اسكريبتات ل سلمى ياسر

اسكريبت 38

- يابني بطل زن بقا يخربيتك كفاية عياط هلاقيها منك ولا من أمك
= بتقول حاجة يا حبيبي
- لا يا قلبي ده انا بلاعب مالك
= اه بحسب
- لا متحسبيش يا قلبي ، اسكت بقا عايز أناام ، انا ايه اللي خلاني اتجوز بس ياربي .. هي عيوطة وجابتلي عيل عيوطة زيها ألاقيها منين ولا منين زهقتوني
= انت بتتريق عليا انا وابني يا أحمد !
- لا يا قلب أحمد مقدرش
= انا عيوطة ! وزهقتك ! لا وانت اللي فرفوش اووي ومقضيها ضحك ده انت قعدت ساعتين تتخانق معايا عشان سلمت على ابن عمي
- ما انتي تسلمي عليه ليه ؟! انتي عارفه إني مبحبوش اصلا
= ولا هو بيطيقك
- احسن بردو ، ومتسلميش عليه تاني
= هنبدأ بقاا
- ايوه يا سلمى هنبدأ ومشوفكيش بتسلمي على ابن عمك الغتت ده تاني اديني قولت
= اه إن شاء الله
- اديني قولت وخلاص وابقي متسمعيش الكلام كده
= هتعمل ايه يعني ؟ هتضربني !
- لا انتي عارفه إني مش هضربك ولا عمري هعملها اصلا عشان مش هتهوني عليا
= حنين اوي يا واد
- *بصلي شويه وخد نفس * تنكري ؟
= انكر إيه !
- إني حنين
= * سكت شويه * ،، لا مش هنكر انت طيب وحنين جدا بس قلبتك وحشه اوي يا أحمد وانت عارف إني بتعب كده

- عشان بحبك وبغير عليكي وانتي عارفه إني مبحبش انك تتكلمي مع راجل غيري ولا تسلمي على حد ولا تضحكي في وش حد ، يا سلمى قدري إني عايزك ليا لوحدي

= بقدر وبسمع الكلام بس لما بتحط ف موقف وبيبقى غصب عني اتعامل واتكلم انت بردو بتضايق وتزعل وتتخانق معايا مع إن انا اللي باجي احكيلك مش بتعرف من برا يعني

- بس فكرة إنك تكلمي راجل غيري دي بتضايقني ، ليه حد يكلمك ويفضل يبصلك كتير ويشوف ملامح وشك وضحكتك ؟ ليه حد يطول معاكي في الكلام ؟ ليه حد يسمع صوتك وصوت ضحكتك ؟ ليه حد ياخد جزء منك وهو من حقي انا !

= انت عارف إن محدش هياخدني منك ولا هحب غيرك ، يا أحمد انا بحبك انت ومتجوزاك انت ومالك ابننا اللي كنا بنحلم بيه يعني انا من ساعة ما عرفت يعني إيه حب كان على ايدك ، تفتكر إني ممكن ابعد عنك او ابص ل غيرك حتى !
- مش هتبصي ل غيري وانا واثق فيكي بس بغير ، بغير وغيرتي بتقتلني ، انتي ليا انا يا سلمى
= اللي يشوف كلامك ده ميشوفش وانت مش طايقني انا وابنك
- مش حكاية مش طايقكوا بس الواد زنان اوي يا سلمى ، مش عارف انام منه
= عشان تحس بيا وبالتعب اللي انا فيه
- ما هو ابنك
= يعني هو ابني لوحدي ؟! هو مش ابنك !
- لا ده زنان وعيوطة زيك
= بردو بتتريق عليا !
- لا دي حقيقة
= ولما اعيطلك دلوقتي هتتبسط ؟
- اه
= هتتبسط عشان بعيط ! اللهم لا اعتراض يارب ليه
- مش هتبسط عشان بتعيطي ، هتبسط عشان لما بتعيطي بتحضنيني
= طب ما انا لما بفرح بحضنك بردو
- بس انتي بتعيطي اكتر
= عشان تعرف إنك منكد عليا عيشتي
- انا يا بنتي ؟!
= ايوه يا عدو الفرحة
- انا اللي عدو الفرحة يا كائن كئيب وعيوطة
= بردو بتتريق عليا ولله ل اعيط
* بدأت اعيط *
- لاااا اناا اسف لاا بالله خلاص انا حيوان اصلا خلاص متعيطيش
= لا اوعاا كده انت بتزعلني
- اسف والله متعيطيش عشان خاطري ، انتي عارفه مبقدرش اشوفك زعلانه
= وبتزعلني ليه بقا !
- مش قصدي والله انا اسف
= لا انت رخم
- قلب وروح الرخم
= يا أحمد متثبتنيش انا زعلانه
- أحمد بيموت فيكي والله
= وانا بحبك اصلا مع إنك رخم يعني
- قلب الرخ...
*مالك بيعيط *
- سلمى خدي ابنك وروحي عند ابوكي
= انت لا يمكن تكون جوزي قره عيني
- ده انا اللي عيني طلعت بسببك انتي وابنك
= انت جوز مش جدع
- عارف
= مش بحبك
- مش مهم
= ايه ؟!
- على ابوكي يا سلمى عايز انام
= ليه يارب اتجوز شلحف كده
- قلب الشلحف ، على بيت ابوكي ومتجيش غير بعد اسبوع اكون عملت ريفريش كده واقدر استحمل كآبتك انتي والواد اللي طلع زيك ده
= ابو تقل دمك
- طفي النور وانتي خارجة
= اقتلك ؟ هتتبسط
- ما دام بعيد عن زنك انتي وابنك هبقى مرتاح
= طلقناااي
- طفي النور واقفلي الباب وراكي كويس
= يا باباااا
- انا ولا حمايا
= لا ابويا الحقيقي حبيبي اللي مبهونش عليه
- ده انا ، خلاص تعالي متزعليش
= ومالك
- اهو اتخمد الحمدلله وريحنا
= مش طايق الواد ليه !
- عشان بياخدك مني
= لاا مش هتثبت لااا
- بحبك يا بت والله
= اتثبت خلاص
- قلبي يا ناس
= روح قلبااي
- على بيت ابوكي بقا
= انت اتجننت ؟ طب بقيت جوزاء وانا معرفش ؟ طب شارب إيه فهمني
- ....
= نام المهزء
- قلب المهزء ، طفي النور ويا تيجي تتخمدي يا على بيت ابوكي
= لا اتخمد احلى
- طب تعالي يلا "" خدني في حضنه "" بحبك وبحب هبلك
= ومبتحبش مالك !
- بحبه ، ده كفايه انه منك
= بحبك 💛
= دايب في ست البنات 💛

💛👑 لولا وجودك ما حييت 👑💛
#سلمى_ياسر
" متنسوش لو عجبكم الاسكريبت تدعمونا بفولو ولايك 💛 "