اسكريبتات ل سلمى ياسر

اسكريبت 32

- بتبصلي كده ليه ؟!
= مش مصدق
- مش مصدق إيه !
= إنك بقيتي مراتي اخيرا
- بقيت بتاعتك لوحدك
= تعبت اووي .. اووي
- وربنا عوضك في كل حاجة
= هو عوضني بيكي وانتي اللي ساعدتيني في كل حاجة ، فاكرة لما كنت بزهق واقولك انا تعبت من الشغل ؟ كنتي بتسمعي كل اللخبطة بتاعتي وكلامي اللي كله تعب ووجع وتقوليله ربنا هيهون عليك وهيرزقك مرة واحدة حاجات كتير تفرحك .. اول حاجة رزقني بيها كانت انتي .. اول ما سمعت جمله *بارك الله لكما وبارك عليكما وجمع بينكما في خير* عيطت .. عيطت كتير اوي مكنتش مصدق إنك بقيتي مراتي .. بعد التعب ده كله خلاص اتجوزتك وبقيتي مراتي ، عمري ما كان نفسي في حاجة قد ما كان نفسي اوصلك .. اوصل لحضنك .. حضنك الحاجة الوحيدة اللي بتهون كل حاجة وبيشيل كل التعب
- بدموع - تعبت عشاني كتير واستحملتني كتير اوي ، عمرك ما زهقت مني ، كنت بتبقى راجع من شغلك هلكان ولو حسيت من كلامي إن فيا حاجة كنت بترمي كل الوجع والتعب وتفضي نفسك ليا وتسمعني وتصالح فيا مع إن مش انت اللي مزعلني بس فكرة إني زعلانة كانت بتضايقك .. عمري ما اتمنيت حاجة قد ما اتمنيت ابقى مراتك ، ابقى جمبك في كل وقت .. وانت فرحان ، زعلان ، مهموم .. ابقى جمبك على طول واخفف عنك واشيل معاك الهم والوجع ده
=طول عمرك جمبي وعمرك ما سبتيني ، ده انتي كنتي بتسيبي اللي وراكي وتفضي نفسك ليا وتفضلي معايا طول اليوم تطمني عليا وعلى اكلي وصحتي .. انتي امي وبنتي وحبيبتي
- انت كل الدنيا ، اي حاجة مهما كانت غالية متجيش جمبك حاجة انت اغلى واهم حد عندي ، انت بالناس كلها يا سيد الناس وسيد قلبي
= بحبك يا بنوتي ، يا أحلى حاجة حصلتلي في حياتي 💕
- بحبك يا روح الروح 💕

لولا وجودك لما حييت♥️🌏
#سلمى_ياسر

" لو عجبكم الاسكريبت متنسوش تدعمونا بفولو ولايك 💛 "