اسكريبتات ل سلمى ياسر

اسكريبت 17

- يعني إيه الكلام ده ؟!
= يعني انا مش هتجوز غيرك
- بس انا مبحبكش
= هتحبيني
- ايه اصرارك عليا
= بحبك
- وانا مبحبكش
= هتحبيني
- يووه
= احلى يووه دي ولا ايه
- انا مش هتجوزك حتى لو كنت اخر راجل في الدنيا
= افتكري الجمله دي
-فكراها  * سيبته ومشيت * بني ادم مستفز
" انا سلمى عندي 20 سنه في كلية خدمة اجتماعيه مبحبش فكره الارتباط دي وبالنسبالي مشروع فاشل .. ليه ميكلمش بابا على طول ونبقى مخطوبين رسمي احسن ؟ ، اه ونسيت اقول إني كائن دبش جدا "
-هو بيحبني ليه يا رضوى
= بصي يا سلمى اللي هيحبك بسبب هيمشي مجرد ما السبب ده يختفي
-يعني ايه ؟!
= يعني عبدالرحمن بيحبك كشخص ، بيحبك عشان انتي سلمى مبصش بقا إنك لابسه نضاره مثلا او..
- ما هو كمان لابس نضاره
= هتبدأ تتغاشم
- مش هتغاشم بس إيه العيب ف النضاره !
= مش عيب بس في ناس تقول ليه أخد واحده نظرها ضعيف لما ممكن اخد واحده نظرها 6 علي 6  ،، عبدالرحمن مبصش لشكلك هو بص لقلبك شاف الطيبه اللي مستخبيه في الدبش ، شاف الحنيه اللي مخبياها قسوتك مع الناس ، شاف سلمى علي حقيقتها مش اللي بتحاول تبينه للناس
- بس .. بس هو مختلف عني !
= ما عشان تكملو بعض باختلافكو ده
- ويمكن منعرفش نتعامل اصلا لأننا مختلفين !
= انتي لاحظتي إن عبدالرحمن بقا بيروح الاماكن اللي بتروحيها ، بيسمع الناس اللي بتسمعيها ، بقا بيقرأ روايات زيك .. هو بيحاول يحب اللي بتحبيه عشان تبقى هواياتكو واحده
- بس هو بتاع بنات !
= لا هو مش بتاع بنات لانه مش مرتبط اصلا .. صح ؟
- م هو مش مرتبط عشان يخربها براحته
= سلمى
-نعم
= انتي غبيه
- قلب الغبيه
= بصي يا مستفزه هفهمك .. عبدالرحمن مش بتاع بنات هو بس بياخد بالشكل وبيعجبه الظاهر وانتي مختلفه اصلا عن البنات اللي حواليه بس هو لما حبك مبصش لشكلك هو حب سلمى الطفله اللي جواكي ، شاف تلقائيتك واندفاعك ، شاف فرحتك وانتي بتلاعبي العيال الصغيره ، شاف ضحكتك اللي على وشك للناس ، شاف إنك شخصيه نضيفه من جواكي
- بردو مش مقتنعه
= قومي اقتليني ي سلمى في ايه !
- اقولك على حاجة بصراحة
= اتفضلي
- انا كمان بحبه
= وقرفانا ليه لما انتي بتتهببي ؟
- عشان هو بتاع بنات
= معاكي دليل ؟
- لا
= يبقى الراجل ده محترم وانتي اللي مهزءه ومشوفتيش خمس دقايق تربيه على رأي سما 😹
- يعني اعمل ايه ؟
= تديله فرصه
- خايفه
= منه؟
- على قلبي
= عبدالرحمن راجل يا سلمى وانتي مجرباه في كذا موقف
- بس ده في الشغل
= الشخصيه واحده
- بصي لو كلمني تاني هسمعه وخلاص
= ياريت يعني
- خلاص ماشي * قومت مشيت وروحت البيت اتوضيت وصليت وفتحت الفيس *
= هتفضلي تهربي مني كتير
- مش بهرب انا ليا طريق واحد لو عايزني امشي فيه
= وانا همشي فيه حتى لو ماشي على نار
- ليه انا ؟!
