اسكريبتات ل سلمى ياسر

اسكريبت 18

- أنت بتهزر يا عبدالرحمن ؟!!
= إيه يا قلب عبدالرحمن
- لا متثبتنيش بس 😹
= مقدرش والله
- طب ازاي يعني نروح الفرح كده من غير ما يعزمونا !!
= هم مش صحابنا ؟
- اه
= واحنا عارفينهم وهم عارفينا ؟
- اه
= طب الصحاب مش محتاجة عزومة يلا يا سلمي بقاا
"" بصتله وانا مستغربه جنانه ده ازاي نروح فرح مش معزومين فيه ! وايه اللي دول صحابنا ؟ الواد ده اتهبل ! صبرني يارب ""
= يلا يا سلمي بقالك ساعه بتجهزي انتي بتحاربي !
* طلعت دماغي م الباب *
- براحتي لو مش عاجبك طلقني وطلعتله لساني وقفلت بسرعه 😹
= *ضحك * بحب هبله ياربي
- * خرجت م الاوضه * سمعتك ع فكره وانا مش هبلة
= * بصلي اوي * ده انا اللي اهبل وستين اهبل ، ايه القمر داا !
- انا قمر طول عمري
= حصل
- انت بتتريق صح ؟
= لا مقدرش ولله
- قلبي ولله
= بحبك ولله
- اتلم ويلا عشان نروح الفرح بفكرتك المجنونه دي 😹
= طب براحه بس ف ايه
* روحنا الفرح وكان ف قاعه حلوه اوي ومكان هادي وراقي اوي *
مسك ايدي جامد ودخلنا سوا
انا بحب الافراح اوي وبحب شكل العرسان وهم مبسوطين كدا وبيحبوا ف بعض
اول م دخلنا روحنا سلمنا عليهم وباركنالهم وهم مستغربوش وجودنا وفرحوا جدا ، هم صحابنا يعني العريس صاحب عبدالرحمن وانا كنت عارفه العروسه عشان كنا بنتجمع وهم مخطوبين و .. إيه اللي بيحصل داا ؟! عبدالرحمن بيخوني ! طبعا م هو ديل الكلب عمره م يتعدل ومين البت الوحشه اوي دي ، هو بصراحه البت حلوه اوي بس لا بيهزر معاها ليه هو مش عارف ان ضحكته حلوه وانها ممكن تحبه زي م انا حبيته و .. انا لسه هحكي
- روحت وقفت قدامه وخبطتها ف كتفها من غير م اقصد خالص ولله .. ايه يا حبيبي روحت فين ؟
= انا واقف مع بوساا
( بوساا ! بوساا يعبدالرحمن وكمان بتدلعهاا قداامي ) ااه اهلا وسهلاا
= دي سلمي مراتي
< اهلا تشرفنا ، طيب يا بيدو ابقى خلينا نشوفك بقاا
(هي بتدلعه صح ؟ انا سمعت صح مش كدا )
= ان شاء الله هنظبطها سوا
( تظبط ايه انت عبيط يالا )
- يلا نرقص يا حبيبي عن اذنك بقاا وشديته من ايده ومشيت من قدامها وانا بغلي
" هو لاحظ اني مضايقه ف حب يرخم عليا ويضايقني اكتر "
= عسلية بوساا صح !
- *بصتله ب عصبيه وسكت *
"" ضحك وخطف قلبي كالعاده وايه القمر ده اقسم بالله بس لاا مش هضعف ""
= قرب مني وهمس جمب ودني " مفيش احلي منك ومحدش هيخطف قلبي زيك
(انت قاصد صح طب احضنك دلوقتي ولا ايه )
- اه عشان كداا كنت بتهزر معاها وبتدلعها صح
ضحك تاني ودوبت انا خلاص كدا بصتله وانا مضايقه راح حاضني
= انتي الوحيده اللي خطفتي قلبي ومحدش غيرك هيسكن حضني وانا وعدتك وقد كلامي .. بحبك
- حضنته اكتر وهمست بحبك ياسيد الناس
ويعلى صوت تامر حسني وهو بيقول
روح قلبي انا وعدتك وصدقني هكون وياك 💕

* لولا وجودك ما حييت *
#سلمى_ياسر