حبيبه

#حبيبه 🦋 68

#حبيبه🦋
#البارت الثامن والستون
عارفه اني تاخرت عليكن واجد بس عارفه ان في متابعات مخلصات مزالن يستنن فيا ومقدرات وضعي وظرفي
وهو جيتكن ببارت طويل وان شاءالله
بعد بكره حنزل بارت اخر تعويضآ ع الايام لي فاتن
Natash sa
.................
كنت شايله هم المشيه عند اعميمه نجاة ولان بابا جاء وقال لماما ان هو وعمامي اتفقوا الفاتحه اتكون فيوم واحد
نا ومعتز
ايمان وخالد
فحتكون في حوش اعميمه نجاة وفالمربوعه الخارجيه
...............
نا ،، بس كنت نبيها فحوشنا
معتز ،، وعد مني ياعيوني حنديرلك بيان وكل شي تبيه نا حاضر بيه من عيوني الاثنين
بس هالمره عشان خاطر الشياب وخالي قالو ديروها فمربوعه وحده محبيتش انعارضهم
نا  ،، تمام
معتز ،، تمام شنو ياعيوني
نا ،، تمام لي تشوفه
معتز ،، والله ما نخليكي زعلانه وهضا وجي كان مادرتلك بيان تحكي عليه كل الناس
نا ،، منبيش بيان كبير نا
معتز ،، مش شورك انتي نا نبي
نا ،، مفش داعي حبيبي اهم شي انكونو مع بعضنا
معتز ،، وعشان خاطر الكلام السمح هضا كل لي تبيه حاضر
ابتسمت
معتز ،، ربي يخليلي الضحكه السمحه والوجه لي منورين حياتي
نا ،، ويخليك لي ياعمري انت
معتز ،، ايوه هك خليني نسمع كلامك لي يردلي فروحي
نا ،، ومن روحك
معتز ،، هل عندك شك
نا ،، انكي اغلى واحلى أمرتن بالدنيا
معتز ،، هل عندك شك
نا ،، اممم
معتز ،، شنو
نا ،، نحبك
معتز بصوت هادي وعيون ناعسه ،، نعلي نا عوديها يابشتي
نا بصوت منتهي من نظرات اعيونه  وبشواش  ،،  ن ح ب ك ❤
معتز ،، اه اه اه منك ومنك حبك انتي
وين كنتي يابشتي وين
نا ،، قدامك
معتز  ،، فقلبي مش امغير قدامي توا
نا ،، يخليلي قلبك لي نا فيه
........
مني كانت تجري وراء سيما🌸 عشان تلبسها
مني ،، حرام عليكي ياسيمو تعبت ياماما معش عندك لكي جهد لجري وقفت وقعدت تبكي
لانه تقل الحمل نازل على كرعيها
فالوقت لي كان فيه يوسف جاي للحوش
فتح الباب وخش شاف مني كيف كانت ماسكه دبش سيما وتبكي
خاف عليها وتوقع ان في شي
وسيما بعد شافت مني تبكي قوست فمها وعيونها امتلين ادموع قعدت واقفه فمكانها وزعلانه
يوسف شاف شكل مني وفنفس الوقت جت عينه على سيما لي كانت زعلانه على ابكاء امها
يوسف قدم شورها وهو ميت من الخوف ،، شن صاير تحسي  فقلبك حاسه بدهشه ولا شن في
مني هزت راسها بمعنى لا  ،، نا مش قادره خلاص اتعبت نا
يوسف ،، خلاص بس ماتبكيش وقوليلي شن لي مزعلك
مني ،، من بنتك لي تعبتني وتبيني نجري وراها
يوسف ،، طبس على سيما وقاللها
ليش يابابي زعلتي ماما
سيما ،، اس نا  (مُش نا)
يوسف ،، مش من بنتي يامني  وغمز المني
مني ،،
يوسف عرف ان مني غارت
قرب منها وحضنها انت مايجي في مكانك حد لا بنت لا ولد
مني ،، بس انت م
يوسف حط يدا على فمها وقاللها اسسسس
انتي مش عارفه مكانتك عندي ولا قديش انحبك
وصدقيني يامني مستحيل ايجي فمكانك حد ولا نحب حد كيف مانحبك
ابتسمت ايمان على كلامه وحضنته زين
يوسف ،، هضوم يبو ايضيقوني لعند امتي
ايمان، ، مازال ماحقيت شي هضا كله امغير مزلت في السادس
يوسف ،، على خير وسلامه لكي ولهم
ايمان ،، من قالك انهم اعيال
وانت ديما تحكي عليهم بصيغة المذكر
يوسف ،، احساسي هك ايقولي
مني ،، ان شاءالله يكون هك اهم شي الخلقه التامه
يوسف ،، وسلامتك
ها شنو نطلعو ولا نخلوها بكره
مني ،، لا لا نطلعو توا
خير واجد مش قادره انساعدهن
يوسف ،، انتي قوليلي شن يبن ونا حاضر
مني ،، مفش داعي اتعب روحك بابا يبي ياخد بيبا عشان تاخد الحاجه لي تبيها
يوسف ،، ربي يخليه لكم بس هديتي نا بروحي
تو انطق في معتز ونشيل مبلغ عشان غداء الفاتحه
مني ،، ربي يزيدك خير ويخليك لي
يوسف ،، ويخليكي لي
...........
