اسكريبتات ل سلمى ياسر

اسكريبت 40

- بتعيطي ليه ؟
= مبعيطش
- اومال ايه ده حاطه قطره !
= ياسمين متهزريش عشان انا مضايقة
- مضايقة ليه ؟ في ايه ؟
= عبدالرحمن
- مالو ؟
= وحشني اوي يا ياسمين
- يا ولي الصابرين ، هو مش انتي اللي عايزه كده ؟
= ايوه
- طب ايه بقا !
= يا ياسمين وحشني ، انتي عارفه انا بقالي قد إيه مشوفتوش  ومعرفش عنه حاجة ! بقالي قد إيه مسمعتش صوته وشوفت ضحكته ! بقالي قد إيه مش عايشه في تفاصيله !
- مش انتي اللي عايزه كده ؟ استحملي بقا
= قومي امشي يا ياسمين
- انا بتكلم بجد على فكرة ، انتي اللي اختارتي
= ما هو مكانش ينفع نفضل نتكلم كده ، ده حرام ، ده إحنا ازهر حتى وعيب علينا
- وبعدين
= طب ممكن تسمعيني وتسيبيني اتكلم براحتي ومتقاطعيش كلامي ؟
- اتفضلي
= عبدالرحمن كان اكتر واحد جمبي
- هوا انا !
= شوف البت بقولها متقاطعنيش
- معلش كملي
= عبدالرحمن ده اعظم حاجة حصلتلي في حياتي ، هو اطيب واحن حد شوفته في حياتي ، كان بيتعصب وبنتخانق بس كان بيصالحني لما ازعل ومكونتش بهون عليه، كنت بحبه وبحترمه اكتر لما يعمل كده ، كنت لما اقولو انت مستحملني ازاي بكآبتي دي كان يقولي فين الكآبة دي انتي قمر اهو ، كان متقبلني زي ما انا ، محاولش يغير فيا حاجة ، كان جمبي ومعايا طول الوقت ومالي حياتي ، دنيتي كانت بتتلخص في شخص واحد " عبدالرحمن " طبيعي لما يبعد أحس إني يتيمة ومليش حد ولوحدي ما هو محدش هيعوض مكانه
- ده انتي واقعة خالص ايه ده !
= ما انا لما وقعت كده غلطت وكلمته وربنا عاقبني ببعده عني
- بس هو بيحبك
= ما انا عارفه بس هو فين دلوقتي ؟ معرفش عنه حاجة ، اختفى .. مشي وقلبي راح معاه
- هيرجع يا سلمى إن شاء الله
= بدعي ، بدعي كتير اوي إنه يجيلي وربنا يهديه ويصلح حالو قبل حالي
- ربنا يهديكوا انتو الاتنين ويفرحكوا ببعض
= يارب
- انا هقوم امشي بقا
= ماشي يا ياسمين

( قامت مشيت وانا فضلت قاعدة في الدوامة بتاعتي .. دوامة حبي ل عبدالرحمن ، قومت اتوضيت وصليت ودعيت ربنا كتير بيه .. مش عايزه غيره يارب )

* واصلحني واصلحه فنلتقي صالحين ♥️ *
نزلتها على صفحتي ونمت وقومت على آذان الفجر صليت ودعيت بيه بردو ، انا بدعي ربنا يجمعني بيه في كل ثانية

' ربنا صلحلي حالي ، هنتجمع امتا بقا ؟ '

لقيت تعليق بـ صفحة مش غريبة عليا ! صفحة عبدالرحمن ! بس دي مقفولة من زمان ! معقول .. معقول رجع !

