اسكريبتات ل سلمى ياسر

اسكريبت 1

" محتاج ل حد يكون أنا يقسم معايا الدندنة "
كنت فاتحة الفيسبوك ولقيت البوست ده وسرحت فيه ، أنا فعلاً محتاجة حد جمبي ، أنا لوحدي ومفيش حد بيحاول يبقى جمبي ، محدش بيكمل معايا وكلهم بيمشوا ، أنا مش وحشة .. أنا بس طفلة شويه !
كملت تقليب في الفيسبوك بملل .. قابلني بوست لكاتب اسمه " أحمد إبراهيم "
* يمكن الدوشة اللي جواكي تسكت لما تتكلمي مع حد شبهك ، بنفس عفويتك و دماغك ويحب طفولتك .. يحبك زي ما أنتي *
حسيت الجملة بتاعته لمست قلبي وبعتله رسالة ، مش من عادتي أكلم حد معرفوش بس حسيته شبهي .. حد هيكون أنا !
- مساء الخير ، الجملة بتاعتك حلوة أوي و دخلت قلبي والله
عدا حوالي 15 دقيقة وأنا في صراع جوايا بين إني أمسح المسدج أو إني أسيبها واللي يحصل يحصل ..
= مساء النور ، يمكن عشان شبهك !
لقيت مسدج منه ، وقفت صراعي الداخلي شويه وركنت كل خناقاتي مع نفسي و رديت عليه
- يمكن الجملة شبهي بس مفيش حد شبهي
= دورتي عليه عشان تقولي كده ؟
- لا
= اومال حكمتي ازاي إن مفيش حد زيك وأنتي مدورتيش ، معملتيش مجهود عشان تلاقيه
- مستنياة هو يدور عليا ويعمل مجهود عشان يجيلي .. !
= ويمكن الصدفة تجمعكوا ، زي ما الجملة بتاعتي جمعتني بيكي كده
- يعني إيه ؟
= مش مهم ، بس لو عايزه حد يسمعك عموما أنا موجود
مش عارفة ليه ابتسمت وحسيت ب فرحة إنه مش زهقان مني ومش متجاهلني و رد عادي وبدأت أطلع لخبطة قلبي ليه من غير سبب مقنع لنفسي !
- أنا شخصية إنطوائية وإجتماعيه في وقت واحد وقبل ما تقولي ازاي هفهمك ، أنا بحب الناس وبحب أتعرف على ناس جديدة ويبقى ليا صحاب كده وأتكلم وأهزر وكل الحاجات دي
= حلو
- لا مش حلو ، بعد كل ده بخاف أبقى تقيلة على حد ، بقلل كلام ، بقفل سوشيال ميديا ، بختفي عن الناس عشان مبقاش شخص غير مرغوب فيه ، دايما خايفة أبقى شخص مش مرحب بيه ف ببدأ أبعد ف ببقى بوحدي عشان محدش فكر يدور عليا زي ما أنا عادة بعمل ..
= طب ليه مش بتقللي وجودك بدل ما تمنعيه ؟
- مبعرفش أعمل كده بردو ، بلاقي نفسي بنعزل عن الكل وأبقى لوحدي
= تسمحيلي أبقى معاكي في وحدتك ؟
سؤاله فاجأني .. يمكن عشان محدش فكر يبقى معايا في وحدتي قبل كده ف شوفت سؤاله غريب !
- طب أنا معرفكش !
= أعرفك بيا ، أنا أحمد إبراهيم ، عندي 24 سنة من القاهرة وتقدري تقولي كده أغلبيه وقتي ببقى مُنعزِل زيك يعني شبه بعض .. أنتي مش غريبة أنتي جميلة
شوفت الرسالة بتاعته وبدأت أرجع ل صراعي تاني ، قفلت الموبايل كله ورميته بعيد عني ، مش همسح لحد إنه يستغل نقطة ضعفي ويكسرني ، هو عرف ضعفي فين و أكيد هيدوس على جروحي ويفتحها تاني !
عدا يوم واتنين وأنا بمنع نفسي امسك الموبايل وسيباه في نفس المكان اللي رميته فيه ..
* الباب بيخبط *
- مين ؟