وليد ،، شنو
محمد ،، خلاص يومين وتطلع
اعميمه فايزه ،، الف حمد وشكر لك يارب
عمي ،، ربي يفرحنا بشفاك
نجوى ،، امين
محمد ،، الاربعاء نطلعو من هنا
وليد وهو مضايق على وضعه  ،، ان شاءالله 
لاحظت نجوى الضيقه على وجه وليد بحتت في وجه محمد وشيرتله عليه
محمد هز راسه وسكت
وليد ،، خلي البنات ايجهزلي الجناح لي تحت
اعميمه ،، يعني متبش تقعد في جناحك
عمي قبل ما يحكي وليد
تحت احسن له واقرب لكل شي
اعميمه انتبهت ،،  اها صح باهي
لي تريحك
عمي ،، كيف ايسير في عملك يامحمد
محمد ،، بعد انروح ان شاءالله نبدء فالمستشفى ونشوف كيف ايسير فالعياده
نجوى ،، ان شاءالله خير
...............
جاء بابا بعد العصر
طلعت عليه سلمى سلمت وبعدها خشو يوسف ومني وسيما 🌸 سلمو على بابا وخشو جوا على طلعت حوده شايل صفرة القهوة شربو مع بعضهم وبعدها دز علينا  وخداني نا ويه لسوق  عشان ناخد الحاجه لي نقصتني
بابا ،، وين تبن اتمشن قبل
ويه ،، وين ماتبي
بابا ،، شن رايكن نمشو المحلات الملابس
ويه ،، تمام
مشينا للملابس وخدالنا كلنا دبش حتى من ماما خدالها عبايه خليجيه   شيك وفستان حوش وتركيبه وجلبيه سمحه
خدالي نا ويه كم لبسه وشالنا الاكثر من مكان
خشينا على محلات الاحذيه بعد كملنا الدبش خديت لي ولويه وماما
تكى  بينا ع محلات الحرير وكانت هذي اول مره نخش عليهن انبهرت بشكل البدالي الاكبار والالوان
عجبتني بدله ورديه (الحولي الكبير ع قولة الغرابه)
بابا ،، شنو عحباتك
نا ،، ....
بابا ،، احكي كان تبيها قولي
صاحب المحل ،، شنو حنه ولا فاتحه ياحاج
بابا  ،، فاتحه ان شاءالله
صاحب المحل  ،، هذي  بدله كبير لان الرداء حرير اصلي وثلاث ارباعه فضه والسوريه تطريز هندي شغل يدوي
في واحدات للحنه والفاتحه اصغار ويمشن
بابا ،، يعني هذي مايسيرش منها
صاحب المحل ،، لا على راحتكم بس لان سعرها غالي
ويه ،، خلاص ورينا لي قلت عليهن معناها
نا ،، كانت البدله عجبتني
بابا ،، مايغلش عليها شي جهزها لنا
نا ،، لا يابابا مفش داعي لها خود لي قال عليهن
قرب بابا مني وحط يدا على كيفي وقالي
تعالي اختاري معايا بدالي لعماتك وامك
ويه ،، عليش
بابا ،، عشان فرح بنت عمتكن
نا ،، نختار نا على ذوقي
بابا ،، تمام
ويه ،، هذي متحطش عينها غير ع الغالي
صاحب المحل ،، بس ماشاءالله عندها ذوق
بحت فيه بابا بنظره يعني اقلب وجهك وهو فهم وقعد بعيد منا
ويه ،، شوفي بابا كيف ايفنص ياامي لعند نا خفت لابال الراجل
نا بصوت واطي ،، يستاهل
ويه ،، بس شكلك عجبتيه
نا ،، هيا تعالي نختارو بلا دوه واجده
اخترت ثلاث بدالي كان نظام السوريه ابلوزه والتطريز كان خفيف وشغل يدوي حتى هن
الالون خديت موف فالدهبي وبترولي واسود فالذهبي
طلعنا من عنده
مشينا للعطريه خدينا من حاجات لحوش اعميمه
مكسرات وفسوخ وبخور ومناديل جافه ومبلله وحاجات عشان الفاتحه 
وبعدها خشينا على محلات الشوكلاء
بابا ،، خودن الهديه بتاع الرجاله من هنا
ويه ،، كم العدد
بابا ،،400مبدئيآ وكان هك تو انزيدو
قعدنا انتفرجوا وعجبني العطور
اخترنا
لوح زجاجي شفاف واطرافه ذهبيه واخترنا عطر وسبحه ومصحف
هذي الهديه للرجاله وكيس ورقي كله الاطراف من تحت وفوق لونهن اوف وايت وفيه نظام ورق مائي يبين لي جوا
وطلب بابا يكتبو عليهن صداق مبارك
عائلة القاضي & عائلة بالحاج
طلب بابا منهم ايغلفو هم ويجهزو كل شي وبعدها يدزوهن على عنوان حوشنا كاخدمة توصيل
كنت فرحانه بوجود بابا معايا
وكنت عارفه ان هو دار هك معايا عشان ميحسسنيش
بالنقص ولا بغياب محمد لي كان هو لي قائم بالدور هضا في فرح البنات وحتى في فرحه
خديت كل حاجه ناقصتني وكاني قاعده فحوشنا
وجاب للحوش عشان الجيران بعد ايجو ايباركو
عدينا للحلواني اخترت الحلو لنا ولعميمه نجاة عشان فرح ايمان
روحت الحوش ونا فقمة الفرح كنت راضيه عن كل شي اختاره بابا وجابه لنا
كنت طول الطريق ساكته بس من داخلي نحمد فالله على النعمه لي عندي ع (بابا و ماما )
بعد وصلنا للحوش فتح حوده الباب
بابا ،، حط الحاجه جوا وتعالي
حوده ،، في حاجه ياحاج .
