنت وهني روحك
عزو ،، حقيتني غير  امدورها
بعدين كنك انت شن شورك
حوده ،، صدقت شن شوري
وحط قطعت البيتزا وصبا وطلع من الدار
عزو بعد طلع حوده رفع صفرته وعدا شور دار المعيشه
وين ما كنا ناكلو
ماما ،، تعال انزيدك
عزو لا اصحيحه مزال عندي
ماما بحتت في الصفره شافت تبسي حوده كيف ماهو
كنه ما تعشي خوك
عزو ،، شكله رقيت عليه الحراره
دانه لي كانت تاكل اطربقت ضحك
والبنات لي مش فاهمت شي قعدن يضحكن وجوري اتبحت فيهن وغامتلها
ماما ،، حرارة شنو خوك مريض
عزو ،، لا المحرك الايسر هو لي رقيت عليه الحراره
ماما ،، وانتن تسهوكن وحده اتفهمني خوكن هضا فيش ايقول
ويه ،، يبصر معاكي ياامي متعدليش عليه
ماما ،، باهي باهي ياعزو فجعتني
عزو ،، حقك على راسي ياغاليه وصبا شور ماما والبنات ايبحتن في شن يبي ايدير وطبس على راسها وباسها عليه
ماما ابتسمت وغمضت اعيونها ومسكت يد عزو وكراته شورها وحضناته
ونحن كلنا اعيونا تعبن ادموع من حركته
.....................................
ويه ،، شنو جاي
وليد ،، ان شاءالله جاي بس نراجي في عمي قالي نبيك ومعش كلم
ويه ،، قصدك بابا
وليد ،، اه
ويه ،، ان شاءالله خير شن في
وليد ،، متخافيش مافي شي تقريبآ يبي ايدير عشاء لعيت محمد وهو عنده عمل فطرابلس يبي الحاج وميدو يصبوله
ويه ،، اها
باهي حتى نا نبيك فحاجه ومتقوليش لا
وليد فسره استغرب كلام ويه لانها عمرها ماطلبت منه طلب
قولي حبيبتي شن تبي
ويه ،، نبي .........وحكتله شن يبو ايديرو لوصال
وليد ،، بس ياويتي ميجش و مني وابله نوريه مزالن ما ربعنن
ويه ،، بابا يبي يدبح لعيال المرحومه ويدور اسبوع لنجوى لي اجبرت بخاطرنا وسمت
وليد ،، منبيش عمتي تزعل
ويه ،، ماما هي لي تبينا نمشو معها للمناقشه
وحتى سلمى تبي تمشي
وليد ،، خلاص تو انشوف شن ايسير ونقولك
ويه ،، باهي بابا وين قاعد
في فحوشه وين بيكون يعني
ويه ،، اتصدق شايله همه لي قاعد ابروحه
وليد ،، هي صح حتى البنت لي عندهم ردها لمكتب لخدم لكن الغفير مهتم بكل شي وعمتك فاطمه تمشيله وتبرم عليه
ويه ،، يبي يقعد هك بابا طول العمر
وليد حس بقديش ويه مضايقه على خاطر بابا
ماتشيليش هم ياعمري
عمي طول عمره يسافر واغلب وقته يقعد فيه برا
ومتعود على هك
ويه ،، بس مش كيف
توا بعد ايجي لحوشه ما يلقى حد
وليد ،، في هذي عندك الحق
.................
شيماء كانت راقده فسريرها وتذكر في كلام مصعب معها اليوم
اما مصعب كان يعصر فعقله وين شايف شيماء من قبل وليش قالت انها مش شايفته
وهل كلام هيثم له صح
بعد شاف شغلها وقال ان البنت هذي حتاكل الجو فالشركه وثبت وجودها
لانه من اول يوم لها بانت قديش نشيطه وفهمت الشغل على طول
..................
