اسكريبتات ل سلمى ياسر

اسكريبت 5

- مش هتجوزك يا عبدالرحمن
= ولا انا عايز اتجوزك اصلا انا مغصوب زيي زيك
- ومغصوب ليه ما ترفض
= مش هقدر
- ليه انا مش عيزاك سيبني ف حالي
= بحزن .. انا مش عايز اغصبك والله بس مقداميش حل تاني انتي عارفه ان والدتي تعبانه واقل حاجة بتأثر عليها وهي قالتلي عايزه افرح بيك واختارتك انتي مفيش قدامي حاجة غير اني اتجوزك يا سلمى انا اسف وعارف إن ده مش ذنبك بس هي اختارتك ليا ومحاولتش تشوف حد تاني
- بدموع .. انت يعني بتعجزني عشان عارف إني بحبها
= والله ما بعجزك ولا حاجة بس عايزك تساعديني امي بتحبك ومصممه عليكي .. سكت شويه وكمل .. بصي ممكن نتجوز ونفرحها ولو مرتحناش نقولها ونبعد بس مش هينفع اكسر قلبها واقولها مش هنتجوز ساعديني يا سلمى
- حاضر يا عبدالرحمن بس لو مرتحنااش هتطلقني ع طول
= هعملك اللي انتي عيزاه  .. *سيبته ومشيت وقعدت افكر ف كلامه كتير اووي*
"كل حاجة اتظبطت والفرح بعد يومين "
لقيت مامته جيالي بتقولي : بصي يا بنتي انا عارفه إن انتي وعبدالرحمن مش بتحبوا بعض بس انتي اكتر واحده مناسبه ليه واكتر واحده هتقدر تستحمله وتغيره وكمان هتبقي ضهر وسند ليه ،، انا مش بقولك كلام وخلاص بس انتي اللي هتكملي ابني وطبطبت ع كتفي وقامت مشيت من غير كلام !!
" جيه يوم الفرح ومكونتش مبسوطه ومش حاسه ب فرحي خالص م انا هتجوز واحد عشان مامته تعبانه ~~
العيله اتجمعت وكلهم فرحانين إلا انا ! روحت الكوافير وجهزت وخلاص مستنيه عبدالرحمن ييجي ياخدني ونروح القاعه .. العيله كلها جت واتجمعت ويباركولي ويقولو رأيهم ف فستاني والميك اب وانا على وشي ابتسامه بسيطه ،، جيه عبدالرحمن وروحنا الفرح قعدوا يرقصوا وفرحانين الا انا وهو 🙂
الفرح خلص وروحنا البيت اول ما فتح الباب دخلت ع اوضتي وقفلت الباب وقعدت اعيط .. عيطت كتير اووي ،، لقيت خبط ع الباب رديت من بين دموعي
- نعم
= انا اسف
- علي ايه
= اني بظلمك معايا
- ....
= سلمى ممكن تبطلي عياط انتي بقالك ساعتين بتعيطي انا اسف والله اطلعي اتخانقي معايا واعملي اللي انتي عيزاه بس متقغليش ع نفسك وتعيطي كدا ، انا عارف انك مش عيزاني بس امي كانت فرحانه بينا اوي النهارده ، انا شوفت الفرحه ف عنيها فرحت ، هي شايفه انك اكتر واحده مناسبه ليا .. هي معاها حق انتي كويسه ومحترمه وبنت ناس واصيله ،، حقك عليا متعيطيش لو عيزاني مقعدش ف البيت همشي واروح اقعد ف اي حته واجي الصبح لما ييجو بس بلاش عياط كفايه عليا وجع قلبي ع امي مش عايز احس إني ظالم وظلمتك اوي كده *سكت شويه *  لو عيزاني اطلقك هعمل كده بس مش دلوقتي عشانك انتي بس الناس هتقول كلام مش كويس
*فتحت الباب ووقفت ساكته ، شاف شكلي اتخض عليا *
= انتي كويسه
- لا
= طب .. طب اعملك ايه وتبقي كويسه والله لو عيزاني امشي هسيبلك الشقه وامشي بس متعيطيش وتزعلي كده انا والله ما كنت عايز اظلمك بس .. بس انا مكانش قدامي حل تاني كان ف احتمال اني ..... اخسر امي 💔
*اول ما قال كده انهارت تاني وفضلت اعيط وقعدت ع الارض مكاني لقيته بيجري عليا وبيقعد جمبي *
= بالله م تعيطي انا حيوان والله بس متعيطيش بصي هطلقك والله بس انا خايف ع سمعتك الناس تقول ايه و..