بابا ابتسم ،، اطمن مافي الا خير شيل حاجة خواتك وتعال نبيك
حوده ،، حاضر
خشيت على طول طيبت قهوه مره عشان بابا ع السريع وحطيت معها نوع حلو دايرته ويه
وطلعت على بابا نا و ويه قلتله خش اشرب معانا قهوه
بابا ،، مع انه مش وقتها بس ياالله تو نشرب معاكن
ويه ،، تبي شاهي فيه واتيه
بابا ،، لا لا فنجان قهوه هضا ايسد
ويه ،، ضوق شغلي فالحلو وقولي رايك
سمى بااسم لله وضاق منه وقعد يبحت في ويه وهو ياكل .
بابا ،، تبي رايي
ويه ،، اكيد
بابا ،، بصراحه ومندون ما تزعلي
ويه ،، اطمن منزعلش
بابا ،، توب احسن حلو ناكله من فتره طويله
ويه ،، ربي يخليك لي
بابا ،، بس نا نبيكي اتركزي على دراستك وتفوتي موضوع الحلو هضا
ويه ،، اطمن قي وقت الفارغ ولا بعد انمل من الدراسه نديره مش ديما
بابا ،، مدام هك تمام
واي شي تبيه انتي ولا خوتك رنن عليا ومتحشمنش
نا و ويه ،، ربي يخليك لنا
حوده ،، نعم ياحاج ان شاءالله خير
بابا ،، كيف تبي تقعد كيف محمد
حوده بااستغراب ،، كيف
بابا ،، متقوليش ياباتي وتناديني بالحاج
حوده ،، لا غير منبيش انكبرك وبعدين الحاج ماشيه معاك
بابا ،، باهي ياسيدي لي ايريحك
شن جو دراستك
حوده ،، تمام الحمدلله
بابا ،، مفيش ماده صعبه وتبي تقويه فيها
حوده ،، حاليآ اوكي كلهن الفتره لوله امي جابتلي مدرس خصوصي على حسابها
بابا ،، عض فمه من جوا وكانت الحركه واضحه وماتكلمش
رد بالك من دراستك
والكلام لكم كلكم ومتعبوش امكم معاكم واي شي تبوه نا حاضر وردو بالكم من مريم
نحن كلنا ،، ان شاءالله  حاضر .
صبى بابا من مكانه وعدا وطلع معه
ركب سيارته وفتح القجر لي بينه وبين الكرسي الثاني
وطلع منه مبلغ ومدا لحوده
حوده ،، لا لا مفش داعي ياحاج
بابا ،، امسك قتلك
وشوف لي ناقصك والمدرس لي تبيه قولي عليه ونا نتفق معه ويجيك
متطلبش من مريم
كلمني نا ونا نتفاهم معاهم نبي ترتيب ايشرف
وهديتك عندي اول ماتجيب التقدير .
حوده ،، ربي يحفظك
بابا ،، ويحفظكم ويرحم والدين مريم لي ربتكم
رد بالك منهآ ياحوده ومتعبوهش
حوده ،، حاضر
بابا ،، مع السلامه
حوده ،، في امان لله ياحاج
دار بابا كلاكس وعدا
ونا ويه لي كنا مقمعزين فمكانتنا بعد سمعنا الكلاكس
عرفنا انه عدا
خشينا على ماما لي كانت مقمعزه على مكينتها وتخيط
قعدنا انورو فيها شن خدينا لاروحنا 
عجبها ذوقنا وبعدين طلعنا دبشها هي ورينا لها
ماما ،، هيي عليك كشفه شن ايقول عليا عبدالرحيم توا
نا ،، مش منا هو لي اختارلك ابروحه
وراء ياماما وصنا انه منقوللكش انه ذوقه وقال قولن
فلاش بالك 💫
بابا ،، ردن بالك اتقولن لمريم نا لي اخترتلها
نا ،، بس هي تو اتعاركنا
بابا ،، قوللها انكن خديت الدبش من دون مانا انشوفه
وان نا سلكت على اساس كله لكن
ويه، ، والله فكره يابابا
بابا ،، معناها اتفقنا وراء نسمع انكن حكيتن لمريم نزعل منكن
نا ،، اوكي
ويه ،، تمام
فالوقت الحالي 💫
ماما  ،، بعد هو عارف اني منخدش منه فشي ليش امتعب روحه وجايبلي
نا ،، بس هو مغلطش بعد اذكرك وجابلك وقال كيف ما قلنا
ويه ،، صح ياماما نحن عشان منحبوش انخبو عليكي شي حكينا ولان انتي معودتنا نحكولك كل شي ايصير امعانا
ماما ،، ربي يخليه لكن وتعيشن فعزه ودلاله
نا ،، راء جاب لعماتي ولكي بدالي اكبار توا يخششهن حوده
ماما، ، بدالي شنو اخرى
نا، ، عشان فرح ايمان جابلكن عربي بس حاجه صح
ماما ،، حتى بدلتك انتي روعه ماشاءالله
ويه، ، صاحب المحل قال عليها بدله كبيره
ماما ،، نعلي كلفتن على بوكن وروحتن
نا، ، والله ابروحه هو لي اصر
خش علينا حوده ونحن نحكو شايل البدالي العربي حطهن قدام ماما
وحط ظرف فيه مبلغ
ماما، ، هضا شنو حتى انت
حوده، ، كني نا ما عالم بشي
هو لي دز عليا ومدلي هذين قالي لك
وصاني على قرايتي وقالي الاستاذ لي تبيه قولي عليه ونا نجيبه لك
وهذين عشان نشري لروحي دبش وكان ناقصتني حاجه
ماما ،، ربي يهديه ويخليه لكم ان شاءالله
كلنا ،، امين
نا ،، ويخليكي لنا ياست الحبايب انتي
وعديت قريب منها وحضنتها وبستها ❤
...............
