اسكريبتات ل سلمى ياسر

اسكريبت 39

- سلماااة
= آخر مرة والله
- هو إيه اللي آخر مرة؟
= ما أنت لما بتندهلي كده بيبقى في مصيبة
- لا ده عشان تسمعي بس
= يا أخي منك لله خضتني
- ادعي عليا يا مهزءه ادعي
= والله يا عسل ما في مهزء غيرك
- هزعلك
= قلبك أبيض بقى
- هعديهالك
= ايوه عايز إيه بردو
- تعالي معايا
= فين؟
- رايح فرح
= أنا كـ سلمى مالي!
- أنتي مش البيست؟
= على حسب
- على 7 كده تكوني جاهزة عشان هعدي عليكي
= سبعة إيه إحنا هنهزر، ده الساعة 3 وإحنا لسه في الجامعة
- ما إحنا هنمشي دلوقتي
= مش هلحق أجهز يا أحمد، لسه هشوف الفستان اللي هلبسه والميك آب شكله إيه وكده
- ميك آب إيه يا سلمى أنتي هتمثلي أنتي ملكيش خُلق لـ الكلام ده أصلا
= حاسه إني مش طيقاك سيكا
- خلصانه اتفقنا
= مش هاجي
- الساعة 7
= بقولك مش هاجي
- إلبسي الفستان الأسود
= أنت أطرش بقولك مش هاجي
- عليه طرحه لونها ابيض و شوز نفس اللون
= أحماااا
- عيونه
= روحني

( مشينا من الجامعة وإحنا ساكتين، أنا بفكر هعمل إيه لما أروح وهو باصصلي بس، كإن العالم كله بقى أنا ! ♥️ )

- الساعة 7 هبقى هنا

( هزيت دماغي من غير ما أتكلم وطلعت، أنا كُل تفكيري في الفرح وتجهيزاتي، اللي افتكرته بـ ذاكرة السمكة اللي عندي إن ده فرح صاحب عُمره، أقرب حد لـ أحمد ♥️)

( الساعة 7، موبايلي بيرن )

= ايوه
- أنا تحت مستنيكي
= نازله

( بصيت على شكلي آخر مرة قبل ما أنزل و روحت ناحية الباب، نزلت على السلم براحة عشان مقعش من طول الفستان، وصلت لـ آخر السلم كان واقف مستنيني، لابس بدلة سودة وكالعادة.. شكله حلو! مد إيده عشان يسندني فـ مسكت إيده ووقفت قدامه، عيونه كانت بتبصلي بحُب بيداريه كالعادة وإنبهار بـ شكلي اللي بيشوفه قليل وأنا لابسه فستان وحاطه ميك آب و .. )

- أميرتي
= إيه؟!
- أميرة قلبي، كُل مرة بنروح فيها في حته بشوفك مُبهرة حتى لو تجهيزاتك بسيطة، جمالك مش محتاج ميك آب، بحب الفستان ده من ساعة ما جبناه سواا وشوفته عليكي أول مرة، أينعم مروحتيش خطوبة صحبتك ساعتها عشان تعبتي، بس الفستان اتشال لـ يوم حلو'')

'' لولا عيناك ما وقعتُ بِك؛ فعيناك تصف عِشقك ليّ.♥️''

( استكفيت بـ ابتسامة وأنا بدوس على إيده بهدوء عشان نمشي، اتحركنا ناحية العربية، ركبنا و بعد شويه وصلنا، نزل فتحلي الباب ومسك أيدي عشان ندخل )

'' أشعُر بإنني أجمل فتيات العالم بجانبك.♥️''

( دخلنا القاعة، قصاد الباب على طول صاحبه وخطيبته، بصيتله ثواني وبعدين بصيتلهم تاني، سلمنا عليهم وهزرنا شويه وجيه وقت رقصتهم،اشتغلت أغنية 'صدقني خلاص' لـ عمرو دياب، سدني من ايدي عشان نرقص سوا )

🎶صدقني خلاص من بين الناس حبيتك واختارتك ليا ، طول ما أنا وياك قدامي ملاك خلتني مغمضش عنياا 🎶

الأغنية لسه مخلصتش، نزل على ركبته وفي ايديه خاتم، أحلى خاتم ممكن أشوفه في حياتي )

- تتجوزيني ؟ ♥️

( ضحكت وعيني دمعت فـ لبسني الخاتم و قام وقف )

- أنا عارف إني مكونتش ببين حُبي ليكي بس والله بحبِك، بغير عليكي بس بداري عشان خايف أخسرك لحد ما أتأكدت إن انتي كمان بتحبيني فـ قولت أخد خطوة نحيتك وجت خطوبة صاحبي تساعدني، أنا بحبِك وعايزك معايا طول عمري، بـ دبشك وجنانك وجوزائيتك ونكدك وهبلك و ضحكتك الحلوة دي، عايزه بعيوبك قبل مميزاتك وبحبِك مهما كنتي، ها تتجوزيني؟♥️

( هزيت راسي بـ ااه، ولقيت أهلي موجودين في الفرح وعارفين بالخطة بتاعته )

= من بين الناس ..
- حبيتك واختارتك ليا♥️

لولا وجودك ما حييت♥️🌏
#سلمى_ياسر

" متنسوش لو عجبكم التفاعل تدعمونا بفولو ولايك 💛 "