حبيبه

#حبيبه 🦋 44

#البارت الرابع والأربعون

سافرو صافي وسلمى لتركيا
كانت فرحة سلمى غير بعد عرفت انها مسافره لتركيا
كان صافي مجهز سياره خاصه بالشوفير اول ماطلعو من المطار
على توجه بيهم الشوفير
لبودرم💙🏖
سلمى ،، حبيبي وين ماشي بينا هذا
صافي ،، ساعه اخرى ونوصلو
سلمى ،، امري لله
صافي ،، شنو تعبتي
سلمى ،، بكل
صافي ،، هههه تعالي هنا وفتح ايديه وتكت سلمى على كتف صافي
كان يوري فيها فالاماكن
وبعد حوالي ساعه او ساعه ونص وصلو لبوردم
سلمى ،، ياربي ع الجمال
صافي ،، مافي شي اجمل منك
سلمى ،، نحكي جد شوف البحر و الطبيعه خيال بكل
صافي ،، نعلي من الجمال لي فحضني مش اجمل منه
سلمى ،، ههههه
كان حاجز في فندق
رقدو اليوم كله وعيو ع المغرب نزلو تعشو ودهور ثاني يوم كان صافي مجهز مفاجأه لسلمى
صافي ،، هيا سقدي راء نعدي ونسيبك
سلمى، ، باهي انتي قولي وين المكان عشان نعرف شن نلبس
صافي ،، شنو شن تلبسي
سلمى ،، يعني كان نازلين للبحر نلبس بيكيني ونريح راسي
صافي ،، شكلك تبيني نرتكب فيك جريمه انتي
سلمى ،، هههههه
باهي خلاص عطيني ربع ساعه ونطلع
صافي ،، وهو لوي وجه باهي سقدي
وطلع من جنبها
سلمى، ، أوفي
صافي ،، نعم ورد بحت فيها
سلمى ،، نحبك ياغيور وعزقتله بوسه
صافي ،، شكلك تبيني نلغي الطلعه
سلمى عدت تجري شوره لا لا ودفاته وصكرت الباب
صافي يهز فراسه ويضحك ع تصرفات سلمى
لبست سلمى فستان صيفي حلو وخفيف
ابيض وفيه ورد سمائي اكبار ولبست احزام LV بيج كبير
وشاح ابيض وصندل بيج وحطت فونديشن طبي واقي لشمس 2×1
مصكره وروج مات بيبي بينك وبلاشر من لون
وطلعت عليه
صافي ،، وتساليني شن نلبس مازال
سلمى ،، نبي نعرف المكان عشان نعرف شن نلبس
صافي ،، كل شي عليكي حلو
ومسك يدها وطلعو
سلمى ،، لا متقولهش
صافي ،، اليخت اليوم كله على حسابك 🛥
عاشت سلمى احلى ايام مع صافي شالها الويلو واظنا واسنطبول مفش مكان حرمها منه كانت كل شي اتشوفه او تبحت فيه ياخده لها
فالوقت لي كانو
محمد ونجوى حتى هم عايشين حياتهم في مصر الاسكندريه وشالها للقاهره ماحرمهش من شي
عدت يوم للغردقه حست بقيمتها عند محمد وكيف كان يبي يرضيها وميبيش يحرمها من شي ركبت في العربه لي يجرها الخيل (الحنطور)
نجوى ،، ياعم
محمد ،، جيجي بطلي عاد
نجوى ،، ياعم يابتاع الحنطور يا محنطر
محمد ،، هههههه
نجوى ،، ياما نفسي اركب الحنطور وتحطنر
الشايب لي كان يمشي فالعربه يضحك ع الجو لي دارته نجوى فمحمد
نجوى ،، حركب الحنطور ترقن ترقن وتحنطر
محمد ،، وربي مجنونه باهي
نجوى ،، كانت اتصفق والشايب ايصفق ويغني معها ❤

فالفتره هذي كانت ويه اغلب وقتها وهي تقرأ فقران وصايمه والسبحه 📿 طول النهار فيدها وتستغفر
واليل كله اتصلي فيه

سالم ،، رد سافر من جديد لانه ميقدرش يقعد وبعد باته طلب منه ايسافر عدا وهو زعلان ومكملش الاسبوع لي مفروض يقعد فيه امعاهم