يوم الثلاثاء عدينا كلنا لحوش عمي صالح وحتى عماتي جن ورتبنا جناح لضيوف عشان يقعد فيه وليد والجناح لي فوق هو لي خلينه للضيوف
جاء معتز وجاء خالد وصافي وحوده وساعدونا حتى هم دانه كانت طول الوقت ساكته وبعد تسمع الباب ايدق اعيونها يقعدن مع لي خاش كانت ترجى في ميدو ايجي لانه من يوم الجامعه ولي صار فيها معش تلاقو ولا حكو
كان املها ايخيب بعد اتشوف غيره خاش .
لقيت ماما اتجهز في روحه
نا ،، وين ماشيه
ماما ،، طالعه مع عماتك لسوق
طلعت ماما هي وعماتي لسوق وشالهن ميدو لي  مخشش جوا بكل
معتز ،، شنو عدن العزايز
ايمان ،، تسمعك ماما تنجلط
معتز ،، هههههه عارفها
خالد ،، حتى عمتي فاطمه متقبلهش بالذات فجنب عمي مفتاح
معتز ،، ههههه جنها وجن لي يقولها لها فجنب مفتاح
نا ،، وعليش اتعززو فيهن انتو عاد
معتز ،، تي خلاص كلا يبن ايردن اصغار هذي محتى صارت 
صافي ،، الوحيده عمتي مريم لي ماتكلمش ولا تعدل عليه موضوع العمر هضا
معتز ،، خالتي مريم صقع مفيش كيفها
نا ،، اكيد كل عمر وله دور مفش حد يبي يقعد اصغير ديما بعدين ماما عاشت لي اصعب من العمر
خالد ،، وهضا الصح عمتي مريم عاشت دور الام والاب وكبرت قبل وقتها وكانت ونعمه الام
نا ،، شكرآ مستر خالد
معتز ،، احم
خالد ،، لا احم لا فحم ريح روحك
معتز ،، باهي يامدام مفيش قهوه ولا شغل ع الابيض
نا ،، قعد وجهي حمر من الكلمه
خالد وايمان اضحكو
معتز  بحت  فيا وغمز
ونا نسحبت من جنبهم
خالد ،، مزالت مش متعوده
معتز ،، كل شي ايجي بشواش
ايمان ،، واك منكم كلا انتو
خالد ،، لا نا مش شوري
معتز ،، عليك خوف من مني امربيتك كلا انت
.........
نزلت وصال بدبش وليد من فوق وخشت بيه ع الجناح لي تحت واستلمته ويه وقعدت اترتب فيه له
حولت كل شي ممكن ايضايق وليد فالمشي خلت المساحه فالجناح كلها مهيه له وللحركه ابتاعه
خشت سلمى تنادي في ويه عشان صافي كان يبي يشوف الغرفه كان في حاجه تبي رفع
سلمى ،، ويه ويه
ويه تمسح فدموعها ،نعم ياسومه نا هنا
سلمى حست بويه تبكي
سلمى ،، ابرمي وجهك وبحتي فيا
مبتش اتحرك من مكانها ولا تبرم شور سوما
عدت سوما وصبت قدامها لقت اعيونها حمر من كثر لبكاء
خدتها في حضنها  و ويه فشت عبرتها لدرجه سلمى بكت امعها
انشغل صافي لم طولت سلمى عدا شورها لم وصل عند الجناح سمع صوت ابكاء ويه من وراء الباب
رد
صافي فسره ،، ربي يصبرك ويشفيه
سلمى وخرت عنها ،، تعالي قمعزي هنا
قمعزت ويه ع الاورقنزه لي حطينها لوليد عشان ايقمعز عليها مقابله البرانده
سلمى ،، خلاص ياروحي اهداي
ويه ،، حاسه اني مقهوره 😭
سلمى ،، بعيد السوء عليكي تعودي من الشيطان
ويه ،، هضا مش شيطان هضا واقع
وليد ميردش على مكالماتي وحتى لم ندزله تسجيل صوت مع نجوى
نجوى تقولي اسمعه وماتكلمش
سلمى ،، شن يبي ايقولك ولا شن ايرد عليكي فتلفون نجوي
ويه ،، باهي ايرد عليا بس وليد ايتهرب مني عارفته
سلمى ،، قدري وضعه ومتنسيش انه مزال ماتعود ع الوضع الجديد
ويه ،، اكثر من هك مفش
بس نا لي فراسه منيش امنفدته
سلمى باستغراب ،، شن لي فراسه
ويه ،، يبيني نفوته ونشوف نصيبي
سلمى ،، لا لا معتقدش وليد ايحبك وانتي حلم حياته
مستحيل ايتخلى عنك ولا يخلي حد يرتبط بيكي غيره
ويه ،، ان شاءالله  يارب كيف ماتقولي
سلمى ،، اطمني انتي بس وهو قريب ايجي وتحكي معه وتعرفي منه كل شي شاغلك
ويه ،، ان شاءالله انتي عليش جيتي شن تبي
سلمى ،، هييي عليك نسوه
دزني صافي كان تبي تحولي حاجه تقيله ولا تبي حاجه من برا ايجي هو يرفعلك
ويه  ،، معتقدش في حاجه شن رايك فالنظام هك
سلمى ،، ماشاءالله كل شي حلو
ويه ،، يارب ايتريح فيها
نا عارفه ان وليد ميجيهش نوم الا في داره
سلمى ،، المهم ايكون بين هله واحبابه ويكمل علاجه ويفتك من هالمرض الا الاماكن مش مهمه المهم الراحه النفسيه وتشجيع الناس لي يحبوه
................
