اسكريبتات ل سلمى ياسر

اسكريبت 24

- أنا عايزه أب ..
= هبقالك أب
- بس مفيش أب بيبعد وأنت بتبعد كتير
= مش هبعد تاني ، مش هقدر ، أنا من غيرك مبعرفش أكمل ، مبعرفش أعيش بيبقى دايماً جوايا حته ناقصه .. دايماً ناقصني وجودك فـ متغيبيش !
- وإن غبت أنت ؟
= قلبي هيجبني ليكي جري ، ده أنتي اللي ساكنة جوااه
- خايفة أصدقك
= وأنا خايف تسيبيني
- أنا مبسيبش وأنت عارف ، أنا عمري ما سيبت حد ، عمري ما بعدت عن حد بحبه ، عمري ما قدرت أسيب اللي محتاجلي بس أنت بتقدر ، أنت قاسي ومبيهمكش ، بتبعد وتقول نفسِي وأنا أقرّب وأقول أنسي ، بنسى قساوتك وبهرب لـ حُضنك ، بنسى وجعي ودموعي وأجيلك أقولك أنا بحبَك فـ تاخدني في حُضنك وتقتلني ، بتموتني فـ قُربك يا أحمد ، غيابك أهون .. !
= بقيتي قاسية أووي
- للأسف مش قاسية وللأسف لسه بحبك وللأسف عايزه أهرب لـ حضنك

( فتح أيديه زي أب بينادي بنته عشان يحضنها ويدفيها ، باب بيتي مفتوح قدامي ومش قادره أجازف وأدخل ، زي ما بطّمِن بين ايديه بتوجِع .. بحس إن ضلوعه بتقلب سكاكين تقطع قلبي وتفتته .. ! م

= مش هوجعك ، مش هقدر ، أنا بحبِك .. وحياة عيونك اللي بتلمع لما تشوفني بحبِك

( مقدرتش أمسك نفسي وجريت لـ حضنه ، هربت منه ليه زي العادة )

- متسيبنيش تاني
= هتبت فيكي

( فضلت قاعده معاه ، جوا حُضنه .. هو غايب بقاله كام شهر ، سايبني وبعيد عن قلبي ، قلبي اشتاقله لحد ما مات من الوجع على فراقه ، عوضت غياب الشهور بالكام ساعة اللي سكنت حضنه فيهم )

( قومنا مشينا وأنا دقات قلبي رجعت تاني ، رجعت برجوعه لياا ولـ قلبي ولـ حُضني )

..

< ورجعتيله بالسهولة دي ؟
- مليش مكان غير حُضنه
< والوجع اللي وجعهولك !
- نسيته لما شوفت عيونه
< والعياط اللي كنتي بتعيطيه ! دي عنيكي ورمت من كُتر العياط
- ضحكته نستني دموعي
< أنا مشوفتش حد بيحب بالطريقه دي ، أنتي مصممة تحبيه وهو مصمم يوجعك ويكسر قلبك
- بس بيرجع يصالحني
< وبيرجع يدغدغ قلبك
- بيلمه في حُضنه

(بصتلي وسكتت ، أنا عارفه إني غريبه في حُبي لـ أحمد بس أنا مش عارفه أعمل حاجة غير إني احبه ، هو ساكن كل حته فيا ، هو قادر ينسيني أي زعل بينا بـ قربه مني بس ، في قربه بنسى الدنيا والنااس ، بتوه في حضنه وقلبي مبيدقش غير ليه ♥️)

..

= بنتي الحلوة لسه صاحية ؟
- اه يا أحمد
= اسمي بابا
- خايفه تبعد وأبقى يتيمه تاني
= وحياتك عندي ما هبعد
-...
= ربنا يشهد عليا ، والله ما هسيبك غير بـ موتي
- بعد الشر عنك
= حنيتك بتفرح قلبي
- اقولك حاجة ؟
= قوليلي حاجة
- بحس إن قلبي بيتخض ويفرح كده لما يشوفك ، لسه بيدق جامد لحد دلوقتي ، قربك بيخلي قلبي يتنطط
= قلبي سابني ومشي معاكي
- هشيله في عيني
= انا هشيلك في قلبي