اسكريبتات ل سلمى ياسر

اسكريبت 29

- ياسميين
= خير ؟
- عندي ليكي خبر قمر
= ربنا يستر ، إيه ؟!
- متقدملي عريس
= ربنا يصبره على الابتلاء
- طب أكمل طيب
= كملي يختي يعني هتقولي إيه بلا نيله
- هقولك إن العريس الولاا أحمد اللي معانا في الدفعة
= أحمد القمر داا ؟!
- ايوه هو ده 😌
= سلمى أنتي عارفه إنك صحبتي وبحبك صح
- مش هقوله يخطبك انتي لاا 😹
= سلمى انا بكراش عليه من سنة اولى متهزريش
- ابداا
= انتي لا يمكن تكوني صحبتي لااا
- هتيجي عندي بليل عشان هو جاي ومتتأخريش
= طب مش هاجي بقاا هه
- هستناكي ، بااي
( سيبتها ومشيت ، روحت البيت وساعدت ماما في تجهيزات انتظار العريس لحد ما جيه وبابا قابله وندهلي عشان اقعد معاه)
• ازيك يا سلمى ؟
- بخير ، انت ازيك ؟
• بخير بيكي ")
" الباب بيخبط "
= سلمااة انا جييت
- دي ياسمين صحبتي
أحمد : اه عارفها ، أهلاً وسهلاً
= أهلاً بيك يا شبح ، منور والله
أحمد : ربنا يخليكي ده نورك
= بص يابني ، عروستنا دي مفيش زيها ومفيش في جمالها ، طبخ تلاقي ، نضافه تلاقي ، شطاره تلاقي ، حلوة و بشرتها فاتحة عشان متبصش برا ، بتلبس فساتين ومؤدبة و زي الفل ، حافظه كل الاغاني وهتلاقيلك اغنيه في كل الاوقات ولو متخانقين بقا هتبهدلك اغاني كئيبه ونكد إيه مقولكش ، من الآخر هتاخد زوجة مصرية متكاملة
أحمد : احم.. شكراً والله بس تسمحيلي بعد إذنك أتكلم معاها على انفراد ؟
= إيه ده يا سلمى ده بيطردني ، طب انا مش موافقه بقا ، يلا يا كابتن معندناش بنات للجواز
أحمد : لا مش قصدي ولله بس انا ما صدقت قعدت معاها شويه ، ف هنخلص كلامنا واندهلك تكملي مميزات العروسة
= واد انت رخم ، بس انا هطلع واسيبكوا شويه على ما اشوف طنط طابخه ايه النهارده وأجي تاني
أحمد : بالهنا والشفا مقدماً
= ملكش دعوة أنت
( قامت خرجت وهو ضحك بهدوء واتكلم .. )
• بصي قبل ما ترجع تاني ، إحنا ااه في كلية واحدة من أربع سنين بس أنا مكونتش جاهز عشان آجي أتكلم ولما جهزت مستنتش السنة تخلص وجيت عشان أطلب أيدك ، أنا جبت شقتي وجهزتها ومش ناقصها غير وجودك فيها ، وفاضل على تعليمي كام شهر ويخلص واترقى في شغلي وابقى معايا وظيفة كويسه عشان أقدر أعملك كل اللي بتتمنيه ، مش بقول إن ناقصك حاجة بس عشان متحسيش إن في فرق بين بيت عم ياسر وبيتي ، عايز أكون ليكي أب تاني بعده ، وأتمنى تقبلي بيا وتقبلي تتجوزيني ،  .. ااه في حاجة كمان ، أنا كنت عايزها بعد كتب الكتاب بس مش قادر ، أنا بحبك ") 💛
- أنا موافقة ..
• مش هتفكري شويه ؟
- بيتهيألي كده إني مش هلاقي حد يحبني زيك !
• "خُلق قلبي لـ يُحبك وخُلقت عيناي لـ تراكِ ..💛"
- لا أنا مش قد الدلع داا 😹💛
• شيلت حب 4 سنين في قلبي وجيه الوقت اللي يطلع فيه
ياسمين : ولاا أنت هيطلع عينك مني عشان تبقى عارف
- ...

لولا وجودك ما حييت 💛
#سلمى_ياسر
" متنسوش لو عجبكم الاسكريبت تدعمونا بفولو 💛 "