يوم الاربعاء ع الغداء كان حوش عمي صالح مليان
كل العيله كانت موجوده
بابا ذبح  شاتين عشان جيت وليد بعد فتره طويله علاج دامت 4 اشهور او اكثر بشوي
واعميمه فاطمه و نجاة وماما استلمن الغداء
ونحن البنات جهزنا الموالح والسلطات 
حتى خواله وخالاته وحنى ام امه كانت قاعده جو كلهم من الصبح
جت نوريه وعزو مع بابا لي قعدت مع خالات البنات
كانها برانيه محد فينا عدل عليها ولا دورها
مني ويوسف جاو وحدهم وخلو سيما عند هل يوسف
خشت مني معانا للمطبخ اتساعد فينا وعماتي يعاركن يبنها اتقمعز عشان متعبش روحه لكن هي شي مفيش فايده راس يابس
جت اجديده ود وجدي احمد واحمد خطيب وصال ومصعب
الشباب كانو كلهم قاعدين برا ايهدرزو ومعاهم مصعب واحمد وميدو لي علاقته بمصعب تمت قويه
الرجاله لكبار كانو فالمربوعه عمامي وبابا وعمي منصور وجدي احمد وخوال وليد
جهزنا الضيافه لي بعد الغداء وجهزنا اصفر الغداء
رنت ماما على محمد تسأل عليهم
ماما ،، وين جيتو يااحميده
محمد ،، خلاص خشينا لاجدابيا
ماما ،، باهي الحمدلله على سلامتكم
محمد ،، الله يسلمك
صكرت ماما وقالت
خشو اجدابيا
عماتي ونحن ،، الحمدلله باصوت متقطعه
ويه حست بقلبها عصرها حطت  يدها عليه من دون ماتحس وقعدت تاخد فالنفس بالقوه
نا بحتت في جنبي شفتها قربت منها
نا ،، كنك ماسكه قلبك
ويه ،، مش عارفه قلبي قبضني فجاه
نا ،، باهي اطلعي خودي نفس
ويه ،، مش امطوله
نا ،، غير اطلعي بس
طلعت ويه لصور وصبت تاخد في نفس
غمضت اعيونها وقعدت تاخد في شهيق وزفير
فالوقت لي مصعب جاه فيه تليفون
مصعب ،، لحظه بس نطلع برا منسمعش فيك كويس
ميدو شيرله ع الصور الجانبي عشان يعدي يحكي فيه 
هز راسه ودار كيف ماقاله ميدو
مصعب  ،،  اول ما البضاعه توصل للميناء قولي عشان نمشي
........
مصعب ،، لا لا فوتهم هضوم نا تو نصرف ونطلعها
........
مصعب ،، غير اسمع مني البضاعه حاط فيها راس مالي كله ومنبش حد ايشوفها
نبي نعرضها فالمحلات طول من اول ماتوصل
والا ماكني درت شي
هو مازال يحكي وشاف ويه كيف امغمصه اعيونها وتاخد فالنفس ودموعها ينزلن
مصعب 💔
صكر التلفون فوجه صاحبه ولقى روحه مصبي قدامها من دون مايحس ولا يحسب احساب لشي ولا لحد
قعد ايتامل في ملامح وجها وكيف ادموعها دايرات خط وكيف حاطه يدها
ويه حست بحد قدامها من ريحة العطر لي ملت رويها بيه تبيى تفتح  اعيونها بس خايفه
حست بنبض قلبها زاد اكثر من قبل 💗 وكانه يبي يفر من مكانه بسبب العطر لي تشم فيه
بينها وبين نفسها اهذي ياويه اهذي وافتحي اعيونك
ليش صار فيك هكي اهذي اهذي
مصعب بينه وبين نفسه اهدا وفكنا من الجو لي ديما دايره لي اهدا
هيا افتحي اعيونك خليني انشوفهن ونتكحل بيهن
اه ياويه لو تعرفي قديش مرايف عليهن وع شوفتهن
اه اه لو تعرفي قديش يبيكي قلبي ورايدتك روحي
فتحت ويه اعيونها
لقت مصعب امصبي قدامها
ويه ،، خير
مصعب ،، خير
شن في ليش تبكي
امتى جيت وكيف خشيت هنا
مصعب عض فمه من تحت وبحت وين في كرعيه
رفع التلفون وقال
كنت نحكي وميدو قالي نخش هنا
ويه ،، اها
مصعب ،، ليش تبكي
ويه ،، هزت راسها بالنفي
لا لا منبكيش
مصعب بنبرة صوت هاديه ،، ردي بالك من روحك ومعش تبكي مافي شي يستاهل ادموعك وخليها على الله .