• هو حد فاكرك غيري يا سلمى أنتي هتمثلي
فتحت الباب للمهزءة صحبتي " ياسمين "
- تعالي ياختي
• قبل أي كلام و سلام ، موبايلك فين ؟
- مرمي جواا
• ليه ؟
- مش عايزه اتكلم
• همسك أعصابي ومش هتخانق ، أنتي وحشتيني ، إحنا ااه مش بنتكلم كتير بس وحشتيني ، متقفليش وتختفي ، أنا والله جيالك بالعافية بس مهونتيش عليا ، همشي دلوقتي وألاقيكي فتحتي موبايلك
- حاضر
قامت مشيت وأنا دخلت أوضتي وفتحت الموبايل ، لقيت رسالة منه " أحمد "
= كنت عارف إنك هتخافي وتقفلي بس أنا مش عايزك تخافي .. أكيد ظهورك في الوقت ده ليه معنى
- او ملوش ولازم ابعد تاني
= مش هلاقي حد شبهي زيك واكيد انتي نفس الكلام ! يمكن لينا نصيب سوا
عملتله بلوك ، معنديش استعداد أتعب قلبي في علاقة ملهاش ملامح ومع شخص معرفوش ولا يعرفني ...
عدت فترة بس هو كان دايما في بالي ل سبب مش فهمااه وكنت دايما أفتح الفيسبوك وأفضل قاعدة يمكن ألاقي رسالة منه ، مش عارفه ليه كنت مستنيه رسالة من حد مجهول بالنسبالي بس كنت مشدودة ليه .. كانت كل حاجة غريبة وجديده بالنسبه لحد منعزل زيي
فتحت صراحة أشوف الفراغ اللي فيه كالعادة
" متحاوليش تهربي عشان أنا مش هسيبك ، أنا عايزك ومش عايزك تلغي البلوك ، أنا عايز رقم والدك وكتر خيرك على كده "
رسالة تانية *
" اه ابعتيلي رقم الحاج على الرقم ده (**) واعملي بلوك واتس كمان لحد ما تبقي بتاعتي ..
فضلت اقراهم كتير زي ما أكون مش فاهمة الكلام أو مش مستوعبة ! هو هيكلم بابا لمجرد إني شبهه ! حد كمل الجملة بتاعته فيه !
فضلت أفكر شويه .. ما هو ممكن يبقى شبهي فعلاً !
فتحت الواتس بعت رقم بابا على الرقم اللي أحمد بعتهولي ، عملت بلوك ونمت ..
تاني يوم صحيت وبابا قالي إن في واحد كلمو وهييجي بليل عشاني اسمه " أحمد" ، مجنون و دي حاجة حبيتها ، بس شكله عامل ازاي !
فضلت أتخيل ملامحه هتبقى ازاي لإني حتى مفكرتش أدخل البروفايل أشوفه !
الوقت عدا والميعاد قرب ، لبست فستان أسود وفي ورد أبيض وطرحة بلون الورد 🖤
هو جيه وقعد مع بابا وبعدين أنا طلعت ..
- السلام عليكم
= وعليكم السلام
فضلت باصه في الارض *
طب مش عايزه تشوفي المجنون اللي جاي يتجوزك من رسالة ده شكله إيه ؟!
ضحكت ورفعت عيني بصتله ، كان لابس قميص أسود بردو ، رغم إنه قاعد بس باين إنه طويل وملامحه حلوة ، اسمراني شويه و بدقن .. موافقة يجمااعه 😹
- جاي تتجوزني من رسالة !
= جاي اتجوزك عشان شبهي وبتكمليني
- بس ..
= بحبك
- نعم !
= تتجوزيني ؟
- نعم !
= على بركة الله ، يا عم يااسر مش هنقراا الفاتحة
قرينا الفاتحة واتفقوا على كتب الكتاب ! يجماعه ما حد يشوف الاستاذ ده مالوو !
كتبنا الكتاب *
= بقيتي بتاعتي ، إلغي البلوك بقاا هاا 😉
- ضحكت - انت مجنون والله
= بحبك يا سلمى 💛
- بحبك 💛

💛👑 لولا وجودك ما حييت 👑💛
#سلمى_ياسر