اسكريبتات ل سلمى ياسر

اسكريبت 28

- أحمد انت مش بتحبني ليه ؟
= مين قال كده انا بحبك طبعاا
- بس بتحبني ك اخت وصاحبة ، صح ؟
= ايوه يا سلمى في ايه !
- في إني بحبك
= ما انا عارف
- بس مش ك صحاب واخوات
= عارف
- ولما انت عارف بتكلم بنات ليه ؟
= عشان تغيري عليا
- لا يا راجل !
= اه والله ، عارفه ؟ شكلك بيبقى حلو اوي وانتي غيرانه كده ، بتفضلي تبصيلي وتبصي ل البنت اللي واقفة معايا وبتبقي عايزه تقتليها ، بيبقى باين ف عنيكي الغيره وانا بحب كده جدا
- بتحب تضايقني !
= لا بحب اشوف حبك ليا ف عيونك ، لما ببقى واقف مع بنت عنيكي بتفضل تتكلم وتقول هو ليا لوحدي 🔐 انا بحب نظرتك دي
- م هو انت ليا لوحدي فعلا ، م هو مينفعش بعد كل ده حد يشاركني فيك يا أحمد والله ما ينفع ، مين هتصحى قبل معاد شغلك عشان تصحيك وتفضل معاك لحد ما توصل وتفضل تطمن عليك كل شويه وتهتم بأكلك وصحتك وتقولك رأيها في صورك ولبسك ، مين هتبقى أمك وبنتك وصاحبتك ، مين هتبقى كل ده ؟!
= قصدك مين هتبقى انتي ؟ مين هتبقى سلمى ♥ عارفة ؟ انتي الحاجة الحلوة اللي ف حياتي ، انتي اللي بتنوريلي الضلمه اللي في حياتي ، بتهوني عليا اي حاجة مهما كانت صعبة ، بتعرفي تخرجيني من اي حاجة بضحكتك بس .. وجودك أهم من وجودي
- * عيطت * محدش هيحبك اكتر ما انا بحبك
= مش عايز حد يحبني غيرك ، ومش عايز احب حد غيرك
- هتبطل تقف تهزر مع بنات ؟
= انتي ست البنات 👑
- هتبطل تضحكلهم ضحكتك الحلوة دي ؟
= ضحكتي حلوة عشان شايفك 💛
- هتتجوزني ؟
= خطوبتنا اخر الاسبوع اصلاا
- ازاي
= مش ابوكي قالك في عريس جاي وهو موافق وانتي كنتي زعلانة ومضايقة وصممتي ترفضيه ؟
- ايوه!
= اتفضلي روحي قولي ل ابوكي إنك موافقة علي العريس عشان نروح نجيب شبكة السنيوريتا بتاعتي
- هو انت ال..
= ايوه ياختي انا
- بتهزر صح ؟!
= روحي اسألي ابوكي
- انا بحبك ، بحبك اووي
= انا دايب فيكي وفي ضحكتك الحلوة دي 💛

💛👑 لولا وجودك ما حييت 👑💛
#سلمى_ياسر
" متنسوش لو عجبكم الاسكريبت تدعمونا بفولو 💛 "