(ويه مش عارفه شن لي صاير معها شن لي حاسه بيه )
ليش مصعب  هادي  وديما هك معها
ليش بعد يحكي مايبحتش فيها
ليش حاسه بيه مرتبك
مصعب ،، كلها دقايق ويكون هنا
ويه ،، من
مصعب ،، وليد روحك💔
ويه كانه مصعب  حط موس فقلبها بعد قال كلمتها
مصعب هو ويوخر عشان يمشي
ربي يسعدكم 💔
ويه ،، 💔💗
اكيد فهمتن عليا شن نقصد بالقلبين لي فوق
ويه حست بقلبها انكسر وفنفس الوقت قوة نبضه كل مالها كل ماتزيد
برم ومشى شور الشباب ابسرعه
ويه كانت مش فاهمه شن لي صار معها
قمعزت ع الكرسي لي جنبها
شوي وسمعت صوت كلاكسات السيارات برا
والعاب الناريه
دانه وسولي ونا طلعنا نجارو شور ويه عشان انقولولها وصلو
شفت كيف قاعده فمكانها وكانه صاير معها شي
دانه ،، وصلو ياويه وصل وليد
ويه ،، كراعيا مش شايلتني
وصال ،، سمي بااسم لله
هضا كله من الخوف والتوتر
نا ،، هيا صبي
مسكت ويه من عند يدها لقيتها امصقعه سم
هيا تعالي عشان نشوفوهم وهم خاشين
جن عماتي وماما وخالاتهم وطلعن علينا
انقلب الحوش كله زغاريت
طلعنا كلنا عشان نستقبلوهم
طلعو الشباب وراء بعضهم والشباب وعمامي وبابا
صبينا نحن فالجنب كنت انشوف في معتز كيف ايولع فالميش وميدو ماسك الكاميرا بحتت في دانه لقيت ادموعها حتى هي دايرات خط
وصال اعيونها على احمد لي طلع المسدس ابتاعه وفرغ بيه و وخالد حتى هو فرغ بسلاحه
كانت فرحتنا بيه وبجيته طيب احلى فرحه واكبر فرحه تمر علينا
اول مافتحو باب السياره عدا حوده شور سيارة بابا ونزل منها شاه وذبحوها قدامه
جاوو الجيران على شان يسلمو ويستقبلو وليد وعمي
محمد عدا شور بابا يسلم عليه
واعميمه فايزه ونجوى خشن علينا جوا وقعدنا تسليم وزغرايت
طولو وهم قاعدين برا مع الرجاله خش علينا معتز وقال
عطنا الطريق الرجاله يبو ايخشو
جن جارتهم خشن علينا يحمدن للعميمه فايزه على سلامة وليد وسلامتهم حتى هم
خشينا جوا وخش ورانا حوده ومصعب وخالد شايلين الذبيحة استلمها خالد سلخ وتقطيع
بعدين خش عشان ايدوش
وايمان كانت امجهزتله لبسه طبعآ خالد وايمان طالقين الشيانه عشان فرحم الاسبوع الاخر فاتحه الجمعه مع عزومة الرجاله
والاثنين تفريشة حوش ايمان والثلاثاء حنه والاربعاء حفلة الحنه والخميس زفه
الجمعه حتكون ايمان وخالد فتركيا لان طيارتهم ع المغرب عشان هك مفش اسبوع حنديرو صبحيه وغداء
....................
