اسكريبتات ل سلمى ياسر

اسكريبت 47

- مش مستغرب إني عاقلة جدًا في كلامي معاك؟
= مستغرب ومتفاجيء، إيه اللي يجيب واحدة عاقلة بالشكل ده هنا، ده مش مكانك، والغريب إنك جايه بإرادتِك
- عشان ملقيتش حد برا يسمعني فـ قولت مستشفى الأمراض النفسية تساعدني، أنا مش مجنونة ولا اتعرضت لـ صدمة ولا أي حاجة من الكلام ده، أنا مريضة بالوحدة، و ده شيء ملوش علاج في العالم غير إن يبقى ليا ونس، و أنا فشلت إني أساعد نفسي في العلاج فـ قولت أتونس هنا بـ دوشة المرضى
= أنا حقيقي مستغربك جدًا، يعني دكتورة علم اجتماع في جامعة كبيرة ومعروفة والهيئة العامة ليكي كويسة، ليه وحيدة بالشكل ده !
- عشان ملقيتش حد يفهمني و ده ولا بالشكل ولا بالوظيفة ولا بـ أي حاجة، أنا عيشت عمري كله لوحدي فـ كنت بستغل وقتي في المذاكرة عشان من وجهة نظري إني بعمل حاجه مفيدة ليا، لحد ما وصلت لـ لقب دكتورة وساعتها حسيت قد إيه أنا وحيدة لما ملقيتش حد أشاركه نجاحي وفرحتي بـ اللي وصلتله، أنا أهلي ماتوا وأنا صغيرة وأخواتي كانوا كُبار فـ اتجوزوا ومفضلش غيري و رغم إني أصغر واحده فيهم بس محدش فكر في يوم يطمن عليا .. كإني مُت مع أهلي، مزعلتش منهم .. الدنيا بتلهي وهما عندهم عيال وأشغال بردو بس مش لدرجة أنهم ميسألوش عليا .. حتى لو مرة في السنة !
= طب ليه مفكرتيش تكلميهم أنتي؟
- كنت بكلمهم وأروح أزورهم بس كنت بحس إن وجودي تقيل فـ بطلت أروح لحد وكملت لوحدي، أنا أساساً متعودة
= طب أنتي مش ناويه تخرجي من هنا؟
- مليش حد أخرج عشانه ولا حاجه تخرجني من هنا وتغير حالي، هخرج أرجع شغلي و وحدتي تاني وأنا مبقيتش عايزه أحِس بالوحدة
= بس أنا عندي رأي تاني
- إيه هو؟
= إنك تتجوزي
- كل اللي قابلتهم كانوا حابين لقب "الدكتورة" و الفلوس اللي عملتها طول السنين اللي فاتت من شغلي بس مفيش ولا واحد كان عايزني لـ كوني 'أنا'
= طب تتجوزيني؟
- !!!
= أنا عايزك لـ كونِك 'انتي' أنا مش محتاج لقب "الدكتورة'' في حاجه لإني دكتور أساساً بس أنا للأسف من أول مرة خالفت قوانين الطِب وحبيتِك فـ بما إنك أصلا سليمة موافقة تخرجي من هنا على بيتي؟
- يعني أنت مش هتقول إني مجنونة زيهم!
= ما الناس بتقول عليا مجنون بردو عشان شغلي هنا فـ شايفين إني بقيت زي المرضى
- قصدك إننا هنبقى اتنين مجانين
= نخليها مجانين حُب
- مش خايف على نفسك مني؟
= خايف على حياتي من غيرك، ها تتجوزيني يا دكتورة ؟
- موافقة يا دكتور ")

#سلمى_ياسر