ايمان رنت على سلمى لي كانت راقده فحضن صافي
سلمى قمعزت مفجوعه من صوت الفون
مدت يدها وخدت فونها
ايوه ايمان
ايمان ،، سلمى تعالي العياده ..... ساره غادي مش من توا قالولنا ولاده والدكتوره وحلت فيها
سلمى وهي تحول فالغطاء من عليها هيا هي عشر دقايق ونكون عندك
ايمان ،، باهي نستانكي
صافي كنك شن في وين تبي تمشي فهاليل
سلمى ،، ساره ولاده والدكتور لي ماسكه وحلت فيها
صافي ،، لا حوله لله
باهي وانتي كان مشيتي نا نبي انشيلك  والعيال باهي كيف ايسير فيهم
سلمى قمعزت ع السرير
حي صح بعدك ماحوتك رقدو اليوم
ونا نبيهم ايتعودو من توا على دارهم
صافي ،، ماتشيلش هم
تو انشوف امي كان هضا اتجي تقعد امعاهم
سلمى  ،، لا اعميمه اكيد راقده
وبعدين مش ملزومه بيهم عشان تمسكهم
صافي ،، كيف مش ملزومه بيهم
سلمى ،، صافي لو سمحت مفش داعي للنقاش توا
صافي بحت في سلمى زين بدون ما يتكلم
وطلع برا الدار وسلمى قعدت حايسه ومش عارفه كيف تصرف .
مره اتصبي ومره اترد اتقمعز
اشوي وسمعت صوت صافي ومعه واحد
ركزت سوما ع الصوت
هيي هضا شن دار ومن جاب
خش عليها صافي وقاللها هيا
سلمى ،، من جبت
صافي ،، معتز لقيته واعي  كلمته
هي اطلعي وسقدي روحك
سلمى لبست ابسرعه وعدت شور معتز لي كان فدار  لعيال
سلمى ،، سلام
معتز ،، هلا قالها بصوت واطي
سلمى ،، معلش انتعبك نطق في ساره تعبانه ونجي ان شاءالله متطولش
معتز ،، خودي راحتك
اصلآ مش جايني نوم
سلمى ،، تعال اوريك كيف اتدير الرضعه كان وعييو واسمع بعد يرضعو حطه وجها مقابل كتفك وقعد خبط بشواش على ضهرا لعند ايتقرع وحاجه اخرى .    ...........
قعدت سلمى اتوري في معتز كيف يصرف امعاهم
وكيف ايرقدهم
وخدت لعبه وقعدت اتوري فيه
معتز ماتشيلش هم كان في حاجه تو نكلمك اطلعي انتي توا
سلمى ،،  تمام رد بالك منهم
معتز ،، حاضر حاضر متخافيش عليهم
سلمى وهي طالعه كان مارديتش عليك رن على بيبا شورها الاطفال
اسالها شن تبي وهي تقولك
معتز وهو مبتسم
تمام ❤
................
ساره ياربي ياربي اااااااااااااه
الدكتور ،، لو استمريتي هكي حندخلك العمليات
ساره ،، ااااااااه
يامامااااااا ياماماااااااااا اه
يانعلي ياربي
كانت سلمى خاش وتسمع في اعياط ساره لي كان مالي القسم كله
ايمان ،، نعلي كنك طولتي
سلمى ،، وهي تجري  شور غرفة الولاده ان شاءالله تو  نحكيلك
وخشت على ساره لي كانت اتعيط
واول ما شافت سلمى قعدت تبكي
سلمى ،، اهدي اهدي ليش دايره في روحك هكي
ساره ،، واعره واعره ياسوما
سلمى ،، انتي اهدي بس مترهقيش روحك بالعيال وبعدها متقدريش تدحمي
نزلي جسمك هيا هنا اشوي
وخري زيدي اخره
اذكري الله ياساره وخودي نفس وادحمي
بدت سلمى معها
لا لا متعيطش مش هك
ادحمي ساعدي روحك
ساره ،، متسيبينش ياسوما
سلمى ،، مستحيل انديرها هيا سلم خيتي ادحمي
كانت سلمى اتساعد فيها
وايمان برا تبكي مش متحمله صوت اختها لي تعيط وفنفس الوقت خايفه عليها
سلمى ،، هيا زيدي اخر
وقعدت سلمى اتحاول معها وبعد عشر دقايق
مصطفى معش سمع صوت ساره
بحت في ايمان وخالد وصافي 
لي سمعو صوت  البيبي وهو يبكي
خالد ،، الحمدلله على سلامتها
مصطفى لي اضبط صافي لي قاعد جنبه العقبه لك لعقبه لكم
اضحكو صافي وخالد علي كلامه
وايمان احمد ربها بعد سمعت صوت البيبي لكن اقعدت اتراجي في سلمى تطلع عليها اتطمنها على اختها
...........