خش عمي صالح سلم علينا كلنا وحمدلله عماتي على سلامة وليد
وهو طالع
عماتي دزن على محمد وليد عشان ايسلمن عليهم
قعدن شوي وسمعنا الباب لي فالنص ايدق
ويه ،، دقت وليد
كلنا بحتنا فيها
ويه ،، وحق الله هضا وليد وصبت تجري عشان تفتحلهم
اول مافتحت الباب شافت محمد ماسك يد وليد
فاتت محمد وفاتت كل الموجودين ولا دورت محمد ولا دورت عماتي وماما وخالاته
عزقت روحه فحضنه طول وهو قعد امنزل ايديه منحرج من محمد لي كان ماسكه مع يدا
والعصا كانت فيده الثانيه
محمد انحرج من عماتي وماما خش عليهن ايسلم  وسيب ويه و وليد في فم الباب الفاصل
ويه ،، الحمدلله على سلامتك
وليد ،، الله يسلمك
ويه ،، رايفت عليك
وليد ،، 💗 (لا تعليق)
وخرت ويه وهي تمسح فدموعها
امسكت يدا هيا نخشو
خدا نفس لانه مش قادر يحكي من قربها له
كنا كلنا ملاحظين ارتباك وليد
سلمى اعيونها على وليد وشكله لي متغير
ياروحي  ياخيه شن صاير فيه
مني ،، شوفي ويه ادموعها ما وقفن
سلمى ،، ربي يكون في عونها
تم كل مره وحده اتسلم عليه
وصال ودانه وصتهن سلمى انهن مايبكنش هن ويسلمن عليه ومع هضا كله ماقدرنش يمسكن  اروحن لم جن ايسلمن
لدرجه كل لي قاعدات فالصاله بكن حتى الصفرجيات لي جيات عشان الغداء والضيافة بكن معانا
دانه معش تحملت طلعت شور المطبخ لقت ميدو ياخد فصفره شاهي
ميدو من يوم قصة الجامعه معش حكى معاها
اول ما شاف دموعها سيب الصفره لي كانت فيده وجاء شورها
ميدو ،، عليش تبكي شن في
احكي يابنتي شن في من من ؟
من لي زعلك
دانه ،، منحسبش يجي يوم ونشوف وليد هك
ميدو ،، الله غالب محد يتوقع لي صار فيه
بس مع كل هضا نقولو الحمدلله على كل حال
احمدي ربك لي روح طيب وادعي ان ربي يكمل شفاها على خير
الصفرجيه ،، والنعم بالله
خوكي  ماقال الا الصادقه
ميدو ابتسم وحك راسه
دانه انتبهت لضحكة ميدو
الصفرجيه ،، الشاهي واتيه
ميدو ،، هيا لحظه بس
مسك يد دانه وطلع بيها شور الصور
صبا قدامها وقعد ايبحت في عيونها
ميدو ،، معش نبي انشوف دمعه فعينك لا بال تبكيهن
دانه ،، نهمك يعني
ميدو ،، اكثر مما تتصوري
دانه ،، بس مش باين عليك اني نهمك
ميدو ،، نا نفعل فعل منحبش نحكي
دانه ،، ممكن
ميدو ،، اكيد مش ممكن
وفكيني من العناد وتسكير الراس ابتاعك
وراكي مش عارفه قدرك عندي
راء انتي ماكيفك حد ولا يجي فمكانك حد
دانه ،، يعني
ميدو ،، يعني انتي هنا ❤ وشير على قلبه
دانه ،، انحرجت من نظرته لها
ميدو، ، نحبك
دانه ،، 😳
ميدو ،، ليش استغربتي
سمعو صوت بابا جاي لصور خشو هم الاثنين يجارو
الصفرجيه لي كانت امصبيه قعدت اتبحت فيهم
دانه ،، لو سمحتي اطلعي شوفي عمو شن يبي
جهزنا عماتي وماما الغداء حتى اعميمه سليمه خشت امعاهن وخالد كان قاعد معانا هو لي ايحط في لحم الرجاله
وميدو ايصور في التجهيزات
كانو كلهم فرحنين بجيت وليد وماما كانت فرحتها فرحتين بجيت محمد و وليد
كان محمد كل اشوي ايخش على ماما فالمطبخ ويقعد ايحضن ويبوس فيها
اعميمه فاطمه ،، ربي مايحرمكم من بعضكم
ماما ،، امين ان شاءالله
ولا يحرمك من احبابك ان شاءالله
قعدن اليوم هضك كله مع البنات فالمطبخ كان يوم متعب بس حلو بكل تفاصيله السعيده والحزينه لي فيه
فليل وليد خش لجناح لي خصصوه له
وصال كلمت ويه
ويه ،،  كنك شن
وصال ،، تعالي شوفي وليد خش لداره وريه اماكن الحاجه
ويه ،، بس هو مدزش عليا
وصال ،، مش للازم ايدز انتي لي عارفه اماكن الحاجه
وبعدين انتي مش امرايفه عليه ولا كيف
ويه ،، السؤال هضا مش لي ياسولي
السؤال هضا مفروض ايكون له هو
وصال ،، للازم اتحمليه لو مزالتي اتحبيه كيف قبل
ويه ،، لاخر يوم فعمري انتحمله بلا ما نشكي ولا نمل منه 
وصال ،، معناها ديري جوك وخليه ايحس بحبك له
وانك اتديري فشي لانك اتحبيه مش لانك شافقه عليه
ويه ،، يارب ايرد وليد لي كان ايحبني ومايحملش فيا شي
وصال ،، متاكده انه مزال ايحبك بس ميبش يظلمك وهو فالوضع هضا
ويه ،، تمام نحط من عطري ونخش عليه
وصال ،، ليش
ويه ،، نبيه يحفظ بنتي وصوت خطوة كراعي عشان لم نخش يعرفني
وصال ،، للازم يكون عطر مميز بيش يحفظه
ويه ،، مني جابتلي عطر LACOSTE
ريحته مش عاديه
وصال ،، باهي تمام بكل هيا عدي ديري جوك وخشي
ويه ،، هيا دقيقه وحده ونخش
...............