- سيبني يا عبدالرحمن انا هبقى كويسه
= مش هقدر اسيبك كده
- سيبني لو سمحت
= حاضر مش هضايقك بس بالله ما تعيطي تاني كفايه ودخل اوضته وقفل الباب
صحيت على صوت اغاني ام كلثوم انا بحب اغانيها اووي لقيتني نايمه ع السرير ومتغطيه وافتكرت اني كنت قاعده بعيط ع الارض مكاني لحد ما نمت !!
قومت اتوضيت وصليت ودعيت ربنا كتير اوي وخرجت لقيته ف المطبخ بيعمل فطار اول ما شافني ابتسم .. (هي ضحكته حلوة كده ليه ايه الحلاوة دي يعم 😹🔥)
- اساعدك ؟
= لا متتعبيش نفسك انا قربت اخلص
- طب اعمل معاك اي حاجة ؟
= امم م دام مصممه ممكن تعملي السلطه
- حاضر * قعدت اعمل السلطه وهو بيحضر باقي الحاجة ويحطها ع السفره *
= سلمى
- نعم
= يلا عشان ناكل
- لا كل انت بالهنا والشفا
= م انا مبعرفش آكل لوحدي اصل يعني انا متعود اكل مع ماما علي طول
- بصيتله شويه .. حاضر
* شدلي الكرسي عشان اقعد ف بصيتله اووي *
= مش هوقعك متخافيش
- ضحكت ،، متقدرش اصلا
= ايوه خش عليا ب سلمى الخطيره 🔥
- ضحكت ومردتش
* خلصنا آكل او هو يعني انا مكلتش اصلا بس كنت بعمل إني باكل عشان ميفضلش جعان *
= تشربي قهوه ؟
- هعملها انا
= يا سلام ده انا ليا الشرف اني هشرب القهوه من ايدك
- ابتسمت ومردتش
* عملت القهوه ودخلنا نشربها ف البلكونه*
- ليه بتعمل كده ؟
= بعمل ايه !
- اللي انت بتعمله
= اه فهمت .. بصي انا لقيت ان جوازنا امر واقع وانك مضايقه جدا م الموضوع ف بحاول ع قد ما اقدر اخلي الفتره اللي هنقضيها سوا لطيفه من غير مشاكل لحد ما ... ما نتطلق
- مش محتاج تعمل كل ده
= ليه؟
- عشان مش فارقه
=سكت ومردش
" عدا اسبوع محصلش حاجة غير ان العيله كانت بتيجي تزورنا وهو بيعمل كل حاجة ومش بيخلينا اعمل حاجة ف البيت "
= تيجي نسافر؟
- لا
= ليه نغير جو
- مش عايزه
= سلمى
-نعم
= عايزه اقولك حاجة
- اتفضل
= انا .. انا يعني .. بصي انا بحبك ♥️
* اتخضيت وقمت متنرفزه ودخلت اوضتي وقعدت فيها طول اليوم * تاني يوم خرجت لقيته قاعد زعلان اول ما شافني وقف وفي عيونه نظره غريبه ""
=سلمى
- ....
= ممكن تردي عليا
- نعم
= انا اسف .. انا عارف اني وعدتك نعدي الفتره دي من غير مشاكل او اي حاجة ونتعامل ك صحاب بس انا مقدرتش انا حبيتك ♥️ عارف إني غلطت ومكنتش قد كلمتي بس مقدرتش محبكيش !
*سيبته ودخلت اوضتي تاني *
=* وقف عند الباب * سلمى اسمعيني انا والله م كنت عايز اغصبك عليا امي اللي صممت عليكي ومكنتش قادر اعارضها بس اختيارها كان صح انتي فعلا مش زي حد ،، انا هفضل موجود وهفضل احبك بس مش هخليكي تحسي إني جابرك عليا و.. وهطلق
* قبل م يكمل فتحت الباب *
- بحبك
= ايه !
- لا هي مره واحده بس
= بالله تقوليها تاني
- بحبك يا عبدالرحمن 💕
= يا قلب عبدالرحمن 💕
#سلمى_ياسر