= مش عارف ، بس من ساعه ما شوفتك مش عارف اشوف غيرك وقعتيني على رقبتي خلصتي عليا خالص
- بس انا مش نفس دماغك ولا طريقتك
= انا هبقى بنفس دماغك وطريقتك ل اجل ترضي عني وتفتحيلي قلبك
- مش هيتفتح غير ل اللي شاريه وداخل من الباب
*شاف الرساله وقفل * ما هو انا مش هدي قلبي ل اي حد وفي الاخر يوجعني انا فيا من الوجع اللي يكفي وزياده
" مروحتش الشغل تاني يوم وقعدت في البيت وعرفت من رضوى انه مراحش بردو ! طب ليه ؟ "
لقيت ماما بتقولي اقوم اجهز جايلنا ناس
- ناس مين يا ماما ؟!
= معرفش ابوكي اللي قال
- طيب هجهز واطلع
* لبست فستان اسود في ورد سماوي كدا ولبست طرحه نفس اللون وطلعت *
=تعالي يا سلمى دخلي العصير للضيوف
-حاضر يا ماما
*دخلت وبوزع العصير ع الضيوف لقيته بيضحكلي !! هو بيعمل ايه هنا ؟ هو انا بيتهيألي !
بابا : اقعدي يا سلمى
*قعدت وانا مش فاهمه ايه ده ف ايه وباصه ف الارض وساكته وفجأه بقيت انا وهو لوحدينا !!*
=ساكته ليه ؟
- بتعمل ايه هنا ؟!
= بمشي ف طريقك
- يعني ايه ؟!!
= جيت اتدبس ف دبشك
- ايه !!
= طب من غير ايه كتير انا هفهمك *بصتله وسكت ف هو كمل * انا بحبك من اول مره شوفتك فيها ، اول ما عيني جت ف عينك قلبي وقع فيكي ، لقيتك بتهزري وبتضحكي بس لما تحسي إن قدامك هيزود تقلبي وشك ع طول وتخوفيهم ،، ضحك وكمل : كنت بفضل ابصلك من بعيد وانتي بتشتغلي ومركزه في شغلك مع إنك جايه تدريب بس كنتي بتشتغلي كإنك موظفه وعندك مسؤليات كتير ،، حبيت انك بتحبي شغلك وحبيت انك شاطره وملتزمه ومجتهده كمان ولبسك كله فساتين ومش بتحطي ميك اب زي الدهانات اللي في المكان و.. بصي تقدري تقولي اختلافك ده خطف قلبي حقيقي يعني
* انا بسمع وساكته ف كمل : ممكن تستغربيني إني ليه جيتلك انتي رغم إن في ناس احلى بس انا شايفك احلي واحده فيهم وبحب عيوبك قبل مميزاتك ، حتى شكلك وانتي متعصبه بحبه ❤ لقاني ساكته بردو كمل : بصي انا عارف إنك مستغرباني بس انا بجد وقعت ع وشي وحبيتك وياريت تتكرمي وتوافقي عليا 🔥
* بصلي مستني مني اي رد وانا ولا اي اندهاش وبعدين قومت وقفت ف اتخض ووقف *
- هبعتلك الرد مع بابا
= طب .. طب انا عايز اعرف رأيك
-عن اذنك *دخلت اوضتي وقعدت اضحك هو بيحبني اووي كداا يا قلبي ياللي هتقف ياني 😹💃
بابا : إيه رأيك يا سلمى ؟!
- اللي حضرتك شايفه يا بابا
= انا شايف إنه شاريكي * بصيت ف الارض وضحكت *  طب على بركه الله هنقراا الفاتحه * طلع بلغوا بموافقتي وانا سامعه صوته وهو فرحان وبيقروا الفاتحه واتفقوا إننا نكتب الكتاب علي طول *
نزل ف بصيت عليه من البلكونه لقيته بيبصلي وبيضحك ❤ وبصوت عاالي قاالي : بحبييييييك❤
"اتفضحنا الحمدلله شكرا يباشاا😹
وجيه يوم كتب الكتاب "" بارك الله لكما وبارك عليكما وجمع بينكما في خير "" صوته عاالي اووي وبينده علياا
= مرااااتاااااي
-* مين الاهبل ده يا جماعه هو كان عاقل في الشغل وشبح في نفسه ايه اللي حصلوو !! *
وقف قدامي وبصلي وضحك ف ضحكت
= بقيتي بتاعتي
-...
ردي طيب
-...
= سلمى
- نعم
= بحبك
- دايبه والله 💕
لولا وجودك ما حييت
#سلمى_ياسر