محمد ،، شنو نمشو ولا تبي تقعدي
نجوى ،، لا لا وين نقعد نحس فظهري يبي ينقسم اثنين
محمد ،، خلاص معناها اول ما نرن عليكي اطلعي 
نجوى ،، ان شاءالله نقولها لعميمه مرات تنشغل بعد ماتلقنيش
محمد ،، شوفي جوك
نجوى ،، تمام
خشت نجوى علينا جوا وقالت انها تبي اتروح اتريح لانها تعبانه
ايمان ،، هذي اول مره تخشي فيها لشقتك صح
نجوى ،، اول مره
نا ،، وماشيه هك بلا جو
سلمى ،، تعالي وين ماشيه هك ع الناشف
نجوى ،، شن نبي اندير الله غالب
وصال ،، كان يصبر شوي تو نبرمو عليكي
نجوى ،، باهي تو انرن عليه انقوله راجي اشوي
مني ،، تعالي معايا لدار سولي تو نطلعوكي احلي من مية عروس عند اكبر ارتيست
نجوى ،، لا انتي عارفينك شاطره ومحد يغلبك فيه الميك اب
دانه و نا فنفس الحظه ،، باهي صبي
بحتنا فبعضنا وضحكنا
عدت نجوي مع وصال ومني ابرمن عليها ودراتلها مني ميك اب حلو غيرها لانه مش من النوعيه لي يحطن فميك اب ديما
طلعتلها وصال تاتو من عندها دراتها على كتفها من لوراء ودرتلها على ساقها
واستشورلها شعرها من لاخير طلعت واو
رنت على محمد وقالتله انها واتيه كان يبي يطلع
............
معتز كان قاعد فمكانه لي ديما انتلاقو فيه فحوش عمي صالح
رن عليا وقالي اطلعي نبيك
كلمت دانه وقتلها طالعه انشوف معتز
اول مافتحت الباب لقيت ساره قاعده قدامي تبي اتدق
سلمت عليا من روس صوابعها
وجعتني تسليمتها عليا
هي خشت ونا طلعت على معتز
اول ماشافني جايه عنده واسعلي عشان انقمعز في جنبه
صبيت قدامه ساكته
معتز ،، هلا بروح روحي
نا ،، اهلين بيك
معتز ،، تعالي فجنبي هنا
قمعزت فجنبه وقعدت انحرك فالساعه لي فيدي
معتز ،، شنو في من امزعل حبيبي
نا ،، مافي شي
مش زعلانه
معتز ،، عليا نا ، تي نا نعرفك من اعيونك من ملامح وجهك من هدوئك
نا ،، عادي متدورش
معتز ،، باهي متبيش تحكي
نا ،، تو
معتز ،، عوديها
نا ،، تؤ تؤ
معتز ،، نعلي نا وخلاص
نا ،، ههههه
معتز ،، مسك يدي ورفعها وباسها
نا ،، حسيت بحراره في جسمي وحركه غريبه فبطني احساس دغدغني طول ماهو ماسك يدي ويحرك فصوابعه عليها
صوتي راح ومعش عرفت انقول ولا كلمه
هو برم وخلى روحه مقابلني
قعد ايبحت فعيوني ونا منزله راسي لوطه ومتاكده صوت نبض قلبي فضحني
معتز ،، شنو وين رحتي
نا ،، معاك
معتز ،، ونا نبيكي اتريحي بس مش بكل عاد
نا ،، عضيت على فمي وابتسمت
معتز ،، رد رفع يدي وباسها من جوا
شنو مش ناقصك شي ما تبي شي
نا ،، سلامتك بس
معتز  ،، يوم الجمعه وتكوني مراتي
حشم معش نبي راء فكني منه نبيك منطلقه معايا وصريحه
نا ،، اكثر من هك صراحه معش في
معتز ،، تي كيف حشمك انتي مشفتش
نا ،، يصير خير مرات تكرهني
معتز ،، نكره روحي ولا نكرهك
انتي مش عارفه مكانتك وغلاتك عندي
نا ،، همم
معتز ،، شكلك تبيني انتهور انتي بحركاتك هذين
صبيت من جنبه
لا لاتهور لا شي تو انخش وانت اطلع شور الشباب
معتز ،، بس مشبعتش منك
نا ،، هههههه تبيني عشان تشبع انت
معتز ،، لا انتي ماينشبعش منك
رن تليفون معتز ونحن نحكو
نا ،، شوف من لي يرن عليك
معتز ،، مش مهم  فوتي
نا ،، بلكي حد محمد فقدك رد فكنا من الحس
معتز ،، لا نا نطلع فرحنا مع خالد خير مدام تيبي تقعد خوافه هك راء فاتحتنا بعد بكره وانتي مزلتي خايفه
نا ،، مش خايفه غير شوف من
بحت فيا وبعدين حط يدا فجيب الجاكه الداخلي وطلعه
معتز ،، وهو يبحت في
ها ياc السكان
صافي ،، كيف صار خربن عليك الجو ولا خربنا
معتز ،، اطلع على راس حاجتك وقول شن تبي
صافي ،، مرايف عليك يانصي
معتز وهو يضحك ،، غلطان فالرقم للاسف
المدام نهايه رقمها 85
صافي ،، اطلع ياراجل ورنا موعد
بعدين اتطول انت صافي الحاج يرايفلك
معتز، ، لا فهذي غلبتني
هيا طالع ياسكان
صافي ،، سلملي على اخت المدام
معتز ،، وجهك هي وصكر عليه
نا ،، كان نحساب هك راء رنيت على صافي من بدري راء حقينا ضحكتك
معتز ،، ياغيوره
نا ،، مش منحقي ولا كيف
معتز ،، الا من حقك ومفش حد ايحقله غيرك
نا ،، نحبك
معتز ،، شنو
نا ،، هيا باي
معتز ،، ونا نموت فحبك
.............

Natash sa 🖤♟