غريبه ران توا
ويه ،، ردي عليه شوفيه كنه
خديت  نفس وفتحت
ايوه
معتز ،،  هلا
  افتحي الكاميرا بسرعه شوفي من معايا
نا قلبي دق بسرعه بس كانت دقة خوف دقة عدم اطمنان
هضا الشعور لي مسيطر علينا من يوم وفاة مني
كل شي نخافو وكل شي ايوتر فينا
حتى دقة الباب لي صوتها عالي
رنت الفون فوقت زي هضا كان شي مرعب او نقدر انقول احساس شين ينتابني اكيد مش بس نا كل لي فقد وكل لي جرب الفقد فاهم معنى كلامي
معتز ،، هيا افتحي
فتحت وشفت معتز لي كان شايل
ايوب بين ايديه لي باين عليه مصحصح
طبعآ عرفته من لون اعيونه لي كانن سود عكس خوه (أوًاب)
ركزت ع الدار ..
هذي مش دارك!
انت وين قاعد؟
معتز ،، كنك خفتي يابشه
الامور تمام
نا فحوش صافي
نا ،، عليش ليش قاعد معاهم سلمى فيها حاجه
وينهي عطيها لي
معتز بخوف  ،،  اهذي حبيبي اهذي مافي الا الخير ان شاءالله
سلمى اكويسه اطمني .
نا ،، باهي وينهي
وقعد حنكي يرجف وحسيت بجسمي صقع
معتز ،، لي شافني خوفي على سلمى
حط ايوب فمكانه
سلمى عدت ل ساره متخافيش شكلها ولاده
  حسيت الدم رد يجري فعروقي 
معتز ،، كان نحسابك اتخافي راء مرنيتش
كنت نبيكي تشوفي كيف طالع ونا واخد دور الاب
نا هنا ابتسمت
معتز قمعز فجنب سرير ايوب
شن رايك
نا ،، هههههه
معتز، ، ربي يخليلي الضحكه السمحه
شنو ماقلتيش رايك
نا ،، ايسير منك متخافش
معتز ،، اكيد وانتي امهم يسير مني
نا بلاكي ميسيرش مني
نا قربت حواجبي
معتز ،، ماتستغربيش
انتي لي خليتيني نوقف على كرعيا من جديد بعد لي صار معايا
كنت انشوف فيكي وين ما نمشي
وكان خيالك دايم فبالي
حسيت بقلبي ينبض للمليون💗 من كلامه
كانت في حاجه فقلبي قبل عقلي اتقولي رد وعديلها
كنت للازم ما نجي انشوفك كل يوم
كنت نستمد فقوتي منك من شوفتك
حتى لو مكنش بينا كلام
يوم لي جيتك فالمستشفى وكنتي راقده تمنيت لو نا لي راقد مكانك ولا عشتي هالالم
اتصدقي نا كلمه وحده منك انتي تحييني وكلمه اتردني لسابع ارض
نا ،، بعيد السوء عليك
معتز ،، شنو تبكي يابشه
هزيت راسي
نا ،، لا
فرحانه بيك وبحبك وبكل شي نسمعه منك
معتز ،، نحبك
❤
..........................
طلعت سلمى على
ايمان ،، شن صار فساره
سلمى وهي مبتسمه، ، اطمني هي بخير وجابت بنوته عسل
صافي كان امصبي ويشوف فيها كيف مبتسمه
حس براحه كبيره عشان شافها ابتسامتها
ايمان ،، بشرك بالخير ياسوما
نعلي خفت عليها
سلمى ،، ربي يحفظكن وما يفرق بينكن
ايمان ،، امين
وان شاءالله نفرح بيكي وبشوفتك ام
سلمى ،، ونا توا ام لاحلى اثنين
حطت يدها على يد ايمان لفوق
لعقبه السلامتك ان شاءالله رني على اعميمه نجاة بلغيها 
قرب منهن صافي لي كان يسمع فكلامهن وهو جاي شورهن
شنو نمشو
سلمى ،، نمشو ، شوي ويطلعوها لكي
وقدمت شور صافي وسيبت ايمان وحدها
مشو صافي وسلمي لي ابتسمت لخالد لي حياها اول ما شافها
صافي ،، مد يدا لها اول ماهلبو قسم النساء
وكانه يقوللها نبيكي انتي معايا
وجودكِ يغنيني عن مائة طفل من صلبي فاانتِ اكتفائي ❤
................
