اسكريبتات ل سلمى ياسر

اسكريبت 11

- مين اللي كان بيكلمك ده ؟
= احمد زميلي في الشغل
- ويتصل بيكي بتاع ايه سي زفت ؟
= بيسألني على حاجة يا عبدالرحمن في ايه !
- في ايه كمان انتي اللي مش عاجبك يا هانم ؟!
= انت بتتكلم كده ليه في ايه لكل دا !
- في ان ازاي راجل غريب يتصل بحضرتك كده مليش لازمه انا !
= عبدالرحمن ده زميلي في الشغل وسألني علي حاجة في الشغل وقفل انت مكبر الموضوع
- اه معلش ما انا تافه
= يووه انا داخله انام
- لما اكلمك متسيبينيش وتمشي خدي هنا
= انا مش قادره اتخانق تصبح علي خير يا عبدالرحمن * شدني من ايدي جامد ووقفني *..
- لو اتحركتي من قدامي وانا بكلمك تاني اعتبري نفسك طالق
= طالق !! بتهددني بالطلاق يا عبدالرحمن
- ايوه
*بصتله ل دقيقه ودموعي نازله على خدي ودخلت الاوضه وقفلت الباب*
-  سمعته بيقول من برا ارجع من الشغل الاقيكي واخده حاجتك وعند ابوكي !!
" للدرجه دي انا مش فارقه معاك وبتطلقني لسبب تافه كدا ده انت وعدتني انك عمرك ما هتزعلني اصلا الحمدلله علي كل حال ونمت معيطه *
صحيت مصدعه جامد ببص جمبي ملقتهوش مسكت دماغي وقومت وافتكرت اللي حصل عيطت تاني مش مستوعبه ان هو ده عبدالرحمن اللي حبيته واتجوزته واللي عدينا مشاكل كتير عشان نبقى لبعض قومت اتوضيت وصليت ولميت حاجتي وروحت بيت بابا .. اول ما شافوني بالشنطه اتخضوا ازاي سلمى جايه بشنطتها ومعيطه كده ده عبدالرحمن كان بيتمنالها الرضا ترضى !! قعدت اعيط ف حضن ماما وحكتلها ع اللي حصل
بابا سمع للاخر وقالي ده كل اللي حصل
= ايوه
- زميلك ده كويس
= ايوه يا بابا حضرتك عارفه ده احمد زميلي من زمان
- ماشي انا هسمع منه واشوف
= يا بابا ده طلقني
- بس هيفضل ابني بردو
= بس..
- خلاص يا سلمى ادخلي ارتاحي دلوقتي
= حاضر ،، *قومت دخلت اوضتي ورميت نفسي ع السرير وقعدت اعيط بردو ما انا مش متخيله ان عبدالرحمن يطلقني بسهوله كده عشان سبب تافه زي دا * ونمت من التعب ،، صحيت على صوت باب الاوضه بيتهبد ولقيته عبدالرحمن .. ده جاي ليه بقا مش اتطلقنا
= نعم
- بعصبيه .. مشيتي ليه
= ما انت قولتلي لو اتحركت هبقى طالق وانا اتحركت ف احنا مطلقين
- انتي مفكره اني هسيبك بسهوله كده !
= ما انت طلقتني عايز ايه تاني ؟
* لقيته بياخد نفس ويهدي نفسه وبصلي ب حزن *
- انا بحبك يا سلمي وانتي عارفه انا تعبت عشان اوصلك قد ايه واتبهدلت ومكنتش بنام بشتغل بس عشان تبقي ليا تبقي مراتي ، انا بغير عليكي من الهوا بس ده مش شك ولله ده حب مش عايز حد يشاركني فيكي مش عايزك تكلمي راجل تاني ليحبك ، انتي محدش يحبك غيري ، انتي ليا انا ، انتي كل حاجة ليا والله وحقك عليا قومي تعالي معايا ولله ما اقدر اقعد ثانيه واحده في البيت من غيرك
*عيونه بدأت تدمع ف وجع قلبي عليه .. عيطت انا كمان واترميت ف حضنه ف خباني جواه *
- مليش غيرك يا سلمى من غيرك مش هعيش 💕
لولا وجودك ما حييت
#سلمى_ياسر