اسكريبتات ل سلمى ياسر

اسكريبت 12

- سلمى هو أنا وحشه ؟
= ليه بتقولي كده !
- ردي على سؤالي ، انا وحشه ؟!
= لا أنتي مش وحشة ، أنتي جميلة ")
- طب أنا تخينه زيادة عن اللزوم ؟
( بصتلها كام ثانية استوعبت فيهم سبب سؤالها ،مريم مخطوبة قريب وهي وزنها زيادة )
= هو محمد قالك حاجة على شكلك ؟!
( عينيها بدأت تدمع وبصتلي بكسرة وجعتلي قلبي )
- محمد قالي إنتي تخينه أووي ومش بتبطلي أكل ومفكرتيش حتى تخسي عشان اتخطبتي وإنه مستحملني على أمل إني أخس
= سيبيه
- انتي بتقولي إيه؟!
= بقولك سيبيه يا مريم ، اللي ميشوفكيش حلوة في كل حالاتك يبقى ميستاهلش يفضل في حياتك يوم زيادة ، أنتي كيرڤي مش تخينه وتتحبي أصلاا زي ما انتي واللي ميحبكيش زي ما انتي يبقى ميستاهلش تبقي معاه ، أنتي جميلة  بروحك مش بشكلك يا حبيبتي ")
( سكتت شويه وخدت نفسها براحة ورفعت عينيها بصتلي )
- بس أنا بحبه يا سلمى
= وهو مش بيحبك ! لو بيحبك مكانش خلاكي تبقي كده أصلاً ، افكرك بموقف قديم بيني انا وعبدالرحمن .. لما تعبت فجأه وروحت المستشفى وجسمي بدأ يقل لحد ما بقيت مش موجودة أصلا ، هو سابني في المستشفى ومشي ؟!
- لا ده هو فضل يقولك كلام حلو وقد إيه أنتي حلوة ومهما كنتي هتفضلي جميلة في عينه وإنه بيحبك زي ما أنتي
= أنا وهو فين دلوقتي ؟
- متجوزين ومبسوطين الحمدلله
= فهمتي قصدي ؟!
- ااه فهمت
( خدت نفس طويل وطلعته ببطء ومسكت موبايلها كتبت حاجة وسابته .. عدا شويه والموبايل رن .. )
- ألو .. ، ايوه مقتنعه .. ،ااه مش عيزاك وحاجتك هجهزها تعالى خودها وكل شيئ نصيب يا محمد .. ، مع السلامة
( قفلت وحطت الموبايل جمبها وبصتلي بضحكة غريبة )
- انا مش زعلانه ، انا واثقه إن ربنا هيعوضني بحد أحسن منه بكتير
( قبل ما اتكلم لقيت الباب بيتفتح وعبدالرحمن داخل هو وأحمد صاحبه )
= اتأخرت ليه يا عبدالرحمن الأكل تلج
• معلش يا حبيبتي والله أحمد كان وراه مشوار و.. ، أحمد ؟ يا أحمد ؟
أحمد : هاا ! إيه يا عبدالرحمن عايز ايه ؟
• متنح كده ليه ؟
أحمد : لا ابداا مفيش حاجة ، بقولك إيه هي مين البطل دي ؟
( بصتله وضحكت ولفيت بصيت ل مريم لقيتها بتضحك )
= تعالى معايا يا عبدالرحمن نجيب الأكل
( فهم انا بقوله كده ليه و روحنا نجيب الاكل )
أحمد : هو القمر سنجل
- كنت من كام دقيقة مخطوبة
أحمد : يعني بقيتي سنجل
- بالظبط
أحمد : طب ما تجيب مع الاكل شربات بقا يا بوودي 😹💛
💛 لولا وجودك ما حييت 💛
#سلمى_ياسر