معتز ،، افتحي انتي وبعدها دزيها لي
ويه ،، حاضر
عدت ويه افتحت باب الحوش لمعتز لي كان جايني من دون ما يقولي
ويه ،، جوزك برا
نا ،، شنو
ويه ، ، والله جاء وقالي كلميها
نا ،، وماما
ماما ،، راقده عدي شوفي الراجل لي جاي فعقاب هاليل
نا ،، حي علينا كان يفطنولنا
ويه ،، خليهم يفطنو راجلك ومحمد ماسك اليوم
وعمتك سليمه ونجوى اكيد ايشخرن وما يندرن ع الدنيا وين
وبعدين ياريت وليد ايديرها لي ويفاجني
نا ،، ههههه انتي رايحه مش طبيعيه
يستر الله مانلقوكي ماشيتله غادي
ويه ،، حي لو تعرفي قديش راضيه عليه
نا ،، وشن السر
ويه ،، من ربي وحياتك الرضا جاي
الحمدلله على كل حال
اطلعي اطلعي من عند باب المطبخ تلقيه
طلعت بشويش على معتز لي كان قاعد فالصور الجانبي ومقمعز على كرسي وكار معه كرسي لي
نا ،، سلام
معتز ،، هلا بحبيبتي
وفتح ايديه لي تعالي
عديت خشيت فحضنه
باسني على راسي وحاوطني بيديه
شنو حبيبي فجعتك
رفعت راسي ونا مزلت فحضنه
وبحتت فيه رد باسني من جبيني وبعدين من خشمي
معتز وهو يبحت في عيوني ونفسه كان صوت عالي  انحبك ❤ وحرك خشمه على خشمي
نا هنا انتهيت لفيت ايديه وراء ضهرا وحطيت راسي على صدرا لي كان بحن الدنيا و وسعها
معتز ،، نتمنى العالم ينتهي ونا بين ايديكي هكي
خوفتك وخفت عليكي  تعرفي ندمت اني رنيت عليكي
نا ،، ونا فرحت بجيتك وبكلامك
انسيت محمد ونسيت ماما ونسيت الدنيا كلها ونا بين ايديه
قالت لهُ مازلتُ ارتبك كلما قلت لي كلامآ جميلآ ..
فاقترب من اذنها..وهمس..ومازال جمالكِ..يربك كلماتي ،، بل يهز كياني ..
Natash sa..فجنبكن يابنات 😜مع ali 🚚
.....................
سلمى ،، رايفتلكم ياعمري
شنو دار فيكم معتز
كانت شايله أوًاب وصافي متكي على باب الدار يتفرج عليها وهي ماسكه اواب وتحكي معه
سمع صوت سيارت معتز بعد جت
صافي هضا معتز شكله جاء
سلمى ،، طلع يجري اول ماجينا
صافي ،، شكله ماشي لطيره
سلمى ،، ربي يهنيهم
صافي ،، ان شاءالله  بس نحن مفيش منا اثنين ولا شن رايك
سلمى ،، ابتسمت ❤
طلع صافي شور معتز لي كان ماشي شور حوشهم
صافي ،، خالي معتز
معتز ،، نصي
صافي ،، مبروك عليك البناخيه
معتز ،، ايبارك فيك كلمت ايمان ومصطفي
صافي ،، مصطفى فرحته مش عاطيها لحد
معتز ،، مصطفى يستاهل الخير
والله راجل محترم ومفيش منه
شنو عديله امعه
صافي ،، والله تقول هو لي جايته البنت ايوزع فالحلم فالعياده
جو سلم خوته لي صبوله 🤣
معتز ،، هههههه
يسمعك خالد ين🚫 يومين في دار خالتك
صافي ههههه والله تحق شكله متقولش هضا الافندي خالد  بالحاج بكل
..................
Natash sa 🖤 ♟