( بعتلي مسدج )

' رجعتلك زي ما كنتي بتتمنيني ديما ، مترديش انا مش عايزك تردي بس عايزك تعرفي إني مستحيل كنت أكمل من غيرك '

( قومت صليت تاني وشكرت ربنا على رجوعه  ونمت وانا مبسوطة .. لأول مرة من بعد غيابه افرح .. وفرحت برجوعه )

< سلمى
= نعم يا بابا
< جايلك عريس وهييجي يقعد معانا بليل
= حاضر يا بابا

( جهزت على المعاد ومعرفش ليه لبست الفستان اللي عبدالرحمن بيحبه ! فستان أبيض وفي فرع ورد من النص ولبست طرحة بنفس لون الورد وطلعت )

< السلام عليكم
< وعليكم السلام

'' هو مردش ليه هو اطرش ! لا يكون مسيحي وجاي بـ
الغلط يختااي ''

<اقعدي يا سلمى ، انا هسيبكوا مع بعض شويه

( فضلنا ساكتين شويه لحد ما بدأت أشك إن في حاجة غلط ! )

• هتفضلي باصة في الارض ومتوترة كده ؟
= عبدالرحمن
• ايوه عبدالرحمن ، عبدالرحمن اللي جننتيه بيكي وبعدتيه عنك بس عارفه ؟ ايامي مكانش ليها طعم من غيرك ، كانت كلها شبه بعض ولون واحد
=....
• ضحك - لسه مستغربة مش كده ؟

'' طب ده بيضحك ليه دلوقتي ! هو مش عارف ضحكته دي بتعمل فيا إيه ! ''
• هتفضلي ساكتة ؟
= أقول إيه ؟
• قولي موافقة

( ضحكت ومردتش  )

• متقدريش ترفضيني اصلا
= ليه يعني !
• هقولك بعدين ، عم ياااسر
< ايوه يابني
• بص يا عم ياسر انا عايز نكتب الكتاب على طول بقا عشان ناخد راحتنا كده
< طب استنى يابني نشوف رأي العروسة إيه ، ها يا عروسة ؟
= اللي حضرتك تشوفه يا بابا
• بااس كده اهي موافقة ، ها كتب الكتاب بكره ؟
< بكره إيه بس يابني خليها الاسبوع الجاي
• لا مش هقدر هو بكره ، وافق يا عم ياسر بالله
< توكلنا على الله
• طب انا هقوم بقا واجيلكوا بكره اخد مراتي

( قام مشي وبابا فضل يبصلي ومستغرب اللي عملُه وانا قومت دخلت اوضتي والفرحة مالية قلبي )
= يا يااااسوووو
- اييييه وداااني
= كتب كتابي بكره هييه
- كتب كتاب مين ؟
= كتب كتابي
- امتا ؟
= بكره
- على مين ؟
= عبدالرحمن طبعا
- احلفي
= والله
- هو عبدالرحمن رجع
= رجعلي تاني ، رجع لـ قلبي
- انتي بتهزري صح ؟
= هتيجي بكره تشوفي ، هستناكي من الصبح

( مكنتش عارفه انام من فرحتي ، بكره هبقى مراته ، هبقى حرم عبدالرحمن باشا قلبي ، صليت وشكرت ربنا كتير اوي ونمت )
صحيت تاني يوم والفرحة باينة على وشي وفي صوتي وضحكتي اللي مفارقتش وشي لحظة '')

"" بارك الله لكما وبارك عليكما وجمع بينكما في خير ""

ملحقتش اعمل اي حاجة لقيته جيه وخدني في حضنه وفضلنا كده ، كنا بنعوض الفترة اللي بعدنا فيها ، فضلت متبتة فيه ومش عايزة اطلع من حضنه ، عايزه افضل جواه واعيش عمري كله بين ايديه وليه ومعاه ♥️

• بقيتي مراتي
= اخيرا
• وحشتيني اوي .. اوي يا سلمى
= استنيتك كتير
• تعبت كتير عشان تبقي في حضني دلوقتي
= بحبك 💕
• مجنون بيكي 💕

لولا وجودك ما حييت ♥️🌍
#سلمى_ياسر
" متنسوش لو عجبكم الاسكريبت تدعمونا بفولو ولايك 💛 "