اسكريبتات ل سلمى ياسر

اسكريبت 6

- انتو صحاب مش جدعه
....
-انتو يا بقر بكلمكوو
رضوى : ما تتلمي يست كخه ف ايه !
- يا رضوى م انتو مش عايزين تساعدوني بقولكو بحبه
سما : سلمي انتي بتكراشي ع خمستلاف واحد ف الخروجه الواحده ف ايه ؟
- انتو بيستات مش جدعه بردو
رضوى : ايوه انا مش جدعه فعلا انتي مش بتكدبي
سما : متطلعيش الجوزاء علينا الله يباركلك
- هروح اقوله بحبك وافضحكو ولله اروح
....
- انتو ليه مهزءين بس حد يفهمني
* وصلنا الجامعه وهم مش معبرني بردو *
انتو ازاي بيستاتي فين الخطط فين الافكار فين الكراش القم... ، لسه مكملتش الجمله لقيته ف وشي واقف مع صاحبه وبيضحك
ايه القمر ده يخربيت حلاوتك ♥️ اخطفك طيب هتتبسط كده ؟!
لقيت سما بتشدني وبنمشي
: عينك بقت عنده اتلمي
- م هو حلو اوي يا سما صح يا رضوى ؟
رضوى : هو من ناحيه حلو ف هو بططل 🔥
اقتلك يا رضوى هتتبسطي ؟
- طب يلا نروح نشوف العيال فين بطلوا رخامه
* روحنا قعدنا مع صحابنا وطلبنا اكل وفجاه لقيته قاعد ف الترابيزه اللي قدامي *
نعم يعني ؟ هو جيه امتاا ! وايه ده بياكل زينا عادي 😹♥️
لقيته قام يجيب بيبسي حلو ده بينا حاجات مشتركه انا كمان بحبه
اتحججت وقومت اجيب بيبسي وروحت وقفت بعيد عنه شويه م انا مش مدلوقه للدرجه دي انا بس لو قربت هحضنه مش اكتر
جاب البيبسي وماشي ولقيته بيضحك لحد ورايا بصيت لقيتها صاحبته 😒 هم مفيش بينهم حاجة ده اللي عرفته من خبرتي اللي مش موجوده اصلاا وايه ده دول ماشيين سوا
طب ينفع كدا يا كابتن تمشي وتسيبني ؟ والعيال طيب
عيال ايه انا مالي ف ايه ،، جبت البيبسي ورجعت قعدت مع صحابي واليوم خلص وروحنا م احنا مش بنحضر اصلا احنا ناس صايعه😹
روحت وبمسك الموبايل لقيت مسدج ف ال other  ف فتحتها من باب الفضول وتنحت !!
د بروفايله دي صورته ايوه انا حفظاها ده انا عايشه وسط صوره
* مش عيب تفضلي واقفه كده وبتضحكي ؟ طب افرضي حد حبك ! اعمل ايه ساعتها *
فضلت نص ساعه بستوعب اللي شيفاه ! هو ده هو بجد ؟ طب انا نايمه ولا صاحيه !
كلمت رضوى ع طول وحكتلها قالتلي مترديش ولا كانك شوفتيها وكالعاده سمعت كلامها طبعا ومكلمتوش خالص لا
- هو حضرتك مين
= لا بجد
- ايوه انا اعرفك ؟
=انتي حفظاني
قفلت الموبايل م الخضه .. سمعت الفجر قومت صليت ونمت
صحيت علي تليفون سما : قومي يزفته بصحي فيكي من بدري
- مثلي بقا عشان صحيتيني مره روحي يلا اتنيلت صحيت
سما : طيب ياختي
* قمت جهزت ونزلت قابلتهم وحكيتلهم ع اللي حصل *
مش قادره اقولكو صحابي مؤدبين قد ايه طب اشتموني طيب طب قولولي انتي غبيه اي حاجة
روحنا الجامعة اول ما دخلت لقيته واقف مع صاحبه وبيضحكوا ولابس قميص اسود قمر اووي مش عارفه عرف منين اني بحب اللون داا بس هو عسليه خالص
( انا نسيت اوصفلكوا عبدالرحمن هو طويل وعنده دقن كدا ولابس نضاره زيي وقمر خالص 😹♥️ )
اول ما شافني راح ضاحك وانا لفيت وشي ومشيت لا مش مشيت انا جريت
لقيته جاي ورايا وبيمسكني من ايدي
- ايه ده ؟ ايه اللي بتعمله ده ؟حاسب ايدي لو سمحت مينفعش كده انت تعرفني عشان ...
= اييه افصلي
- كلمني كويس يا كابتن
= قلب الكابتن ولله
"" ايه ده هو قال ايه انا سمعت صح انا قلبه بجد روح ياشيخ وانت قمر كده ""
- ايوه حضرتك عايز ايه ؟
= عايزك
- نعم !
= شكلك سمعك تقيل وهتتعبيني
- هو انت مبتعرفش تتكلم كويس  !
= لا بعرف احبك بس
-ايه !
= ايه ؟
- ايه ..
* لولا وجودك ما حييت *
#سلمى_ياسر